見習冇限耆

個人覺得今個韓國版改編同荷里活版一樣這樣好睇我會形容，今次依然保留到原版出色的地方，講真，無疑在男女主角設計、描寫、互動，導演也處理得好細膩。這樣已經可以令套戲打好基礎，再者無論 男主角崔岷植 同 女主角 韓韶禧 之間的互動好出，可以產生出好精彩的化學作用。而今次比原版，在取景上更為出色，尾段東京同初雪的處理，可以令套戲有所昇華。痴·影·夢·藝 X 的專頁 https://www.facebook.com/ckwunmovie/

睇呢度韓版好難唔同原版比較，原版喺各方面實在太出色，無論係角色選角、演員火花、帶出嘅意思、劇本、處理手法同感情堆疊上都一流，實在好難被超越。不過2026年嘅韓版絕對唔遜色，加入咗韓國濃厚元素、韓國文化背景、又加入新科技元素例如AI，令整套電影有煥然一新嘅感覺同新鮮感，加埋仲有好多同原版一樣嘅劇情，整體絕對係好睇嘅。呢套就連角色選角上都唔錯，配角亦都更加突出，略嫌扣分位係唔能夠更加突顯男主角對公司嘅貢獻，同埋劇情上有啲位節奏有啲慢，令整套電影唔夠爽快。其實套戲好多位都跟足原版，扣分位反而係新嘅劇情處理得唔夠暢順同圓滑，但總體嚟講，始終好睇，如果冇原版作比較，其實都冇咩可以挑剔，始終冇比較冇傷害。但套戲始終成功帶出原版嘅輕鬆同感動感覺，演員功不可沒，所以都值得高分，如果你鍾意原版，一定都會鍾意呢套。

先講結論，我認為韓版翻拍比起原版完全唔輸蝕，某啲位甚至更好。韓版前期鋪人設時比起原版節奏係慢啲，女主開始信任男主嘅時間點拉後左，令到套戲拉得更長有132分鐘。但我覺得呢啲鋪墊更男主角性格更突出，如果我做人可以做到同男主咁，就算老左都唔會擺老屎忽姿態、樂於學習新事物、又會用自身經驗引領後輩、明知人地犯錯但唔會講出黎篤背脊，等佢自己知難而退、同埋見到人地私事唔會多口，只會收係心到自己忐忑嘅真男人。世上多幾多呢啲人，會更美好。呢個係我翻睇韓版後，對於男主人設有更深嘅領會，翻拍得非常成功。另外原版比較著名嘅場景，韓版都有拍返個貼近韓國、亞洲嘅文化場景作致敬，亦有加插一啲原版無講嘅劇情，例如原版副CEO好似無咁多戲份，韓版中佢多左個重要橋段；女主角老公更加唔洗講，結局完全唔同。族繁不及備載，大家值得入場自己觀賞。值得一提係原版係女主send錯Message比自己呀媽，男主潛入佢屋企刪除；而韓版改動得更合理，亦有唔同嘅創新橋段睇點樣刪除返個Message。個人會更鍾意韓版呢個設定。韓韶禧都非常適合做Anne Hathaway，我相像唔到有邊個韓國女星氣質比佢更似；至於男主角崔岷植雖然演出得都好好，但我都係鍾意Robert De Niro多啲，兩位選角都好合適。韓版《見習冇限耆》絕對係我睇過最好睇嘅改編電影之一！

珠玉在前，比原作遜色！帶點韓式老土！

職場部分明顯增加，加入了AI在職場上應用，不只為了請老人家而是為了減稅。韓國人翻拍得可愛，童話般敍述的處景式輕鬆喜劇。前輩更似阿爸，有醫肚人情更加拉近距離。正裝返工好有紳士感，由手巾仔變成隨時投餵的助理，由做電話簿改成做印刷。不用看原版，韓版也有其優勝之處。變成司機之後，兩人親近不少，也少了實習感覺。指派原因亦有所調整，不過總之就是要跟住CEO幫手。剛得員工證，好快跟上年青人的用語，特別手勢立即跟同届混熟。最想不到就是熟用IG追蹤孫子的社交帳戶。想起他之前《破墓》角色再演個温暖爸爸感的助理去到日本居酒屋指住話錯的是別人不是她的對手戲，結局也一併改成自己炒了前輩、簽紙離婚自行解決。跟原版選擇不同，男人不愛不用修補乾脆分家分公司。職場女性不可能兼顧家庭跟事業。就算老闆娘被人戴綠帽也不能隨口就告知。還好沒有小朋友，只有奶牛貓問題簡單一點。雜物房看出面景色，夜裏定日頭落雪都有意思。作為老練員工，上司都未出世。品牌大使多了這段有趣撞衫，然後延伸至原版都有發錯抱怨訊息給對方橋段。有時就像戲中行行其他路，不用時刻都要找捷徑，才能看到平時看不見的風景，或者至少在草坪中戴上耳機聽住ASMR周時放鬆。

女主太漂亮；只能做到花瓶效果唯一驚喜係偷手機一幕冇乜其他戲好睇，就係唯一可選的kill time電影