危機航線

演員賣力演出，故事感人

我覺得好好睇（情節感人）特技效果好，畫面製作正

電影前中段要有的劫機事件娛樂元素都具有，女角劉濤是內地優秀演員，她演一位狂躁丈夫的妻子和眼患女兒的媽媽，演技細緻奔放。劉華的狂躁丈夫令整套電影感覺沉重。最精彩的是末段飛機迫降，扣人心弦，那花費不菲的真實版的道具飛機拍出駭人逼真效果，扣人心弦。故事公式化，較亮眼的是把情緒狂躁這種漸漸進入大眾視野情緒病帶上大銀幕，讓大眾正確認識它。娛樂性豐富的電影。另外，劉華演爸爸特別入目。

如題，暫時睇過最好睇嘅飛機迫降場面，睇得出係大製作。通常劫機會自帶壓抑感，但呢套男主角將劫機者各個擊破，有一定爽感可以平衡吓。（先不論劇情合理性，本身1打12就唔可能合理）4.6/5（92分）

睇Wiki話套戲budget三億人仔，三億人仔竟然拍啲咁嘅大而無當嘅作品。首先，故事大橋、劇情同人物塑造都係熟口熟面，又係空中劫機然後男主角一人獨力對抗劫機者同營救乘客，其他亞洲、歐美電影已拍到爛，毫無創作誠意，以為求其劉華個朵拍啲嘢大陸都可以收十億、八億，冇呢支歌仔唱㗎啦！呢啲咁嘅橋大陸都唔興啦！第二，場面誇張失實到一個點....係笑點。劇情同場面自飛機倉門空中打開後就失控大暴走，劉德華同其他平常人角色體能同身手都超越Tom Cruise、謝天華同關禮傑，異於常人，挑戰觀眾官能刺激界限同笑點高度，誇張程度直逼海關戰線，試問點可以唔笑！彭導演你想點？喺咪要觀眾當Cult片咁睇？第三、劉德華同惡黨搏鬥動作場面剪接零碎又凌亂，再加埋搖鏡，睇得好辛苦，亦睇唔清楚打乜，可能因為要遷就年事已高嘅劉華。第四、故事劇情堆堆砌砌，唔合理位一路睇一路有，挑戰觀眾智商、情商同邏輯水平。第五、CG當然都係流流哋啦！劉德華近年票房每況愈下，並非冇原因，呢十幾年嚟作品毫無創意同誠意，連大陸市場都唔buy，更何況香港市場。還是退休享福吧！另外，有點慨歎嘅係有budget嘅人就拍埋哂啲爛片，香港有誠意、有創意嘅新導演卻只能夠喺有限資源下拍電影，咩世界？☹️近期兩套低成本劇情片“我談的一場戀愛”同“武替道”比起呢套“大明星”“大製作”好睇多多聲。PS. 散場時聽到有個大嬸嘅comment係....好假。唔知佢指乜嘢好假，CG? 劇情？場面？還是演技？