鏢人：風起大漠

3.7⭐衝住袁和平執導而入場。本片故事劇情唔複雜，只係一個鏢人(古代自顧護衛員)受委託送鏢(人)過程，中途遇到不同人嘅阻攔，繼而動武直到完場，中間當然會有啲枝節。袁和平係著名武指，動作場面一定唔會缺少，不過本作動作場面略嫌太多太長，縱使打到飛天，片長126分鐘難免感覺有點視覺疲勞。不過唔難理解，作為一個動作指導，強項當然係拍動作戲，手執導筒避重就輕亦屬明智。喜歡睇動作戲嘅視覺系觀眾應該可以滿足到。喜歡睇劇情睇演技嘅觀眾就要張就下。本片另一賣點係好耐冇見嘅李連杰，片中佢客串一場動作戲。PS.• 本人認為李連杰果場動作戲最好睇

故事/人物尚可，唔算太複雜，亦好快帶出主角們想做咩；打鬥位相當之多，都打得算係好睇，好夠力量！加分位係cast…李連杰/謝霆鋒都係亮點！理性角度睇，扣分位喺沙漠隻揪位…出現龍珠式咁樣嘅互望對話；同埋尾聲吳京果種打不死嘅無敵…睇到一頭霧水……有啲牽強

《鏢人》作者許先哲說過，他筆下的男主角刀馬，是按照梁家輝早年某齣武俠電影的造型修改而成。估計那個角色，應該不是《新龍門客棧》的周淮安吧！然而話說回來，《鏢人：風起大漠》中隱姓埋名的兩頭蛇（張晉飾）和江南豔妓燕子娘（李雲霄飾），倒真的讓人聯想起《新龍門客棧》的刁不遇和金鑲玉。香港武打電影的風格，大概可分為拳拳到肉的功夫片，以及飛簷走壁的武俠片兩大類型。袁和平任武指的《臥虎藏龍》，李慕白與玉嬌龍一幕竹林比劍、御風而行，堪稱是教科書級別的武俠經典。「八爺」此番再執導演筒，個人感覺，他是用上數十年功力，炮製出一道集大成的「一品鍋」。電影首場惡鬥，花甲翁李連杰以一敵二，迎戰吳京與張晉聯手。年逾六十的「武英級」全國冠軍，甫一接戰即單手撐地，亮出巴西戰舞殺着「蜂鳥踢」，復刻三十年前在《精武英雄》挫退錢小豪的精彩一腳。之後，李連杰握劍柔身而上，進退攻守之間的肩膀扭動，直似他在多齣電影施展太極拳時的身法。眾所周知，甄子丹是袁和平一手發掘出來的打星。「宇宙最強」有名的凌空旋轉後踢，今次請來謝霆鋒代勞。電影末段，滿載「鋒味」的一記jump spinning kick，揭開左驍騎衛雙雄在莫家集的最後對決。相比起漫畫極度血腥的暴力美學，電影無疑是大為收斂，斷肢場面僅出現一次。原著漫畫除了打鬥吸引，厚重的歷史感和複雜的權媒鬥爭，亦是令讀者手不釋卷的原因。電影過於側重動作場面，刪減文戲，代價是削弱了對劇情和人物的深入描寫，殊屬可惜。陳麗君臨危受命，代替因捲入學歷造假風波的那爾那茜扮演女主角，表現令人眼前一亮。在越劇界享負盛名，憑着越劇版《新龍門客棧》 榮獲「最佳男主角」的女小生陳麗君，以一身多年練就的過硬戲曲功底，為阿育婭注入了強大的生命力。稍稍美中不足的地方，是她文秀靈動的眼神，輪廓精緻的臉蛋，處處透着南國氣息，跟想像中的質樸硬朗的大漠氣質，有着一段先天距離。一方水土養一方人，這與她的演技無關。臨近完場，一句武俠情味濃厚的：「這天下，應該還給天下人了。」瞬間點燃了對下集期待⋯⋯如果朝杖之年的「天下第一武指」能繼續出手，必定捧場。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

係咁打，但太大陸戲，欣賞打鬥還可

雖然係為左睇打戲入場，但都講兩句文戲劇情，由於係漫畫改編作品，電影都有種漫畫改編真人版嘅通病。就係漫畫經過幾百話嘅鋪墊，本身主要角色人設都非常豐富，電影要係短短兩個鐘內豎立到各大角色人設其實好困難。《鏢人》中眾星拱照，係好多大名星出演，但大部分角色只係曇花一現，就連檸檬個角色作為最終boss描寫都唔夠，最失望係一眾有頭有面嘅大名星只係行行企企郁兩尾就話有份拍…….我認為只有主角吳京嘅人物成長曲線最好睇，結尾嘅一番話亦有觀眾話點解呢套戲可以係中國上映？但呢隊對白我覺得係全劇文戲對白最加分嘅位，大家明就明啦！武打戲作為全電影最殺食位黎講我係失望嘅，先請明我完全唔識武打、只係普通一個觀眾，睇開《殺破狼》《導火線》長大，個人認為《鏢人》嘅武打大部分係馬上進行、好多環境都係打帶跑瘋狂走動，問題係完全睇唔清楚打緊乜。我只係普普通通嘅一個觀眾，可能套戲嘅武打動作係好高深，但我係完！全！唔知打緊乜；唔好用我愚昧作為籍口，以上講嘅《殺》《導》我都係唔明打交架，但我都睇得津津有味，好多動作、場景我都歷歷在目；但《鏢人》嘅動作我實在係毫無記憶點，我甚至唔想再搵返黎睇……當然我明白《殺》《導》嘅套招其實實戰上華而不實，鏢人呢種戰爭向一刀一劍嘅技巧先係戰場上紮實嘅打鬥。不過係而家AI、綠幕橫行嘅年代，搵齊咁多隻真實嘅馬已經值得鼓勵，騎馬戰比想像中嘅多有啲花臣；而且戲中大場面不小，火舞黃沙嘅場景都好似西域。係武打片已經式微嘅當下，其實養住呢班人都好重要呢。

一個字打，玩刀玩劍，套戲有幾個傻仔做尾段大佬冇壓力，一味殺