愛．憾事

大橋還可以，可惜編、導、演執行上皆失敗，拍唔出應有嘅感動同窩心。首先故事劇情鬆散唔流暢，"一忽忽”咁，攝影同剪接又麻麻，睇得好唔舒服，好多場口設計同處理奇奇怪怪，又拍得唔好睇，亦即係講故事技巧唔好。角色塑造亦失敗，全部都流於表面欠深度，人物個性單一冇變化，角色情感轉變話嚟就嚟，毫無說服力，重要講埋好多唔係人講嘅對白，好"ang"耳。可以咁講，片中冇一個角色塑造係令人覺得喜愛或同情。選角同演員演出亦有問題，主角母女外型完全唔似母女，演出亦唔似母女，觀眾難以投入。男教師演譯角色戲假到無倫，而且個性飄忽，一時唔認個仔，過兩日又話好愛個仔，吹脹！阿媽死老公冇耐，咁容易又話愛個男教師，又唔理個女感受。個女一日到黑發姣要送豬，個男仔好想食豬但又扮高尚情操。睇完套戲只覺得係一班愛情飄忽，自私虛偽，自己都唔知自己做緊啲乜嘅人嘅胡渾事情，果啲要表達嘅什麼愛情遺憾、母女情/茅盾等等就完全表達唔到，冇嘢感動到我，重令我想講粗口。整體我認為編、導、剪皆 fail，演都麻麻，所有嘢都堆堆砌砌，流於表面，一啲都唔 touching，2⭐係比幕後美術、燈光、佈景、服裝同茶水。PS • 好耐冇睇過一套咁難睇嘅電影• 要彈嘅嘢太多，未能以文字盡錄• 美國人嘅愛情觀同價值觀我真係識條鐵🤣🤣🤣• 我估原作小說冇咁差，應該係導演執行上唔掂

戲中嗰個“秘密”觀眾早段就知道，更加睇得出呀女對真相嘅誤解造成嘅影響，呀女mckenna grace好靚女而且真情流露，到後面亦都相當窩心感人。4.7/5 （93分）

有《錢財心愛物》《玫瑰夫大戰玫瑰妻》《白日夢接夢》呢3套探討「愛」嘅電影「珠玉在前」，同樣講鬼佬愛情觀嘅《愛·憾事》即刻被比下去。《愛·憾事》整體感覺係愛情爆谷片，帶唔到咩深層意義比觀眾，主角母女最大矛盾都係一個好鬼老土嘅「唔同你講係為你好」秘密；而且全套戲劇情一啲反轉劇情都無，完完全全四平八穩、毫無驚喜；結局亦係TVB式BBQ Happy Ending，成套戲無野好講。當然套戲無論劇情、剪接、起承轉合都係普通水準，拍得又唔係話太差，算唔上伏。人有各種原因搵戲睇，呢套戲其實幾適合情到濃時嘅情侶，開開心心、唔洗下下探討「愛情」咁食住爆谷睇囉。始終《愛·憾事》除左兩個明顯用黎襯托嘅配角，所有角色顏值在線，年輕情侶男女主角甚至可以用「好撚靚仔/女」黎形容，非常賞心悅目。情侶睇完仲可以甜住去下場……而且係少數愛情片會母女丼愛情線雙線發展，母親角色竟然唔係淨係拓起女兒條主線，呢點應該係套戲最大嘅驚喜。不過呢套戲平淡無奇，毫無記憶點，相信好快會忘記。

繼 “It Ends With Us” 後，這部改編自Colleen Hoover的小說令我感到失望。並非幾位演員演得不好，而是我實在不易接受片中有點難以想像的美國愛情觀。不過，若你家中有正在成長的兒女，我建議你進入戲院了解一下，有所準備。

繼《 #痛愛完成式 》（ #ItEndswithUs ）之後又有一本Colleen Hoover嘅小說搬上大銀幕🎬今次仲加埋《生命中的美好缺憾》（#TheFaultinOurStars）嘅導演Josh Boone聯手打造《愛．憾事》 (Regretting You) .《Regretting You》喺香港譯做《愛．憾事》，第一眼好似唔太吸引觀眾入戲院睇，加上Poster個排版有啲似10年前嘅美國愛情片🤣同埋之前睇過個預告透露得太多入場之前我係抱住估到晒劇情嘅心態睇👀劇情係有啲老土嘅🤣.但睇完之後發現套戲比想像中好睇👌🏻雖然劇情喺預告片講咗大部分，但係有咁多個觀眾熟悉嘅靚仔靚女演員主演，幫套戲加咗唔少分😍主要係主演們啲火花同默契都幾好睇👍🏻.特別要提今年因為《馴龍記》真人版爆紅嘅Mason Thames🤩年紀輕輕嘅佢勁charm😌無論係《 #馴龍記 》 嘅Hiccup 定Black Phone嘅Finney 到今次嘅Miller都可以睇到唔同嘅佢👀好似幫個角色注入咗靈魂噉🫶🏻.另外表現亮眼亦有係童星出身嘅McKenna Grace，唔經唔覺佢已經咁大個😱！仲記得第一次睇佢係細個同美國隊長Chris Evans合作嘅嗰套《天賦的禮物》(Gifted)。Mckenna 細細個已經展現到演戲嘅天賦，而家大個咗更加壇長用演技去感動觀眾🫶🏻🥹.睇到呢兩位童星而家大個咗都咁出色⭐️感覺有啲老懷安慰🤣同埋佢兩個仲要勁襯💕想知Mason同McKenna有冇CP名🩷🤣.成套電影著重描寫一家人（特別係媽媽同囡囡）之間嘅情感變化，甚至乎有疑似「怪獸家長」嘅出現，覺得都幾值得每個家庭反思同屋企人嘅關係，同屋企人一齊入戲院睇係個唔錯嘅選擇🙌🏻.P.S. 預告剪得太多劇情，入場前唔建議睇預告🙏🏻