空槍

張子強事蹟為電影主線，以他的狂為賣點。兵賊鬥智鬥力，賊賣的是命，兵賣的是工作和責任，賊的投入度當然高，勝算也高，而上天始終保護好人。鬥智鬥力的橋段吸引，夾雜着天命論，令電影添加神秘感。喜歡朱一龍演出，反而那位刑警如學警出更。電影較少動作場面，對於喜歡此道的朋友較失望。一套內地電影工作者作為幕後的港式警匪片，整體電影不俗。想不到阿sam的我哋呢班打工仔歌曲作為電影主流歌曲，打工仔的心情在不同地域是不變。

呢套戲演員好入戲，第一場惠英紅同埋元富華個表情真係好難忘，不過導演就拍有啲拖泥帶水，講張子強嘅嘢都有啲誇張左，導致有一部份劇情唔合理，同埋梁家輝表現符合影帝實力，但係李嘉誠先生都有講佢同張子強面對面講數嘅情節，如果套戲當年嘅對話加埋入便會更加好，因為呢啲資料其實都公開，如果當年嘅對白加埋梁家輝演繹會更加有味道。不過總括嚟講都建議大家入場睇。

朱一龍個角色明顯借鑑張子強，張子強點樣綁左誠哥個仔大家都耳熟能詳，《空槍》就將呢段兵捉賊、計中計拍得幾好。全套戲主要分3大part犯案，3 part嘅計謀全部都算係智商在線；當然入面嘅計謀老實講唔算話令人嘆為觀止，但都合格有餘，節奏亦掌握得幾好，個人認為好睇嘅！加上朱一龍演繹到個種目中無人、狂妄、瘋瘋癲癲嘅感覺，不過放演得好，演收嘅骨子裡自卑感就比較小，只會記得佢嘅瘋癲感。當然，身為中港合拍片，政治正確係必須！唔係點會比拍，《空槍》已盡量係維穩嘅道路上寫好故事，而現實中嘅張子強都係咁嘅下場，所以呢個結局都算合理。近年睇多左1994年嘅香港電影，大家都知點解，只能講創作上有限制、但都睇得出電影人嘅靈活處理，有時覺得以後係咪就要睇多啲呢種「靈活」？有戲就睇啦，不予置評。

#空槍 #v電影故事也如空槍？！大家好，我是 Wild Wildy！今日同大家睇吓呢套由韓延（Han Yan，曾執導《動物世界》/ Animal World、《送你一朵小紅花》/ A Little Red Flower、《我愛你！》/ Love Never Ends）執導嘅最新警匪作品——《空槍》！他之前作品 我一點都沒看過⋯ 主角陣容包括男主角朱一龍 (Zhu Yilong)，以及一班香港重磅級實力派演員：梁家輝 (Tony Leung Ka-fai)、衛詩雅 (Michelle Wai)、李施樺、惠英紅 (Kara Wai)、葉童 (Cecilia Yip) 以及袁富華 (Ben Yuen)。影評基本數據IMDb 評分：暫無 / 10Rotten Tomatoes 爛番茄：暫無 %豆瓣評分：7.2分（高於犯罪/劇情片的平均基準線）購票平台：貓眼、淘票票等平台開分高達 9.7分我⋯ 無言⋯對於一套警匪片嚟講，如果你冇乜太高要求、純粹想入場睇下兵賊角力，呢套戲其實算係好唔錯。先講講令人驚喜同值得讚嘅地方：導演的港片情懷與鏡頭風格：導演韓延睇得出真係好鍾意港產片，想有杜sir宿命感覺⋯ 雖然三級級數嘅血腥鏡頭唔算多，但兵賊互相較量嘅張力做得好足，帶有幾分經典電影《Heat》（盜火線）嘅影子；男主角朱一龍嘅演出亦好盡，又有啲偉仔感覺⋯ 有時仲帶點《Joker》（小丑）那種癲狂嘅味道。驚艷的 90 年代 CG 復刻：最令我佩服嘅係視覺上嘅處理，電影特登用 CG 處理過維港景致，將現代嘅 IFC、K11 等高樓大廈通通抹走； 另外重現 90 年代霓虹燈滿佈嘅舊香港，呢個 CG 復刻比坊間讚到上天！廣東話對白與本地演員陣容：整套戲全程大部分都係廣東話對白，話說男主角朱一龍特登苦練廣東話嚟接戲，誠意可嘉。再加上梁家輝、衛詩雅、惠英紅、葉童、袁富華呢班本地實力派演員同台飆戲，有一定港味。象徵符號與亮麗畫面：戲入面加咗唔少貫穿全片嘅象徵符號，例如「空槍」、菠蘿包等等，加上嗰幕「分紅海式」嘅視覺鏡頭，畫面處理得相當亮麗。過咗視覺同演員嘅新鮮感之後，講到故事本身，令人o嘴同要彈嘅地方⋯這是一套演員同導演技術合格以上，但在主旋律故事高度可預測嘅框架下，原本好端端嘅警匪片變咗卡通科幻或者教育電視，單以故事嚟講係不合格嘅。與九七前歷史不符的場景漏洞：97 前嘅警察總部（警總）建築樣貌（只有數秒？）同電影展現嘅完全唔符。葵青橋（青衣南橋嘅平排複製橋）：1999 年 7 月 26 日才通車。昂船洲大橋：2009 年 12 月 20 日才通車（連接八號幹線與青衣東高架道路）。通通喺 97 前根本未落成，快速出現戲中有點手出戲。虎頭蛇尾的開局與主旋律框架：初初頭 15 分鐘我其實幾意外同驚喜，竟然敢講「省港旗兵」？點知秒速回到「主旋律」中。而且戲入面所有出現嘅黑警，通通都被安排喺 97 前。九七前司法制度：另一個致命位就係對 97 前司法制度嘅描寫——大罪犯、大惡人「你明知道他是殺人放火金腰帶，你為什麼放走他？」。除了會有公安大發神威嘅情節之外，仲極力突顯 97 前香港皇家警察何等不濟、點樣被無罪推定的法律體制綁手綁腳放生罪犯。編導邏輯過於簡單：匪徒做成第一單買賣之後，警方只需要去查邊幫人突然一夜富貴（甚至不用查，因為太過招搖），就已經可以輕易抽出幕後黑手或主謀，根本唔會發生餘下兩個鐘頭嘅故事，亦唔會出現皇家香港警察超白痴嘅情節。「衣錦還鄉」突如其來嘅巨額財富根本解釋唔到，一早可以結案；同理，一噸重嘅貨車運海鮮，任何年代根本冇可能唔被開車門檢查或扣查（更枉論阿sir接街線電話）。劇本想寫計中計但太離地和天真下失去了故事厚度力度，警匪角力顯得空洞無力；甚至本身想有杜琪峯（杜 Sir）嗰種宿命論，結果只有外殼而沒有靈魂。老套且不誠實的「社會批判」：又是老調重彈講富人劫窮人、主角化身現代羅賓漢。但比起張達明、黃子華那種誠實嘅幽默（「我哋劫富濟貧，不過『貧』只係我哋兩個人」），戲中彷彿只有商人係罪大惡極，幾時劫佢財都天經地義。又或者講咩人犯法就唔啱、有報應、個天無話幫邊個（極度唯物論），說教味濃得令人尷尬外，手指只有指向其他人⋯臨尾想學無間道1 ⋯ 但因上述問題無甚味度；且硬把Street Fighter 2 變樣算了吧⋯⋯整體嚟講，《空槍》喺視覺復刻同演員陣容上做得唔錯，但可惜被高度可預測嘅主旋律劇本同漏洞百出嘅邏輯拖累。你又點睇呢套《空槍》？又或者電影真如戲名⋯ 本來以為平地一聲雷。卻只是換來空槍一響？你覺得佢嘅 CG 懷舊感夠唔夠？定係覺得劇本嘅邏輯漏洞太誇張？歡迎喺下面留言話我知！記得 Like、Share 同 Subscribe 我個 Channel，我是 Wild Wildy，我哋下部影評見，Bye Bye！

一套以張子強於香港作案為藍本嘅電影，但拍出嚟好多劇情、細節、場景都奇奇怪怪，不盡不實，堆堆砌砌，違和感極重。首先，電影走嘅路線唔清晰。話佢係嚴肅/寫實正劇佢絕對唔係，當中絕大部份劇情天馬行空，誇張失實，非常戲劇化。話佢係cult 片味道又遠遠未及。話佢係笑片佢只有值得恥笑嘅劇情。話佢扭橋燒腦只能講係膚淺嘅自說自話程度。話佢爽片又拖成兩個幾鐘拉極都拉佢唔到。總之就不倫不類。第二, 全片99%廣東話, 亦起用不少香港演員，亦有香港外景，但導演係大陸導演。結果拍出嚟就好似外國人拍香港故事咁, 刻意突顯香港特色如茶餐廳、籠屋、菠蘿油、廣東歌 ....等等。香港人睇會覺得好刻意好唔自然。另外，啲香港警方辦公室廠景美術、佈置都好冇HK style, 香港觀眾睇真係好難投入到。第三, 太多虛構得嚟唔合邏輯又白痴嘅人物 (尤其中方果個靚仔主角公安同香港個靚女指揮官)、對白、情節同計中計，令我放棄以欣賞嘅角度，變為以恥笑嘅角度睇呢個戲。其實套戲要吐糟嘅嘢太多, 我係寫唔哂。值得讚嘅地方係.....um....eh....um ......所有台前幕後工作人員辛苦哂啦！！下次繼續努力！！PS.• 要睇香港味電影還是睇返香港電影吧！• 呢個導演似乎幾任性

演員嘅交流，睇得賞心悅目尤其係梁家輝同朱一龍成套戲其實都好流暢，有啲對白都好深刻啲演員做得真係好好我覺得編劇賊王嘅心態幾細緻佢比黑社會威迫嗰一幕，其實都係講個錢字幾到肉不過成套戲就好似講到香港嘅司法制度同埋警察差，公安醒目同有抱負過香港警察好多就好似有啲多咗整體嚟講做得前港產片嘅味道但係節奏唔夠快，失色一點如果影片嘅長度揀啲，劇情再緊湊啲會再好睇啲