水餃皇后

個人覺得套戲一般，我會形容整套戲好片廠味。好明顯這套主要定位是想買南方市場，因為有這個設計，從令套戲的走向好大局限。而因為這樣，令我對套戲感覺不佳。而我也𣎴喜歡劉導對套戲故事時間軸推進的處理方式。個人覺得如果他減少對大時代的描繪，反而專描寫藏姑娘一生，效果應該更好。咁當然如果講演繹，馬麗今次演繹的確沒太大挑剔的地方，我會形容她的演繹好動人同有力，可以演繹出願家庭而倔強女性的，而我在戲中也喜歡小紅姐同袁富華的演繹。痴·影·夢·藝 X 的專頁 https://www.facebook.com/ckwunmovie/

對於某啲觀眾嚟講，視覺/聽覺上煽情賣慘係work嘅，現場亦都有觀眾睇到索下索下，但對我睇得戲多嘅人嚟講，會對表達手法、劇本、配樂、鏡頭運用....等等各方面有所要求。呢套戲我真係不敢恭維。本片導演係拍過無間道嘅劉偉強，入場前我對本片有所期望，但結果係非常失望。本片由頭到尾都係賣慘，女主角馬麗由頭喊到尾，似足早期流行嘅C9韓劇咁，以慘情畫面唧觀眾眼淚。另外，本人亦第一次睇到一套戲可以被配樂毀掉。阿信的故事音樂喺片中不停loop起碼五、六次，臨尾重要唱埋，好洗腦，到底我睇緊阿信的故事定水餃皇后？濫播嘅阿信的故事有時同當時畫面/劇情亦唔配合。總之就係要喊，然後起音樂，做到煽情效果，低手！另外，除咗濫播阿信的故事之外，又無厘頭播獅子山下、Beyond (唔記得邊首)、英文歌....導演你想點？又係爛玩情懷？加強港味？Over 咗囉！😩劇情方面，本片講述臧健由大陸落到香港開始生活到生意高峯果段時期，中間發生嘅事同遇到嘅人太多如流水般，走馬看花，拍唔出深度。“豪門夜宴”般嘅密集式港星客串陣容亦令觀眾不斷出戲，令電影失去真實感，同埋要製造多餘劇情同鏡頭比佢哋，浪費篇幅。留番啲篇幅去描寫女主角好過啦！佈景/美術表現亦麻麻，睇得出有落本去扮當年香港，但只有形，冇實，唔太似，作為土生土長嘅香港人，我認為欠缺神粹同香港獨特嘅氛圍，仍然有陣片場feel，似舊大陸多過舊香港。演出方面，馬麗本身係一個能演嘅演員，可惜導演處理角色太表面欠層次，大部份戲都係慘情大喊戲。而角色落到香港多年至片末仍然滿口普通話唔合情理。現實係所有當年抵壘政策來港定居多年人士，不論來自城市或郷下後嚟到香港定居都必然學會同主要講廣東話，只係口音純唔純正嘅問題(例如李嘉誠)。戲中馬麗絕大部分時間對住香港人講普通話至完場，而97前基本上絕大部份香港人係唔太識聽同講普通話，所以睇戲嘅時候會覺得好奇怪。其實電影開場嘅綠色背景飛龍廣電局許可畫面已經知道呢套戲係拍比大陸人睇嘅，唔係針對香港市場。整體套戲對我嚟講係好差，唔合格，觀影感覺難受，完全入唔到戲，難以相信係出自無間道導演手筆，亦見證一個名導演嘅下落。如此差勁嘅電影絕對唔係演員嘅問題，係導演/編劇處理嘅問題。PS.• 本片只適合C9、眼淺、見人喊你又會喊、上咗年紀、睇得戲少、對電影冇乜要求、勁鍾意聽阿信的故事、有感動就是好、睇戲時唔鍾意思考冇批判性照單全收人士觀看。睇嚟寫下影評嘅也可入場。• 睇得戲多，對電影質素有要求，或無啦啦唔知做乜被親戚朋友約入場人士就要考慮下。• 大家應該可以從字裡行間感受到我觀影時果種憤怒、難受、厭惡、鄙視同不安感。😩• 其實重有唔少沙石、扣分位未能盡錄。• “劉X強作品"喺我心目中已唔再係一個招牌

有貓！八股文呈現爽文根本，有阻撓但又好好運般解決好。由識個變心的老公開始，流水帳到接來香港島的生活，再變成單親媽媽日捱夜挨來交租。除了神明誠心保佑，真的一路上超多幫助再轉運，真的是幸存者才能參考的故事。看完對臧姑娘心感可惜，成功在於捱苦加好運。　　開頭抵壘政策應該會吸引到歷史控看。還有好多當時香港的景色，不過那個CG感超重的灣仔碼頭還要來多數次來自暴其短。過來香港定居廣府話還是遜於基本的水平。黐膠花、洗碗工、上門打針，反而最少人講就是夜間的電車清潔。由興建中的合和中心附近去到電車廠應該都要行一段距離，反而還能準時翻工太有毅力。　　知恩圖報確實好重要。演住天台的糖水伯袁富華，當初暗中貼錢資助買車、帶人來碼頭，好奇老闆娘如何養他重遇之後？當初指點改良那個客人又有無尋回致謝呢？幾個重要的人之一，就是山東同鄉的警長。祝人幸福這個對白一石二鳥來推卻對方的愛，也表示不想依靠男人再。　　演包租婆的惠英紅，嘴硬碰硬但其實菩薩心腸。蝦子麵打氣教對方如何喊叫招牌菜式是幾幾可愛。不過又話請她來幫手，下一幕就不了了之，當刻期待這個着旗袍嘅女人會如何在集市中幫手。原來她是最初是為娼，不過重點是自食其力。　　年份銜接的轉場動畫真的好不講究，無人把關的字體來突顯其水餃品質嗎？守望相助的鄰居，幾場圍枱食餃子，反而舖頭裏都是女工卻吃了漢堡包。戲中王祖藍的老婆刪去亦無所謂。配音明顯口型不格，粵語粗口正常反揮。配曲頗多，幾乎每一重要場景都一首歌，可能心思都放在選曲上吧月。　　中後期就毫無阻力，日資超市合作危機再擴大。日資公司太武斷，以為偷偷供應給其他超市而拒收並下架女主角的餃子。有危機亦有機會而引伸更廣貨路。媽媽的突然病逝亦拖時間反而有點誇張，不如多逛墳場更有意思。羡慕她有母親留下來的味道，即便在香港無人無物。

臧健和女士從手推車小販起步，到衝出香港、上市，再變成數以十億計資產的成功故事，更像一段都市傳說。儘管真實發生過，卻又無比夢幻。舊灣仔碼頭前面的空地，曾幾何時聚滿各式各樣小販。牛雜、碗仔翅、煎釀三寶、魚蛋⋯⋯反正能想得到的街頭小吃，都會出現眼前。獨獨是那一碗香港人本來不太認識的山東水餃，竟在短短數年間一躍而成為香港「名物」，頗令人百思不得其解。劉偉強導演、馬麗主演的《水餃皇后》，如果比喻為一篇文章的話，目光所及，滿滿一大串像逆境自強、天道酬勤、否極泰來、得道多助之類之類的「正能量」詞藻，卻始終沒有深入指出，奇蹟是在怎樣的天時地利人和下發生。電影所描繪的七、八十年代香港，有點眼熟，比起關南施的《蘇絲黃的世界》摩登不少。不過，要說成是快將開始中英談判，一美元險些可以兌十港元的前夜，總覺得是張冠李戴。那怕有惠英紅、王祖藍、袁富華、龔慈恩母女等一大堆港星串演，不對味就是不對味。有點歲數的本地觀眾，是可以分辨出本來的香港是怎樣的。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

其實劇情整體唔差，想講返舊時新移民黎香港打拼嘅勵志片，但有幾點實在不吐不快。我唔知套戲為左sell懷舊定劉偉強真係太老派，我覺得個拍攝手法真係老土到爆。1. 「一年後」個字體，美術係咩事？好似就咁新細名體咁車落去？2. 播歌+對白FLASH BACK可以用但會唔會用太多次？變得好似TVB膠戲般3. 對白+所有故事全部「做」同「講」出黎，又係好TVB式吸引觀眾一心二用睇時嘅手法4. 剪接好似開左1.5倍速咁，好多鏡頭得個兩秒，好多角色好似賀歲片咁群星拱照但又快速閃過；但去到懶催淚鏡頭又變返0.5倍速，又加埋上講嘅播歌FLASH BACK，呢個時間又睇到我想快鏡…另外我就唔知呢個真人真事改編故事有無臧家人插手，好多角色唔知係咪應臧家人要求插落去，某啲角色好鬼奇怪。例如本身講下臧姑娘未發跡時嘅同屋主幾好，又可以講返舊香港守望相助嘅精神。但又無啦啦加插某個同屋主GG左嘅場面，觀眾對呢個角色完全無感情，但就以上講嘅缺點加落去（1.5倍速咁「講」+「做」再0.5倍速FLASH BACK）我真係睇到個心問做乜9？總結黎講套戲劇情上無咩問題，焦點想講一個母親辛苦帶大兩個女幾辛酸呢點情感都足夠，但整體拍攝手法有瑕疵同砂石，我實在唔能夠講好enjoy套戲……

#水餃皇后 溫情傳記電影。95年六月 無線電視都有播水餃皇后。6-7分。可能會有1秒鐘。激嬲你的情節、地方不再介意就沒事了。舉例，只要不太介意當中某些民族主義（？）宣傳片段，為什麼漢堡包可賣全世界，山東的 水餃就不行？馬麗（演水餃皇后 臧健和姑娘） 上次《抓娃娃》已認識她，戲不錯，能否感動你另計。導演劉偉強拍過陽剛，又街知巷聞的無間道1-2 (2002-2003)；頭聞字D (2005)，報道說他和水餃皇后曾經同住銅鑼灣，所以就想拿劇本來拍。拍一個更加女性向的故事。讚：想要某點回憶，這套或多或少都可能滿足你。如看着合和大廈興建（合和大廈曾經是香港最高的高樓大廈； 66層約200米 1980-1990）灣仔碼頭景也是手1:1搭建。當然板間房寫實及細節程度就不及九龍城寨之圍城。小販有糖水、剪釀三寶、炸大腸⋯；小販檔養活一家人；小販走鬼昔日碼頭、戲院人多旺的方，就有小販檔。有點香港演員：惠英紅（演包租婆）（惠英紅曾光顧臧姑娘　憶貧苦童年住板間房：童年還在灣仔賣香口膠乞食）、袁富華（糖水伯伯）、太保（乃裁縫同住租客）、張達明（患癌後有氣無力）薛凱琪（巴女）、王祖藍（窮太子爺）；亦有三命中靚女林愷鈴演長大了的女兒拍得出當年鄰舍守望相助的感覺。用老歌多數都有感覺。但亦有讚有彈： 如Beyond 海闊天空，對應加埋全球。好似就是用了點廣東歌致敬；家駒的金曲為水餃全球？彈：承上題。你用阿信的故事主題曲，歌詞有「命運是對手並不低頭，從沒抱半句不去問理由。」你讓我想起阿信的故事 令電影變成只不過是阿信故事香港水餃版！？個人認為用錯歌了。只要不太介意當中的宣傳片段，「為什麼漢堡包完全全世界山東的 。水餃就不行？」（相傳是水餃皇說的）沒法子，電影明顯是大陸向的⋯一些位多餘了： 感情位拉長了 （雖然可能令故事更完整；有影評認為描述警察太好人了。其實那時貪污漸收斂。是好是壞也是皇家警察年代）；另一段回鄉感覺亦拖長了。日本百貨要獨市；女主角馬麗果斷拒絕日資公司要求或建議 （是否一say no就站直走 要當事人才知）水餃皇后一直都不能說廣東話？或全片都是普通話為主（因馬麗是主角）馬麗由頭到尾都是這個微肥有肉地⋯