想盡情大嗌？唔一定要等夜晚十點或者唱肥媽，貞子一樣幫到你！日本殿堂級鬼片最新續作《 貞子 ：咒殺KOL》殺到嚟香港，除咗入場睇戲，粉絲仲可以親身體驗貞子嘅恐怖。由即日起至10月31日，銅鑼灣兩間逃出密室「迷の密失」及「逃出香港」，分別以「貞子凶宅」及「貞子‧咒殺醫院」主題密室挑戰你嘅膽量，有命全部完成更會獲贈電影門票兩張（以每隊計算，送完即止）。