你最後留下的歌

開首有點悶，但歌曲悅耳，故事流暢感人！

《你最後留下的歌》由三木孝浩執導，道枝駿佑、生見愛瑠主演，改編自一條岬的同名小說，特別嘅係三木孝浩第二次執導一條岬的小說，上一個作品係《今夜，就算這份愛戀從世界上消失》，同樣由道枝駿佑擔任男主角。.劇情講好有唱歌天賦同音樂才華嘅遠坂綾音（生見愛瑠 飾）執到水嶋春人（道枝駿佑 飾）寫嘅詩，所以邀請佢填詞，此後就共同創作音樂🎼綾音更踏上歌手之路🎤.電影以歌曲為主，首首歌都好聽🎵而且有譯埋歌詞👍🏻好多日韓電影都唔譯歌詞，有時會投入唔到，呢套全部譯歌詞，而且好配合劇情，會更投入🙌🏻.想講開頭對春人個角色睇到有啲勞氣，覺得佢好似太被動，但後面又幾甜，同埋做爸爸嗰段又幾好睇，但好似唔識老咁🤣.最鍾意演唱會場館外嗰段❣️好浪漫🥰💕但現實應該冇可能🤣fans一眼關七嘅😎.整體前半段都幾浪漫、純愛同勵志💪🏻而後半就催淚，戲院都聽到唔少喊聲🥹不過個人就已經受夠日本/韓國好鍾意拍嗰啲絕症/失憶橋段🙈🙈.生見愛瑠以Ayane之名喺電影咗嘅幾首歌都好正，好值得睇完戲再聽🎶🎸

整體嚟講唔錯。中學發展到畢業後嘅愛情故事暖心、歌好聽。係拍拖睇戲嘅選擇。如果可以中學時再多啲一齊創造嘅歌咁就完美。臨尾場景有少少重復，但可以接受。

如題，以歌為題，最純粹的校園愛情，極致浪漫及感動！不過都後面都係d老套劇情。4.7/5 （94分）

男主角人設係詩，女主角人設係歌，合成青春「詩歌」，本來可以好浪漫，偏偏男女主角、綠葉演員同路人甲乙除咗「丙」就係一無是處，全片演員個個演技屎到爆，做戲咁做，又表面又稚嫩，睇咗錶十幾次，放蚊萬幾隻，打呵欠🥱打到甩牙骹，連絕症呀孤女呀都出埋，卻咇唔出觀眾半滴眼淚🥲，我因為不停打呵欠🥱反而迫出好多眼水🤬🤬🤬戲最屎嘅係道枝駿佑，一米八+俊朗面孔+青靚白淨，居然成日「寒背」扮缺乏自信扮宅扮怕醜，睇到既起雞皮又噁心🤮走去追火車，女主角就喺前面十米，扮睇唔到懶慌張，假到死，情深樣、悲傷樣、欣喜樣⋯居然冇乜分別！女主角嘅人設都好矛盾，既高冷不覊孤絕，又可愛勇敢熱情❤️‍🔥有冇攪錯呀？情節老土、緩慢、沉悶、堆砌⋯⋯有四隻歌，都幾好聽，但旋律節奏差唔多，第一首喺電影頭半個鐘loop咗五六次，聽到耳仔起繭🤬，如果你係男女主角影迷歌迷，入去捧下場無可厚非，但如果你唔係，我強烈唔推薦，唔想你學我做水魚！！！

老套到喊，戲名都點名其中一人最終命運，為了男主角而聽歌勉強可以。校裏部室、星星比喻、第一首歌都概括相識的點滴。對方閃耀時心生不樂，但卻不知只有自己的詞才能讓這歌發出功效。要是去到幸福生囡一截就停就更好，強行唱死整個悲劇，最可憐一個髮型用到出來工作組織家庭的男主角。婚成不是更應該繼續事業嗎？轉折突然，還好歌曲確實動聽，現實詞曲都同一人。雖然今次道枝君得個靚仔，做人阿爸都不太合格。