大叔夢中人

在進退維谷的人生中，如何堅持都敵不過輿論。

套戲節奏慢，冇解釋過點解喺人哋個夢入面，劇情混亂，虎頭蛇尾。本身見到係A 24公司出嘅以為會好似媽的多重宇宙咁好睇，點知麻麻哋。

個人覺得套戲好睇，導演處理同執行也好，我會形容套戲是一套好引人入勝同好A24風格的片，而蛋治的演繹也是大大令套戲昇華。講真我會覺得如不是蛋治演，一定沒現在這個效果。或者只有他可以駕馭到保羅這個角色。咁當然我也同意，套戲在執行同處理上有點弱，但因故事設計同演繹吸引，所以我不會給他太低評價。但如比較他成名之作病上癮比較，導演這套整體表現也有進步，最少沒水土不服。PS：真估不到導演也毫不掩飾地，向屬於同一類故事結構的經典恐怖片猛鬼街致敬。痴·影·夢·藝 X 的專頁 https://www.facebook.com/ckwunmovie/

見到又係A24, 本來唸住唔睇, 唸住又係果啲睇到瞓著唔知up乜果啲, 最後博一博, 點知又ok喎！😅本片題材上係有橋嘅, 天馬行空，表達手法正常，Nicholas Cage 演出亦唔錯, 如果劇情玩得再"din"啲就更精彩。

A24出品 比《奇異女俠》容易明白大叔莫名其妙地同時出現喺好多人嘅夢中雖然乜都冇做 只係途經夢境 但因此突然爆紅甚至有機會發達 拍廣告 收贊助 做網紅 為中年解除危機 為黯淡嘅前途搵到出路但電影下半部一轉 大叔依然出現喺好多人嘅夢中 不過都是噩夢Fans夢醒後出現「創傷後遺症」於是大叔成為被圍攻嘅公敵甚至被迫為自己冇做過嘅壞事道歉 但不被「原諒」以致冇咗事業 冇咗家庭 冇咗朋友 冇咗希望 冇咗夢想⋯⋯然後被迫向現實低頭 轉型做原先唾棄嘅角色 推銷自己乞人憎嘅新形象 企圖谷低反彈電影根本好易明 所謂夢 根本係一種虛擬嘅境界 換言之 電影中嘅「夢」係比喻網上虛擬嘅世界有人因一隻歌或一段短片 一夜爆紅 甚至成為好多粉絲嘅夢中情人但一次失言 一次偷拍 又會一夜之間成為眾矢之的 受千夫所指PSY大叔因《江南Style》一夜爆紅 但亦因為醜聞不絕 風光不再另外一眾公眾人物一次仗義執言 總惹到一堆人搵藉口攻擊於是陳奕迅 姜濤⋯⋯最後尾都要跪低「道歉」哩個世界知道大叔冇錯嘅會乜都唔做 企喺旁邊食花生親人受連累 反轉豬肚 反面不認人 老婆要大叔公開道歉 連阿女本來靠老爸出鋒頭 最後嫌棄老爸不屑同居 結果眾叛親離至於夢中/網上以為受傷害嘅 心靈脆弱 不停賣慘 attention-seeking 爭取關注爭取關心完全唔關事嘅好事之徒鍾意跟風鍾意從眾 一沉百踩 好似蜜蜂見到蜜糖 烏蠅見到屎咁 死啄住唔放 人海戰術實施網絡欺凌 樂此不疲電影嘗試帶出好多信息 但都蜻蜓點水 點到即止 流於表面1. 網絡顛倒是非黑白 真相變得不重要 大叔冇真正傷害過任何人 但網上夢話被當成真 大叔連進入餐廳都被驅趕 甚至被毆打2. 每個人都只講自己想講嘅說話 冇認真 甚至冇諗過要聽入耳對方嘅話 大叔去廣告公司 大叔講自己出學術書嘅夢想 廣告公司講自己推銷大叔嘅點子 大家都喺度自說自話 成個世界啲人都有自閉症 同膠官一樣盲目咁話遺址正在復興 而不是被世界遺棄遺忘3. 世上點解有咁多人發夢 並信以為真呢？因為大多數都係識講唔識做或唔會做 話將研究著書立說話咗三十年 講得多當做咗 見到人哋真係做咗就破口大罵別人剽竊自己點子 於是夢想破滅 美夢成空？唔係 係美夢變噩夢 連自己都攻擊自己 被所有人唾棄 就如電影中嘅大叔

肆無忌憚天馬行空的故事，做夢大叔蛋治的超現實荒誕電影《大叔夢中人/Dream Scenario》，由創意洋溢的A24製作配搭爛片王尼古拉斯基治，兩者合併擦出的火花，故事雖然詭異荒誕，但言之有物，劇中有大量幽默和諷刺元素，是夢境還是現實都分不清楚了，大學教授阿Paul一夜之間在無數人的夢中岀現，一個乏人問津的悶蛋教授忽然爆紅，成為了城中熱話，人群總是跟著潮流走，故此在互聯網被捧紅亦毋須要有特定原因，可以一下子一舉成名，亦可以在無緣無故之下被變成地底泥，甚至眾叛親離，連家人亦可反目，即使是無辜的人，但一旦捲入漩渦，都逃不了別人的「偏見」，最後只得孤立，被世界遺棄。細心思想劇中情節，箇中意義，確是有趣兼發人深省。尼古拉斯基治近年推出的電影演得越來越瘋癲，活到這把年紀，仍渴望多變不斷嘗新，參演不同片種的電影，值得讚賞。電影有個好的開頭，但到結尾…就，可能已經沒有什麼可以解決，故事橋段是有趣的，但得靠尼古拉斯基治的演出撐起成套戲，好看與否？觀點與角度見仁見智…