寂寂毛聞

感覺有少少似「毛家」2.0，畢竟流浪動物嘅個案喺香港從來都無停止過，睇住一幕一幕無數流浪貓狗嘅現實慘況…實在唔忍心，心會痛！繼續道出現實問題…好矛盾，眼見嘅可能只係冰山一角，香港仲有好多人/組織自發做救援；希望政府能夠做下嘢，加強教育，流浪動物都有生命，理應得到正視！p.s. 食野味食狗肉嘅正仆街，香港地咁多嘢食都仲要捉狗拎嚟食，CLS人渣👎🏻🖕🏻

點解明知食狗係犯法，都有人渣（s) 繼續做同政府完全唔做野拉佢地？人的性真係原兇，不論係邊個機構，講到底都係私人機構，政府一直坐視不理….所有生命都值得尊重！

#寂寂毛聞 #thedaysofsmallthings小梅大家好，我是 Wild Wildy！今日同大家睇下最新上映嘅本土紀錄片——《寂寂毛聞》(Silent Paws)！呢部作品由「港故仔」創辦人 Wallnex（詹振業）執導兼監制，佢之前亦曾參與執導同推動《毛俠》(Life Line) 同《毛家》(Paws Family) 等以保護動物為主題嘅電影。今次《寂寂毛聞》團隊用咗整整十年時間追蹤跟拍，主角係本港知名動物救援組織「毛守救援」(Paws Guardian Rescue Team) 嘅創辦人 Kent（陸家捷）及其救援團隊。喺電影數據方面，www.imdb.com www.rottentomatoes.com 未有官方評分。但我會至少給予8分。讚：生命何價？赤裸呈現浪浪慘狀與人類惡意：對比上次《毛家》探討不同個案和被領養困難⋯ 今回強調許多被非法捕獸器捕捉受傷的浪浪和TNR重要性（Trap Neuter Release)。電影震撼人心嘅地方，係集中紀錄毛守救援一些標誌性operation⋯ 凌晨出動⋯ 個案累積⋯ 充滿跳虱和蠓的廢屋⋯ 看畫面已覺辛苦⋯ haters試救一隻先網上出惡言啦。有些人類不只因為報仇而放置非法捕獸器，有些根本想食狗肉⋯ 導致浪浪嚴重受傷嘅真實個案。鏡頭刻意煽情總會有，但卻是最真實一面⋯ 充滿蛆蟲的傷口⋯ 被蝕到入骨的傷口⋯ 壞死的殘肢⋯ 我心中真係一直躺著淚。睇到嗰啲殘缺不堪嘅身體，不禁問一句：人可以做嘅真係好有限，但為何有人可以咁賤？咁無情？甚至咁無知去傷害無辜嘅生命？又或口出惡言⋯ 十年跟拍嘅真情與血汗：Wallnex 嘅鏡頭紀錄咗 Kent 同毛守團隊十年間不分晝夜嘅付出。Kent 為咗救援唔單止要面對極度惡劣嘅環境，仲要面對同官僚體制對質嘅憤怒。佢喺戲入面嗰句「連保護都保護唔到，講咩福利」，展現出最真實嘅憤怒同堅持，令人極有共鳴。將救援化為生命教育：電影扣除成本後收益全數捐予毛守獸醫中心，仲特設黃金時段口述影像版，實實在在咁將「愛護生命、可以不愛但請不要傷害」嘅訊息推落社區，極具誠意。我幾年前探訪火炭中心仍算有空間，但現在已放滿不同狗籠貓籠⋯沒有彈，只有少少可惜嘅地方：體制冷漠令民間力量獨力難支：套戲暴露出香港動物政策同地區執行的嚴重缺位。政府根本冇帶頭全面推動 TNR（Trap-Neuter-Release，捕捉、絕育、放回），例如喺屯門等浪浪重災區，完全缺乏政府主導同資源投入，單靠毛守呢類民間救援組織去救，簡直係杯水車薪。電影反映出呢種深層次制度問題，睇完真係讓人感到極度無力同沉重。但同時Kent的無制度凌晨出動全天候假期無休⋯ 和政府漁農署制度連連、一切按本子辦事啦注是必然對立⋯ 看着Kent產漁農署員工上天花板，其實從那些員工角度都是迫於無奈⋯題材龐大導致視角略顯單一：由於十年累積嘅素材太龐大，電影主線幾乎全集中喺 Kent 同毛守嘅第一線救援日常，對於社區反對聲音、放養居民嘅心態或者更廣泛嘅動物法例修訂歷程，描寫稍微偏向毛守單一視角。如果可以加入更多政策持份者或社區角度嘅對話，批判力會更加立體。（當然紀錄片由毛守出發這是絕對明白的）《寂寂毛聞》唔單止係一部紀錄片，如上回所言，是悲情城市香港浪浪生存狀態嘅一面照妖鏡 （現代化國際大都會？動物權益都不顧⋯ 談何國際城市？！大家睇完又覺得政府喺 TNR 同保護動物法例上應唔應該加大力度？歡迎喺下面留言話我知！記得 Like、Share 同 Subscribe 我個 Channel，我是 Wild Wildy，我哋下部電影見，Bye Bye！

一齣為寂寂無聞動物發聲嘅紀錄片，絕對值得大家入場支持！五星係比港故仔團隊嘅精神！

同《毛家》(2024)拍嘅內容好相似，主角亦係同一個毛守救援嘅負責人Kent。《毛家》個案少啲，每個個案嘅後續(包括領養/暫養家庭嘅狀況)交代得完整啲，亦更有電影感；《寂寂毛聞》雖然比較零碎，但同樣無悶場，唔會覺得重複，反而喺90分鐘可以拍到咁多個案好厲害。而且今次《寂寂無聞》有埋狗狗離世嘅鏡頭，部份個案更醜陋(包括捕獸器、疑似食狗肉)，應該好難先拍到呢啲片段(啲動物義工都好辛苦)，對香港動物保護制度嘅探討更深刻。喺市區生活，真係難以想像香港鄉郊仲有咁嘅事發生。好難對一套咁嘅紀錄片評分，只係希望多啲人入場了解多啲香港流浪動物問題，可以畀毛守救援及其他類似組織多啲支持。