熱辣滾燙

開頭嗰一個半小時交代一個女人庸庸碌碌嘅生活輕鬆嘅，但係有啲累贅最後嗰半個小時，非常精彩非常熱血可以講係感動成套電影非常圓滿講出一個女人一世為人而活但最後佢醒覺咗但她還是她！賈玲，出色！我唔明點解有啲人要比0.5分就係佢為部戲減左100磅呢件事已經唔止0.5分

唔錯喔，前半段輕鬆，後半段感人，好戲！

個人喜歡套戲，賈玲在處理同執行上也彰顯出他過人的能力，她很懂藉100円的愛作藍本，然後去加以改動昇華，而令整套戲更貼地內地同耐看，個人覺得這方面她真是很到位同聰明。而個這樣改動不太影響原作應有的精髓。而更有驚喜是在有些位上改動，比100円本身更好，用洛奇經典配樂來配發奮變身這個設計真是很正，被人消費這個故設改動也是高明。而老實片尾賈玲本尊熱血瘦身花絮很有畫龍點睛之效。而她的演繹也沒令人失望，情感處理是到位而細膩，角色處理很立體，躺平同發奮兩段的處理同樣。痴·影·夢·藝 X 的專頁 https://www.facebook.com/ckwunmovie/

故事和情節完全來自日本電影“一百円的愛”，當時觀看那電影的感覺是“頹”，女角的遭遇令人失語。今天再看賈玲這套中國版，感覺是“痛”。個人認為這類拳擊勵志電影，情節方程式是：完全傷害+拼命練拳尋生機+一場浴火重生拳賽，如：洛奇、激戰、一百円的愛及這套電影。這套電影最令自己感動的是在完全傷害這環節上，人最深傷害莫過於被信任的人傷害，賈玲在這方面表現很細緻、動人。而拼命練拳，賈玲明顯瞓身演出，但蛻變感未能盡致。而末段那場比賽，沒有鼓動觀眾情緒。另一方面，制作團體的能力是優秀，攝影、美術、音樂表現優於大部分荷里活電影。但有點

前半段以輕鬆幽默方式描寫肥妹嘅悲慘遭遇，身邊幾乎每一個人都唔係真心對佢好，都係搵佢著數嘅，到後面配合音樂真係熱血沸騰，喺擂台上回顧自己嘅人生，真係比想像中更離譜，雖然拳賽沒有奇蹟一樣嘅逆轉，但係對佢嚟講而經係意義重大嘅“勝利”。4.6/5 （92分）

我睇過安藤櫻嘅《100円的愛》，所以故事發展完全係意料之中，唔會有新鮮感，雖然賈玲小修小補，又在地化/大陸化哩個日本故事，但前段仍然好悶，基本上哩齣若果係喜劇，唔算好成功，因為冇乜符合香港人嘅笑位。但電影喺大陸可以令劉德華《紅毯先生》慘敗，提早落畫，不無道理，因為賈玲好識得捕捉大陸女性嘅喜好，上一齣《你好 李煥英》半自傳寫賈玲同親母嘅母女情，雖煽情但真摯動人🥰收54億人仔，連埋哩套大賣40億，兩套差不多合收100億，一再證明賈玲作為編導演，好能夠掌握大陸觀眾口味，同胞就算一般水平唔高，但都未至於拍部垃圾俾佢哋睇都可以叫好叫座，去年鄧超就係失敗例子，而且喺大陸，關於體育嘅電影都唔係好收得，連陳可辛鞏俐合作講女排都收唔到10億！賈導連續兩套大收旺場，第二套又抄東洋又冒險拍體育題材，可謂兵行險著，近期農夫山泉只係喺包裝上有啲日本風物都股價下跌！賈小姐已四十一歲啦，用大半年苦練甩肉100磅，如果拍出嚟唔收得要賠錢，就真係除咗身體健康咗，到頭來落得白忙一場搵苦嚟辛喇！今日嘅結果證明賈玲嘅決心、努力同眼光，電影最後15分鐘及幕後花絮/彩蛋的確好感人，絕對可以鼓勵原來躺平嘅大陸姊姊妹妹站起來，活得比原來好好多！而最後那場對打亦係我見過大陸拍得最好嘅體育戲，賈玲打得好搏命但充滿業餘味，反而增加真實感同說服力，嗰種打甩牙帶血吞嘅鬥志，連我都想起身幫佢加油👏而對打嗰位真係打得好專業，速度眼神力量步法都令觀眾覺得佢係嚟真㗎！咁逼真咁唔留手，令觀眾明知係做戲都為賈玲擔心！最後，安藤櫻本來身形就好過賈玲，日本片中只需將肌肉由鬆弛練到結實就可以了，反觀賈玲天生和後天都肥胖，要收身成似模似樣嘅業餘拳手就超難！你會話「有幾十億收入我都得啦」但同期劉德華都事前估唔到自己套賀歲片年初七就落畫，賈玲同樣唔知道一百磅肉可以換嚟40億人仔，同胞嘅品味同潮流，我哋識條鐵咩！有人俾十萬港幣要我半年減50磅就好喇😱😱😱