齊木楠雄的災難

利申未睇過原作，主角群的形象同性格都好鮮明，同埋個女仔真係好靚，見到都會"啊"一聲~4.4/5 (加0.1分俾粵語配音團隊！很用心！)

“齊木楠雄的災難”嘅動畫版一直都有追開,香港Viutv版就好好笑啦,估吾倒今次電影版,居然揾返Viutv版嘅配音員配返,所以都幾期待下,等左幾個月終於上映,緊係要入場睇啦。 睇完之後,我係覺得正嘅,好睇嘅,同動畫版一樣都係咁好笑,對白夠地道(粤語版),字幕好有心機,成套戲都好搞笑,冇乜悶位,還原度幾高,整體都滿意,但如果電影版同動畫版作比較,我會鍾意動畫版多D。 以往嘅動畫版一集有幾多單元,而今次電影版就係一個單元,套戲前半段主要都係介紹返“齊木”嘅古怪同學,可能因為電影版嘅關係,部分角色喺電影版冇左戲份,不過都會吾會影響觀感嘅。 今次可能因為電影版嘅關係,好多配角嘅戲份好明顯少左,主要集中返喺主角“齊木楠雄”身上,同動畫版吾同,“齊木楠雄”開聲講野多左,吾係淨係心聲,今次最出眾嘅角色應該就係“照橋心美”,同動畫版最吾同嘅地方應該就係冇左女神光芒同埋多左好多顔藝,至於其他角色嘅表現同動畫版都差吾多,咁查實我最鍾意嘅角色就係“燃堂力”,可惜戲份吾多。 總括嚟講,呢套戲係正嘅,片商好有心機,揾返Viutv去配,“齊木楠雄的災難”嘅災難嘅粉絲定必要入場睇啦,而“齊木楠雄的災難”第二季仲連載緊,希望電影版會出第二集啦(畢竟“銀魂”電影版今年都會出第二集)。

雖然我初頭影評以為真係麻麻地,但睇落睇l又可以接受喎,都建議去打嘢

首先配音很差，諗住會好似J2銀魂那種抵死配音，結果唔係，人物同把聲完全唔襯。動畫版係好笑，但呢套真人完全無左神采，根本完全做唔到，0分原作還原。

有無睇過漫畫都無緊要，很適合年輕人看. 我覺好睇頂癮，請我媽睇，但佢就..

冇睇過呢套動畫 據聞好好笑 就入場 除左主角因角色需要長期poker face外，其他角色都表情豐富，不難令人幻想到動畫的模樣。 但真人版的動畫始終給人十分真實的感覺，有點難代入，並會令人覺得某些場景表情動作奇怪。情節牽強，笑位有，唔使用腦的個半鐘。