流浪犬小飯

3.3⭐整體感覺導演處理人同動物關係嘅功力未夠，人狗情嘅建立刻畫流於表面，可能係短篇時間所限。而人狗嘅"互動"交唔到戲，好似各有各演咁，擦唔出火花，以致感染力不足，做唔到人狗合一嘅感覺。三個故事較喜歡第一個，情感建立比較自然同流暢，亦有一種日式小品和諧感。第二個故事劇情就有點硬堆砌同唔合理，第三個講人重多過講狗，變咗愛情片，隻狗變咗大配角/工具狗，又無厘頭刻意玩煽情，唔鍾意。預期愛狗人士會睇得特別投入同代入。但以戲論戲本人就覺得成套戲都只係麻麻哋。PS • 處理動物演戲還是荷里活較出色• 本人兒時屋企都養過狗，經歷過人狗情，亦同街狗有過一段友誼，但睇呢套戲時都冇乜代入感，導演下次努力！• 一見到第三個故事女主角個樣就令我唸起梁雍婷

電影時間偏長係因為狗狗小飯嘅狗生相當精彩，特別係由活潑調皮嘅小狗去到眼神睿智嘅年老大狗，淨係三隻狗狗嘅選角已經相當有心思；用狗狗小飯貫穿三個唔同性格、年齡、背景嘅主人，三位或四位主人嘅人設都好飽滿，sofar去到最終煽情位我係有感動，流左小小馬尿嘅！另外電影名「流浪犬小飯」其實幾有心思，「流浪犬」代表狗狗雖然經歷三代主人，看似有家但其實四處漂流，由泰國邊緣小鎮去到曼谷。雖然中間會受下苦，但小飯有靈性識揀好人做主人；亦對應返「小飯」呢個名，電影戲名都定左「小飯」呢個名比佢，但其實戲中藉住其中一個角色把口嘅對白都講埋出黎，「小飯」叫咩名都唔重要，重要嘅係下一位主人愛佢就可以了。另外電影安排前兩個半主人嘅退場方法合理，令最後一位主人+呢隻久經風霜嘅狗狗嘅結局更令人動容，泰國拍呢類催淚電影真係駕輕就熟了，幾次睇泰國嘅男女角都又靚又年輕，感覺睇親開宗明義會煽情嘅泰國電影實無伏。唯一係覺得《流浪犬小飯》真係有小小偏長，而且略嫌第二位主人嘅劇情牽強，電影時間已經好長但第二位主人嘅發展好似都唔太夠，人狗感情有啲突兀；其實第三位主人嘅情緒醞釀都唔算好好，只有第一位日本老人同狗狗演出到人狗有真致感情，可能呢點都對應返「流浪犬」？小飯最真摯嘅感情隨着第一位主人嘅離開，心態上已轉為「流浪」吧了。

3段人與狗的相遇相依相伴

常說做人難，做浪浪更不容易！就是幸運遇到痛錫佢哋嘅主人，也得長命有經濟能力！面對動物組織的救助，常感到自己能力有限，也對個別組織有所懷疑，片中其中一個女主人，盡自己有限能力去幫助浪浪，雖然不完美，但明白已經是她的極限！一路觀看影片，一路想起自己到了彩虹橋的毛孩，過去的點滴仍在心頭！大家不妨入場，懷緬已經走咗嘅毛孩，或更珍惜現在的相處，愛得及時！5星是給片中片外的浪浪！

3段影片。第一好可愛，第二好慘，第三終極。可以一看。

第一段窩心但小悶，第二段緊張但壓抑，第三段最正！一男一女一狗之間有精彩互動，既窩心又舒暢！4.6/5 （91分）