一個部門的誕生

3.8⭐故事有創意，亦能引起香港人共鳴。既然係天馬行空，就唔可以以正常角度去評，但求故事能自圓其說、玩得夠癲夠攪笑，deliver 到 message就夠。本作大致上都達標，題材固之然係香港地道、香港人又有共嗚嘅，啲 gag都度得幾抵死，尤其阿卵同白只果啲，當中亦帶有一點點親情。整體電影冇拖拉，一開波就入局，唔駛用腦輕輕鬆鬆睇到尾。娛樂放空之選。PS.• 最好笑係響咗第一槍之後, 個差佬......🤣🤣🤣

劇本都幾特別，好似好窄，純粹就係講我要cut台，其實又真係昔日有番咁上下年紀嘅一輩人經歷過嘅集體回憶…故仔係寫得幾好，有啲暗gag，輕鬆有趣！好鐘意啲粗口對白，夠哂地！

麥天樞首次執導的《一個部門的誕生》，故事完整，脈絡清晰，不愧是金像獎最佳編劇。在談論電影前，先分享一段充滿黑色幽默的親身經歷。在「希特拉都cut唔到有線」的年代，我曾經像盲頭烏繩般自動送上門。就在動筆簽約的生死時刻，一妙齡女郎氣沖沖的推門進來，然後一通輸出猛如虎：「你哋今個禮拜六再唔過嚟幫我裝寬頻，我就唔鬼訂你哋有線㗎喇！」原本七嘴八舌的門市部，頓時鴉雀無聲。大約十多廿秒過後，一名不識相的男子怯生生問道：「咁有線寬頻即係得定唔得呀？」妙齡女郎柳眉倒豎、杏眼圓睜，一句車埋去：「我要用過先至知佢得唔得㗎！依家連裝都未裝，點知喎！」半分鐘前還是舌粲蓮花的sales已面如死灰，目送我轉身出門⋯⋯《一個部門的誕生》，改編自一次cut台失敗的真人真事。男主角德仔（戴玉麒飾）陰差陽錯，變成挾持人質的「恐怖分子」。在情勢逐漸失控的“Dog Day Evening”（本名的英文片名），重演了一幕類似半世紀前“Dog Day Afternoon”（《黃金萬兩》）的荒誕無稽。 電影中，白只、楊偉倫和麥沛東扮演的，都是職場上司空見慣的老油條。而麥天樞的筆下，仍會對現狀不滿，對工作上心，幹勁十足的人物，則不約而同全是女性。千禧世代的謝咏欣，三年前憑着《但願人長久》，先後斬獲金馬及金像獎的最佳新人殊榮。此番扮演客戶服務員，她略顯稚嫩的表現，在兩位90後實力派代表廖子妤與梁雍婷面前，迅即無所遁形。就連戲份不多的鄧月平，也稍勝她一籌。擁有「行性感」本錢的鄧月平，看來是一位真不介意為藝術「犧牲」的演員 。多年前她接拍陳果導演的《墮胎師》，不惜短時間內玩命似的激增數十磅。今次則將曼妙身材掩藏得嚴嚴實實，素顏朝天，搖身變成滿面雀斑的屋邨師奶。她低姿態的表情和聲調，成功將往昔「只懂得色相示人」的標籤，洗刷得乾乾淨淨。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

瘋狂黑色喜劇，香港人一定有共鳴！演員演出出色,有溫情,劇情雖有沙石，但仍然看得開心！支持新進導演！

老實講拍攝手法唔算高明，劇情、剪接、燈光等等都係平實無華，演員水平都參差不齊，某幾位演員演出無懈可擊，但有啲演員都仲有改善空間。最想講係主角戴玉麒發揮得唔錯，但都係有種「演」出黎嘅感覺，不過作為首次擔正嘅新演員黎講，已經可以接受。劇情係玩黑色幽默到極致嘅電影，笑話都算有水準。只能夠講呢套電影沙石不小、大部分角色人設深度不足，甚至無一個角色背景我覺得係寫得好，不過整體亦唔算話太差。只論電影成個package，正常只能有3分-3.5分左右合格分數。不過！希特拉都cut唔到有線係香港人嘅集體回憶，用呢條橋寫個故事出黎就肯定係專攻香港市場，成套戲係拍比香港人睇呢樣已可圈可點。最重要係呢套戲隱喻極多，由其係結局！配合埋上映嘅月份：6月。一句講嘅「明嘅會明」。可以話係2019年後最適合香港人睇嘅電影。配合埋電影名「一個部門的誕生」，到底係咩部門？自己諗，「明嘅會明」！小弟係睇首映謝票場，某個演員謝票講嘅野都好曖昧，收到你，祝大家過得開心！

新導演黎講真係不錯，可愛既主題要一班生動嘅演員，由一開場到最尾都係冇悶場，值得入場支持