拾荒法師

果種港味睇得好有親切感。電影富港式靈幻電影色彩。故事鋪排不俗, 但嫌人物背景塑造未夠清楚 (如師傅同師弟背景同背後恩怨情仇), 而殺科戲亦簡單咗啲，玩得唔夠大，可能係資金有限吧！不過世界觀已建構, 如有足夠資金有機會拍下集的話可以再補充。整體合格有餘, 唔係 hea 拍，揾戲睇可以考慮。PS • 有機會拍續集比多啲戲個鬼佬上司啦！幾鍾意佢咁爛口呀！ 🤣• 靈幻資料都唔少...雖然我唔明 😅

以擅長營造恐怖氣氛見稱的彭氏兄弟，睽隔十多年後再度攜手執導的《拾荒法師》，不管是驚嚇還是懸疑，兩部分都未見神采。與彭順在2007年單獨導演，劇情同樣以靈異和探案為主軸的《C+偵探》比較，確實遠遠不如。「垃圾婆」藍沛清（何超儀飾）出現於三宗意外死亡事故現場，為電影拉開帷幔。負責調查案件的警察隊目黃明（陳家樂飾）感覺事有蹺蹊，認定她是破案關鍵。結果本應毫無瓜葛的二人，一同陷身於邪祟害人的殺局之中。這個大綱，驟眼看是挺有吸引力的。然而，藍沛清如何由一名廟街相士，變成能夠引導亡靈轉世的「法師」，劇情的交代則略嫌粗疏了。對其著墨最多的，倒是描寫她何故多年沒有洗澡，引致混身惡臭。不過銀幕所見，何超儀的妝容和頭髮顯然未夠邋遢，說她的體臭會令途人退避三舍，難免說服力不足。另一個讓觀眾出戲的地方，是黃明僅憑毫無根據的直覺，像撞了邪一樣咬着藍沛清不放。這位「幹探」的表現只有衝動，毫無邏輯，其上司Iman（Iman Taheri飾）要他立即close file，絕對是正確判斷。本片將有續集，希望《拾荒法師2》，能夠讓喜歡驚嚇和懸疑的觀眾滿意離場。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

呢套何超儀同陳家樂啲戲同互動幾好，可能會有續集。恐怖性比預期低少少

彭氏一齊執導已經係十幾年前嘅事，唔係多產嘅，但佢哋幾部戲都有其特別格調，暗黑、美學、運鏡、音效都係有水準嘅，今次呢部拾荒法師都保持到，所以值得捧場，加上有何超，係有返啲「新鮮感」，佢同樣唔係多產，近幾年上嘅港產片，來來去去嗰幾個演員，已經幾悶下。故事唔係好特別，簡單直接無乜懸疑，當中牽涉好多法科、玄學嘢，令部戲多返啲深度，所以故仔唔係重點，整體係靠何超及陳家樂嘅演繹，同導演嘅拍攝及氣氛營造，論驚嚇、鬼魅就不及「見鬼」或「鬼域」。奸角張文傑出現得較遲，如果可以加番多啲關於佢嘅篇幅，會更好睇。期待續集。

等咗好耐終於睇番呢個類型嘅港產片。美術好、世界觀好，整睇故事唔錯。唯一不太足夠係故故尾段唔係太完整講出事件最最根本起因。如果再完整寫埋就完美。