讓悲傷長出翅膀

開場冇耐已經令我唸起港產片"爸爸"同劉青雲，同樣承受喪妻之痛，電影同樣係分章節，只係背景故事唔同。不過呢套相對冇咁沉重，同埋以天馬行空方式表達，“藝術”味較濃。男主角演技無容置疑，但就未見驚喜。故事表達方面，明白導演想以非一般手法，以不時出現嘅與烏鴉人及惡魔人糾纏場面去表達男主角嘅內心/精神糾結，未必所有人能理解或喜歡，但整體電影唔艱難睇。喜歡男主角班尼迪嘅觀眾可以一看。

套戲本身只值3分，另外半分加給Benedict Cumberbatch男主角出色嘅演技

我會形容，導演明顯是手高眼低，雖然概念創新，但他在好多描寫同執行手法上，過於過於抽象，而他的手法處理也未令觀眾接受，所以有高不成低不就的尷尬情況。盡管BC有神級演繹搭救，但整體出來感覺也屬不好。而BC今次的演繹，是繼續保持到他一貫的高質，他好細緻去演這個剛喪妻，獨力去養育一對孖仔的父親，他在細緻情感處理同演繹拿捏好十分到位，可以演繹出這份沉浸在絕望同悲傷這份感覺。痴·影·夢·藝 X 的專頁 https://www.facebook.com/ckwunmovie/

中文譯名「讓悲傷長出翅膀」好有文學味，讓悲傷嘅翅膀擁抱、撫慰、驅走惡魔、然之後唔再需要、放飛⋯⋯但我更鍾意英文名The thing with feathers，失去至親後何止悲傷❤️‍🩹一項，錯綜複雜百般滋味都唔知係乜，時日過去，到最後讓一切長出翅膀，包括自己一齊放飛，天各一方，鴻飛那復計東西⋯⋯全片大部分時間係「黃瓜🥒」嘅獨腳戲，演技精湛，落力演出，無奈未能令年幼喪母嘅我感動落淚，唔知佢有冇份提名本屆奧斯卡獎呢，但可能又要陪村上春樹（諾貝爾文學獎）再一次失望而回😭全片唔悶，自然流暢冇乜煽情，兩位童星既可愛又演繹到位，只係唔明白冇咗烏鴉（悲傷）就會引嚟惡魔，更唔明點解烏鴉可以打敗惡魔，悲傷❤️‍🩹好過惡魔？悲傷好多時候就係惡魔！