殺神夜

個人覺得套戲是不錯，故事橋夠創新同破格，但演繹執行上有點薄弱，尤其是童星處理，令套戲有所失色。其實我喜歡導演編劇這樣創意，夠膽可以咁描寫聖誕老人，可以將他寫到憤世嫉俗、躲懶、喜歡賣醉、貪食同有點失常的設計，這樣的確令觀眾睇得過癮。但略為覺得他好像在情感演繹上略為欠了火候。故事設計上，這套是俗套，但如果喜歡虎膽龍威一二集或寶貝智多星的話，這套會有很多位會睇得回心微笑。尤其是閣樓陷阱這段，咁當然這段的設計比寶殘忍同血腥得多。動作方面，個人覺得這套有新意，動作夠過癮同夠暴，維京戰士同聖誕魔法的人設可令動作設計闊度大大增加，其中貨倉突襲同車房這段個人最為喜歡。痴·影·夢·藝 X 的專頁 https://www.facebook.com/ckwunmovie/

故事及角色都反傳統，普天同慶的聖誕節唔係個個喜歡、家人團聚都係為錢、聖誕老人原來係個幾頹的惡棍，對這個感覺好新鮮。打鬥都係殘暴，砸人如砸合桃，一鎚一個爆，爽！電影其他地方都係扎實，想過個爆血聖誕節，可以一看。

入場前冇唸過咁癫嘅電影, 扭轉你對聖誕老人嘅傳統觀念, 挑戰你對新事物嘅接受程度。本片集慶節、童話、温情、血腥、暴力、動作、槍戰、幽默、攪笑、夢想、童真、天馬行空、少少cult、....不同元素於一身。導演講故事技巧不俗,能將以上各種元素平衡而流暢咁溶為一體, 呈現一套充滿娛樂性嘅應節聖誕電影, 並且成功重素全新型象破格嘅聖誕老人。本片屬爽片類,不傷腦根,想輕輕鬆鬆娛樂一下應下節感受下聖誕氣氛的話,.....推薦！

santa claus is coming to town. 唔識用槍嘅聖誕老人，用"碎顱"大殺四方，聖誕魔法用原來係大絕！細路女玩陷阱都好好笑。不過整體氣氛偏壓抑，前段小悶，係主要扣分位。4.2/5 (84分)

Crossover of Die Hard 1 & 2 & Home Alone好有聖誕🎄嘅集體回憶雖然不免舊橋翻新 但創意會嚇你一跳笑位 感情位 都到位 又唔太夾硬嚟英文片名尤其精彩將平安夜🧑‍🎄Silent Night只改一兩個字母變成Violent Night 啜核到爆加上大量茄汁 聖誕見紅係常規David Harbour自Stranger Things大器晚成同奸角John Leguizamo旗鼓相當🎅 大戰Scrooge 又攪笑又暴力 最佳拍擋真正嘅黑色喜劇唯一可惜唔啱小朋友睇否則可以正面傳達一個天真無邪嘅信息：只要相信 就有聖誕 🧑‍🎄會真係橫空出現算啦 哩齣其實係畀未完全冇晒童心嘅大人睇嘅電影換言之 係成人童話散場時見到成班享受咗老人優惠嘅資深觀眾笑住走佢哋頭先曾經返老還童咗差唔多兩個鐘成人同老人家嘅聖誕佳品（受得住血腥至好入場呀）

不一樣的聖誕電影，有驚喜！.不一樣的聖誕老人，人設好有創意！動作場面多，香港上映版本應該有删減部分場面，但都夠血腥，睇得夠爽！雖然主線個家庭故事麻麻，但整體娛樂性都算豐富，近期睇得最開心既一部。.觀影平台: Premiere Elements.IG : andymyf / #AndyMovieReview