特技狂人

good! good!

好睇，而且劇情非常簡單暴力，又搞笑！

個人覺得套戲是好睇，導演整個執行同處理也出色，的確這套戲在故事設計方面比近來只是一味續集的大片來講是比較有新意，這樣已經值得加分。而導演在執行力也是好睇同到位，可以細緻地藉這個故事來向一眾替大明星辛勞地作替身的特技人致敬，這方面他的確是處理得好好睇，而這樣元素加進落套戲故事也是匹配，好睇得津津樂道。咁當然套戲中導演也不忙抽各大動作經典同整個荷里活生態水。在演繹上，高斯寧同艾美莉今次也是亮眼，兩者之間這樣的互動很合，在很多位上，他倆的處理好令套戲的趣味增色不少。咁當然一眾配角也是同樣。還有，在今套中各個特技場面也是睇得賞心悅目，我會形容今次是一次過將電影特技最精彩的元素也納入，每一幕也是設計得很好精彩，無論是跳躍、飛車、追逐等也是，而導演也藉這樣來道出在每一幕背後，各人的分工同合作的重要性。其中最喜歡最後爆破組那場大亂鬥。痴·影·夢·藝 X 的專頁 https://www.facebook.com/ckwunmovie/

前半部分讓觀眾認識到特技人嘅工作，而後面嘅情節逐漸變成特務動作片，憑敏捷身手同衰人對抗，加上同女主角嘅愛情線，娛樂性相當高。p.s. 戲中戲metalstorm睇落非常吸引（有d似dune）有無考慮真係拍？有嘅話我必捧場~4.6/5 （92分）

特技人搵戲嚟做嘅電影，但估唔到咁好睇！Ryan Gosling飾演荷里活頂級特技人，戲中被問到奧斯卡有冇最佳特技人獎🥇，佢好黯然咁答NO！相比之下，香港電影金像獎就公平得多，由第一屆就設有最佳武術/動作指導獎，這點香港電影業應記一功！電影導演David Leitch都係stuntman出身，電影開場白和結尾製作花絮都話俾大家知哩齣戲係拍嚟向特技人致敬嘅，同1996年許鞍華洪金寶拍嗰套《阿金》向龍虎武師致敬一樣！電影穿插咗愛情線、殺人滅口、插贜嫁禍嘅情節，雖然牽強，但瑕不掩瑜，佢哋都唔係主題，只係擺嚟俾機會特技人表演飛車、化妝、爆破、飛車追逐、撞車翻滾、槍戰、埋身肉搏，打鬥功夫⋯⋯故事推進快狠爽，緊張刺激，幾好睇，好有娛樂性！其中有一段講到荷里活動作片大明星標榜自己親身上陣演高難度特技，但其實講大話，冇替身就根本唔使拍落去，只識演戲唸對白，假到死，仲要跑得好核突，感覺上好似係諷刺緊「靚老湯」？我一向喜歡Emily Blunt，但哩套佢只係花樽，低低BB咁，冇乜發揮機會！Ryan Gosling就唔同啦，身手敏捷，瞓身演出，遍體鱗傷⋯⋯但好老實咁喺片尾同四個身材樣貌都好鬼似嘅替身合照！故事中有兩個都幾搶眼嘅串星，一個係Marvel「已故」快銀Aaron Taylor-Johnson，飾演「荷里活成龍」爛飲爛滾嘅動作片巨星，講大話話自己唔使特技人親身上陣！另一個係水行俠閃現咗幾嘢。最後電影嘅音響一流，啲插曲仲好鬼好聽添，包括Taylor Swift嘅All Too Well。

我係想比4.2星嘅！故事劇情簡單，亦不算新鮮，但勝在枝節/細節玩得出色，特技精彩，誠意滿滿。真人特技近年被CGI取代不少市場，此電影重新喚醒觀眾對真人特技同特技人嘅關注，同時亦對過往嘅電影同電影人致敬，令本身簡單嘅故事加添咗一份內涵同埋加分。整體此電影值得入戲院捧場。