極悍巨鯊

電影流，沒有悶場，情節豐富，但沒有太大驚喜，畢竟難敵史匹堡的“大白鯊”。這電影由李冰冰當女角，表現尚可，但最難頂的是她那張“膠面”，有時秀麗，有時浮腫，有時疲憊，畢竟已四十多歲。最有感覺是尾場那幕“餃子下湯”，人群差點成為鯊魚點心。

套戲就講主角群(主要係男女主角) 發現鯊魚後點同佢搏鬥救人，追蹤，擊殺，鯊魚肆虐泳灘等都有，精彩緊張刺激，幾乎無悶場男女主角有感情戲~女主角女配角都幾靚，細路女超可愛又勇敢~ 92分4.6/5

整体还可以特效几OK

故事都算簡單，都快入肉，好快已經出現巨鯊；CG都算係咁，唔太假，最尾結局有少少意外，都算好睇…(大陸味有點重…扣些少分數)

未睇之前，有好多牛B巴打話Jason Statham有強大的主角光環，結局變超西之類，我心諗有幾強大呀！中段肥仔用核爆都炸吾死條鯊，頂....最終Jason真係誇張到徒手攪掂條鯊魚，條巨鯊都算死得吾眼閉！！吾需要帶腦入場，整體上會係睇得舒服睇得爽，小左荷利活中國片果種伏味道，只有冰冰味道，李冰冰都算係咁，成套戲最搶戲就係小女孩，美人胚子非常討好，條巨鯊戰鬥力有點飄忽，都算緊張刺激無乜悶場，埋尾似CCTV做旅遊宣傳，有美麗既陽光海灘、清澈既沙幼、動人既婚禮，各種海上活動應有盡有樂而忘返，三亞我都去過，D女全部著亞婆泳衣，還有大媽的面堅尼，水上活動貴燃到仆街，仲之乜都貴，邊有咁正！

電影最大主角當然是絕種了二百萬年的海上霸王巨齒鯊，超強大的牠CG造得很迫真，多次突然出場都做到窒一窒的驚嚇感。可惜的是血腥畫面欠奉，主角太強令驚險度大減不少。此片由Jason Statham主演，動作場面當然不少，但想不到他說話比動作更好看，幽默感泛濫。逃避巨齒鯊追擊時亦不失幽默，對白搞鬼。不過主角光環下，看起來我差點兒以為Jason是Aquamam，英雄真的很強，險象橫生但每次都輕鬆過關。另外，一眾配角都很惹笑，特別是懂遊水的黑人成員，以及三亞灣的中國肥仔。日本人短短出場但都令人印象深刻。不過，大陸演員突兀演技是本片敗筆，包括李冰冰在內，表情生硬絕對比同片外國演員比下去。做得最自然已經做李冰冰女兒的小朋友，與男主角的互動亦很有趣。此片娛樂性十足，除了感情線比較突兀外（父女情或愛情線都是），單是幽默感及驚險場面已值得入場輕鬆一下。更多影評在⬇️Facebook / Instagram : Mr.PolarKuma