幸福入場券

娛樂性豐富，沒有悶場，令人忘記煩惱的輕鬆愛情喜劇

個人套戲是不俗，導演無論執行同處理也好，好像導演很懂將所有元素也放對的位置般，可以將各元素的化學作用發揮到最大，好讓觀眾睇得開心而不會過份偏差。其實睇佐治同茱莉亞這副CP，到現在依然咁好睇。互相之間互動很出，雖然他們沒以往這樣郎才女貌，但可能因年月的浸淫，加上這套偏喜劇向的設定，令我現在睇他們更有另一番韻味。而年輕一對方面，個人也覺得他們是演得好，尤其是個男，靚仔之餘，演繹頗實紮。導演在處理故事節奏上也是不錯，節奏拿捏準而不會令觀眾感受沉悶。雖然這套並非不是什麼新說故事方式，但他整體執行也是好。咁當然這個偽峇里島（因防疫關係，這套主要在澳洲拍）的景色也是頗美。痴·影·夢·藝 X 的專頁 https://www.facebook.com/ckwunmovie/

劇情同預期差唔多，女少主喺峇里島搵到自己嘅真愛，甘願放棄高薪厚職，一切彷彿似曾相識。。。美好嘅事為何要等以後？btw當去咗旅行，順便睇下當地風土人情，大開眼界4.3/5 (86分)

故事簡單,但四平八穩,輕輕鬆鬆,無乜好批評。睇佐治古尼都值回票價....好型！

導演係Mamma Mia續集嘅導演（唔係第一集嗰個）哩齣係冇咗ABBA冇咗音樂劇效果嘅Mamma Mia仍然有異國風情 靚人靚景故事輕鬆惹笑但不算太堆砌和造作入場係因為抽獎抽到免費戲飛睇咗特別場另外想見返兩位老友：阻住咕哩同蘿蔔絲自古美人如名將 不許人間見白頭故事偏向娛樂性 完全冇深度 連《飯戲攻心》都深過哩齣好多還幸亦不致好似韓劇咁硬銷廉價嘅煽情催淚樂而不淫 哀而不傷發人深省嘅地方係年青人就係情感衝動嘅動物唔係邊有熱戀呢好似蘿蔔絲咁又失婚又孤獨又徐娘半老遇上熱情都要猶猶疑疑 諗過度過我都老到對乜都熱情不再啦不過曾經愛過就唔會錯尤其即使分手後 睇住共同撫養嘅仔女健康快樂咁長大未嘗不是愛嘅延續或愛嘅轉化所以大人們就放手讓年青人衝動熱情落去啦唔係世界點會有活力有生氣呢？？？最後老咗都可以重拾熱情 想做就去做正因為時日無多 咁仲等咩嘢呢我都想同老伴攜手跳入海闊天空嘅世界呀

睇完預告片已經大概估到成套戲劇情，但又好有興趣去睇，靚人靚景，整體娛樂性豐富，雖然劇情不算有深度，但都有點意思，重點是可以放空由頭笑到尾絕對合乎期望。.睇住George Clooney與Julia Roberts好有化學效果，互mean好笑又冇悶場。而Kaitlyn Dever與Maxime Bouttier這對郎才女貌亦吸睛，閨密Billie Lourd人設大情大性，可惜戲份唔多，無機會發揮，有點浪費。加上超帥的驚喜機師Lucas Bravo以及男家家族成員，所有演員配搭都有喜感。.至於戲中的峇里靚景原來都在澳洲拍攝，唔知啲習慣係真實文化還是戲劇效果呢。.觀影平台: Premiere Elements.IG : andymyf / #AndyMovieReview