HOPE：逆襲希望港

個人覺得套戲只有畫面而故事過於空泛同過大。講真如果技藝，這套所用的鏡頭配樂，好有獨特的澎湃感，無論各場飛車、尾段騎馬，也是構圖好正，如果在大螢幕睇（韓國是上IMAX）會更震撼。但故事設定、走向，卻過於空泛同過大，這樣是令套戲的感覺大大被減低。人物設定過於極端，而故事事件的規模，也不是一個鄉村警署可應付，加上他們的火力不合理地勁，令整個投入感被拖低。痴·影·夢·藝 X 的專頁 https://www.facebook.com/ckwunmovie/

3.3⭐電影製作唔差，但故事概念、科幻設計同動作場面都係一般典型套路，可以講係有點 old school，走唔出框框。劇情同動作場面越睇越暴走, 尤其動作場面, 人類、外星人、槍械強弱度隨劇情需要而改變，應死又唔死得、正路應該唔駛死嘅又死Q咗。電影節奏又頗緩慢, 文戲又拖, 動作戲又拖，結果拖到成套戲157分鐘，攪到我要中場揾空擋去廁所，但出翻嚟繼續睇仍無損我對故事嘅理解。整體係一套有大片格局, 但觀影滿足度只係一般水平嘅作品，屬一看無妨, 冇睇亦唔係損失級別。PS.• 頭40分鐘(我有睇錶😅)嘅故弄玄虛舖排太長啦！第一隻外星人嘅CG好假。• 鄉郊警署女警果手車同戰力實在係太利害了😱 咁嘅質地應該喺首都當 SWAT 吧！唔係守郷郊囉！• 騎馬果個靚仔骨格精奇，比力大無窮、老樹都掃得低嘅外星人打飛幾次仍身體健康、精神爽利, 尾龍骨都重頂得住，勁！🤣🤣🤣• 前述靚仔騎果匹馬簡直係馬王之王王王王...。唔怕巨大外星人之外，比人騎住負磅百幾磅都要跑得快過幾米高歩幅超大步頻超密嘅外星人....好馬！👍• 電影故事其實未完，肯定有下一集，除非呢集票房慘淡• 咁大單嘢發生咗，只見無知小鎮警民在處理, 南韓政府真係"能得利“😅• 片中外星人設計令我唸起 Biohazard 裡面啲Boss 設計, 亦唸起阿凡達• 套戲早廿年睇可能會好精彩

#HOPE #HOPE逆襲希望港大家好，我是 Wild Wildy！今日同大家睇吓最新上映嘅韓國科幻驚悚巨製——《HOPE：逆襲希望港》(Hope)！呢套電影由韓國名導羅泓軫 (Na Hong-jin) 自編自導，佢過往嘅神作包括《追擊者》(The Chaser)、《黃海》(The Yellow Sea) 同埋《哭聲》(The Wailing)。主演陣容相當巨星級，包括韓國影帝黃晸珉 (Hwang Jung-min)、趙寅成 (Zo In-sung)、鄭好娟 (Jung Ho-yeon)⋯我想Google Fact-Check 影評基本數據IMDb 評分：6.9 / 10 (www.imdb.com)Rotten Tomatoes 爛番茄：79% (Critics) / 80% (Audience) (www.rottentomatoes.com)個人評分：6 分（可以入場睇，但唔會再重睇）台海 Film Club 話呢套戲由頭到尾都係爛片，亦有師兄言後半段爛咗⋯⋯我自己覺得又未至於完全不明所以嘅爛。不過故事確實係越開越大，臨尾更無邊際任飛收唔到科。依然係先讚後彈！讚：市鎮頹垣敗瓦極有誠意：特意搵半廢村（只有500人居住 模仿邊境小鎮）去拍 70 年代以前嘅復刻破敗質感，場景在現有建築上加建⋯ 整體非常有臨場感同視覺誠意。15 分鐘飛車追擊極度精彩：前半段嗰場長達 15 分鐘嘅飛車追殺，鏡頭調度同節奏控制得相當緊湊，爽度十足。森林拍攝騎馬殺敵與逃亡難度極高：騎馬場面要拍得流暢好睇其實好難，呢度嘅騎馬追殺同逃跑設計有逼力。怪物反轉設定有驚喜：究竟怪物係實驗品定係其他？最後嗰個反轉（twist）我自己幾喜愛。適度笑料調味：喺沉重驚悚嘅氛圍入面加插咗少少笑料，整體節奏平衡得 OK。彈：兩個半鐘電影某些片段對話過長：某些節奏難免給人太拖沓，好多對話根本可以精簡，甚至刪除。例如喺牛死屍旁討論死因、中段花大篇幅討論怪物數量，到臨尾仲要無厘頭無頭無尾吚吚哦哦，拖慢晒節奏和故事推進。物理計錯數，CG 怪物常失速失真：既然已知 CG 怪物跑得咁快，點解仲會追唔上騎住馬嘅人類？仲要多次因為高速追捕而跣低或者撲空n次⋯ 初初睇一兩次都仲算，重複太多次就顯得套路重複⋯ 主角光環勝過一切。末日deep inpact破壞力邏輯欠奉：試想一下，一噸重嘅隕石破壞力已經幾大；最後撚大喲咁巨型嘅物件撞擊地球，根本就係千個核彈嘅威力！廣島長崎千倍核彈級別都未止，又點會仲只係得一個山頭遭殃呢？完全物理失控。角色能力不合常理：怪物不死身都尚算可以理解；但人類角色Zo In-sung都不死？無論被重擊幾多次、高處跌落、撞到樹木之後，居然仲可以行動自如？根本完全唔可能，令人大扣分。不見了兒子的橋段太明顯，同樣無解釋兒子那麼重要，又會讓他「走失」了？《HOPE：逆襲希望港》開局確實算爆，但臨尾確實無邊際任飛收唔到科！記得 Like、Share 同 Subscribe 我個 Channel，我是 Wild Wildy，我哋下部影評見，Bye Bye！

"信念就是看不到的東西證據。"喺韓國有個偏遠嘅小鎮"希望港"有日收到猛獸來襲嘅消息，當地農場動物及村民一個接一個離奇遇襲傷亡慘重，逐漸發現原來係有兇猛巨大嘅外星生物喺鄰近森林出沒，再走到村落小鎮展開大規模襲擊，喺小鎮上的人面對外部訊號中斷、政府軍方支援受阻緩慢，喺鎮上同樹林同一眾外星生物展開一場生死搏鬥～～電影拍出人們喺受襲小鎮村落下嘅人性光暗面同進退兩難嘅恐慌處境，157分鐘全程毫無冷場睇得好緊湊，尤其動作槍戰騎馬飛車追逐畫面、場景聲效設計、攝影畫面鏡頭同剪接處理營造電影氣氛好緊張。前段即使外星生物未現形，情景處境已經睇得好令人心寒緊張，而尾段估唔到會同時分別拍出戲中幾位主角同外星生物嘅視覺角度。雖然部分外星生物情節CG效果可以處理得更好，不過整體嚟講電影俾到觀眾緊湊十足嘅緊張刺激觀影體驗。

故事大綱可以比半分。但如果韓國人把電影拍成這樣……，文化和收養也敗壞了。要搞笑嗎？面對這種危急還要這種不要笑的笑話嗎？大聲也不算無禮貌，但面對當時程況，還要這種大聲和嘈吵？也許太貪心，以為是恐怖片，又變成外星人是怪物！還只有兩鄉村警察應對，韓國士兵在那？外星人襲韓國領土！也許過去有出色的韓片，今次極其失望！電影可天馬行空，但不是鄉警連火箭炮也有，太過貪心什麼也放在這電影劇本內。