走佬芝娃娃

一隻家住比華利山的芝娃娃高兒(祖芭莉摩亞 聲演)，平日被名模主人(珍美李寇蒂斯 飾)錫到燶，日日過住出入名店、Shopping食tea嘆Spa的超豪闊太生活。點知突然一日去到墨西哥，貪玩嘅高兒，竟然意外從酒店走失，流落墨西哥龍蛇混集之地，仲比黑幫擄走，諗住用佢向名模勒索。雖然有正義狼狗狄加度(安迪加西亞 聲演)勇救芝娃娃小姐脫險，不過黑幫都柏文惡犬尾隨狂追；高兒唯有放低名牌狗袋，化身街頭惡女，同狄加度並肩作戰。另一方面，名模花王帶同愛犬柏比(佐治盧比斯 聲演)到墨西哥幫忙尋找高兒。柏比是一隻肌肉結實、身手敏捷的芝娃娃，一向對嬌嫡嫡的高兒情有獨鍾；今次實行把握機會，搏老命做護花使者。憑住不屈不撓嘅決心，仲有各方動物朋友加其他芝娃娃同類幫忙，柏比幾經辛苦搵到高兒；再加上狄加度挺身相助，擊退都柏文惡犬同黑幫壞人，高兒終於可以同名模主人團聚，結束一次驚險刺激的大冒險！