兒凶：屠出暗界

3.8⭐温子仁producer。有結構, 有劇情, 故事亦算完整。唔太jump scare, 主要玩奇幻同氣氛。今集都有啲新意玩牙醫，同阿伯檢查牙齒幾噁心，電鑽聲亦可能對有啲觀眾會產生恐懼感。電影場景切換幾流暢, 有幾個切换亦見心思。前幾集靈媒阿嬋再現, call 番啲系列回憶返嚟。小女孩可愛討好有演技。都可以入場一戰。PS.• 字幕中段有一個彩蛋

本片場數唔多，尤其放工時間都無幾間戲院有上，特登去Airside睇，以為無乜人，出乎意料之外，都有六、七成滿，一半係青少年，見佢哋被嚇到幾驚，完場聽佢哋講「嚇到急尿/屎」，真係估唔到，可能對於我哋睇好多溫子仁作品嘅，已經好難嚇得到，尤其係jump scares 同埋啲恐怖核突造型化妝，所以今次觀賞角度唔係當恐怖鬼片睇，而係睇個靈異故事。第一二段係比較慢節奏，其實唔需太詳細舖排，緊湊對接到面對惡靈嘅方法同過程，會精彩啲。個故事本身唔錯嘅，對於個應付危險嘅舖排都算吸引到觀眾去投入，導演用頗多大特寫面部表情去加重壓迫感，女主角作為牙科技術員，啲洗牙、清理口腔污物、鑽牙，用大特寫，亦有啲新意。另外啲特別物件都拍得幾細緻，唔錯。最後穿越the Further 同現實之間，情節有反轉再反轉，拍攝上剪接得利落，令套戲喺欠驚嚇同詭異氣氛下，有啲睇頭。同Insidious兒凶系列都冇乜關聯，除咗用番上集Red Door外，當然，見返元祖神婆，都係好親切嘅。今集女主角同阿女嘅小演員，做得好好，阿媽瞓覺個樣仲好似Stranger Things 嘅 Max(Sadie Sink)添。如果喜歡溫子仁作品，唔好抱太大期望套套都佳作，今次個故仔幾好亦加上少少新元素，都睇得過嘅。

呢套戲光喑做得好，同之前恐怖片勁黑好多

#兒凶6 #InsidiousOutOfTheFurther大家好，我是 Wild Wildy！今日同大家睇吓最新上映嘅恐怖系列續集——《兒凶：屠出暗界》(Insidious: Out of the Further)！呢套電影由 Jacob Chase（積哥比·卓斯，曾執導著名恐怖片《鬼友記》/ Come Play）執導及編劇(聯同另外兩人）。佢嘅戲我未睇過。主角陣容包括 34 歲依然好靚嘅 Amelia Eve（艾蜜莉亞·伊芙，飾演 Gemma）、系列靈魂人物 Lin Shaye（林·沙燁，飾演 Elise）、Brandon Perea（布蘭登·佩雷亞）以及 Maisie Richardson-Sellers（梅西·理查森-塞勒斯）。Google Fact-Check 影評基本數據IMDb 評分：6.1 / 10Rotten Tomatoes 爛番茄： 67% (Critics) / - % (Audience)故事簡介： 女主角 Gemma 發現自己唔單止可以進入冥界（The Further），仲擁有將亡靈帶返現實世界嘅能力，結果引來冥界惡靈追殺。先講值得驚喜同讚賞嘅地方三代「女巫」的故事：今集故事圍繞三代女角嘅神秘連結，鋪排幾有張力。女主角 Amelia Eve 雖然已經 34 歲，但幕前顏值非常高，演技亦夠投入，帶動到成套戲嘅氣氛。冥界新概念：Traveller and Courier：雖然有部分影評認為今集同《兒凶》主線關係不大，，但我反而覺得算有新意的地方。今集引入咗「Traveller and Courier」（冥界旅人與送貨人）以及「冥界非法移民湧入」吧。，刺激生理不安嘅恐怖技巧：除咗傳統嘅 Jumpscare 、黑暗環境、幽閉空間之外，導演今次善用神怪老人家、牙痛、擘大口污糟邋遢等視覺細節，成功製造出一種不安感，令人睇得相當麻痺同不適。再講講令人失望要彈嘅地方招牌元素老套：又係血色大門：招牌嘅「紅色門」再次出現，坦白講真係睇到有啲麻木同味同嚼蠟，缺乏視覺突破。今集加多句每道門的背後也可不同，那即日後可無限reboot了？Icon 審美疲勞：Lin Shaye 飾演嘅神婆 Elise 簡直係美版羅蘭，固然係呢個系列嘅 Icon，但集集都拎佢出嚟都悶大橋缺乏突破：整體故事大橋同第一二集分別其實唔大，依然係走唔出舊有嘅套路框架。如果按電影商業生意同口碑嚟講，表現唔合格或者被批判真係唔出奇。整體嚟講，《兒凶：鬼門關外》算係一部嘗試改少少又推出市面嘅作品。可能對一啲人嚟講誠意欠奉。但至少是一個完整的作品。傳中如果你係《兒凶》系列死忠粉，睇喺 Amelia Eve 嘅顏值同「冥界郵差」嘅新設定份上，依然值得入場一試！其實我覺得《兒凶》系列唔應該繼續拍落去，你又點睇？Lin Shaye 係咪時候要「退休」呢？歡迎喺下面留言話我知！記得點讚、分享同訂閱我嘅 Channel，我是 Wild Wildy，我哋下部電影見，Bye Bye！

地球上嘅鬼片越嚟越少！ 點都支持一下 溫子仁 👍🏻 今集 兒凶 不過不失 值得一睇 👍🏻

合格有餘 7.5/10 ✅✅買飛之前見到0.5分師兄嘅評價爭啲放棄，我只會話幸好冇走，今集比起紅門又有進步，溫子仁冇比以前嘅作品局限，恐怖情節鋪排有設計過，唔再係Conjuring 3發脹屍體沖埋嚟嗰啲低級恐怖，帶完全冇睇過前幾集嘅朋友入去都零負擔，恐怖、溫情、伏筆齊備。唯一缺點係太短收尾略嫌急速，母女情未夠入肉，寧願佢長啲交代更多細節，最後總結入去睇就啱，期待下集（如果派女主角打Doctor Doom 有機會贏）