睇完早場，雖然冇睇過《Cats》嘅歌舞劇，但都打算入場見識下，差不多兩粒鐘，但冇睇到瞓著，歌曲不算首首悅耳動聽，但歌舞劇改編算唔差，舞蹈精彩，佈景華麗，位位演員扮貓都扮得岀色，一啲都唔突兀，名曲「Memory」壓場，都令人睇得賞心悅目。當然買飛入場就一定有心理準備係睇歌舞劇而可以要求同電影比。但製作一啲都唔馬虎！

如果你沒有時間，我用一句說話告訴你，這部電影，就是講述一個內容都不重要看歌舞就好了的故事。如果你有時間，以下就是我—爆米花族人看這部電影的想法了。電影海報上形容Cats是「最悅耳動人的電影盛事」，當我看完電影之後，我心裡不期然地說，「天哪，這宣傳標語實在太誠實了！」Cats是知名的百老匯歌舞劇改編電影，所以基本上入場的影迷都會期待電影中盛大的歌舞場面。事實上，接二連三的歌舞編排加上精緻的舞蹈特色，確實可以拿下動人的九十五分，而歌曲也絕對堪稱悅耳，所以「悅耳動人」在歌舞方面是完全能兌現的。可是，既然「悅耳動人」全是用作形容歌舞，那麼劇情方面，只能讓人嘆氣一聲。無論Cast在歌舞劇方面有多成功，既然這次是以電影形式呈現，評價方式自然是用電影的準則了。電影的主角只用作過場之用，基本上沒有經歷成長；大反派的能力表現未能為電影提升張力，而電影中最重要的角色（免爆雷，看過就明白）塑造不足，出場不過三幕，讓人不容易投入到她的經歷當中，所以也難以受到她的感動。歌舞，確實一浪接一浪地湧至，但卻蓋過了角色和劇情。在現場所見，在第一小時歌舞的疲勞轟炸後，有觀眾已經連打呵欠了。所以總結而言，Cats是兌現了「悅耳動人」，但劇情確是令人失望，在電影界的歌舞片中似乎不可能像舞台劇一樣成為傳奇了。性價比分數：4/5 （有1.5分是送給歌舞編排的，確實精彩）誠實票價：$100（有$70是送給歌舞編排的，確實值得）爆米花族消磨時間指數：1/5（接近兩小時無間斷歌舞，除非是歌舞愛好者，否則感覺渡日如年）專業影評入場鼓勵指數：4.5/5（即使評分不高，作為研究舞台劇改編作品入場也是值得的）一雙一對二人同行指數：3.5/5（伴侶喜歡歌舞就入場吧，打呵欠不要被對方發現就好了）歡迎來到爆米花族的世界參觀：Ig：popcornmoviehk

多年舞台劇終於搬上大銀幕Memory一曲大放異彩

不論歌及舞蹈都不算很精彩，而且故事本身太薄弱，近兩小時的片長實在有冗長感。唯一值得一讚的是場景畫面華麗，令人眼前一亮。不過極真人化及以雙腿長期站立的貓妖造型實在不是太容易接受。若果以《獅子王》般的特效真貓造型再配上明星聲音，相信會更容易令人接受。個人比較喜歡James Corden出場那一段，至於Rebel Wilson那段實在太重口味。最想不到的是Idris Elba竟然都會參演，不過劇情太無聊，這個奸角沒甚麼發揮。Taylor Swift亦只是短短出場一會的小角色。總括而言，我不太懂得欣賞這套戲。更多影評在⬇️Facebook / Instagram : Mr.PolarKuma

...singing for the sake of singing, sometimes without context.

的確，唔係有特殊辟好，真係會瞓着。貓奴，音樂劇fans會好啲，主因是非傳统戲劇結構，冇起承轉合，三份二時間介紹人物，跟住就係結局。其實「功夫」都係咁，人物功夫越來越強，去到underdog周星馳變身施展如來神掌才起戲劇變化，一次過承轉合，當然「功夫」就有趣得多。至於 CATS嘅功夫就係唱歌跳舞，高手就靠 Jennifer Hudson 同 Royal Ballet 嘅 Francesca Hayward。我因為喺睇 Musical 嘅時候瞓咗，所以今次冇瞓。不過貓奴一定好開心，用成套戲時間介紹唔同貓性格，到結局就教你點樣同貓相處，貓痴一定要睇。

「Cats」呢部音樂劇我細個嗰陣就睇過，都算係童年回憶，呢部音樂劇我都幾鍾意下。當我得知「Cats」會推出電影版嘅時候，都幾期待下，但睇完預告片之後，就感覺伏伏地，加上近期外國對呢套戲嘅評價都係非常差，就搞到我對呢套戲既期待又驚伏，等左咁耐，見有優先場，就等我抱住以身試伏嘅心情入場睇啦。 睇完之後，老實講，真係有啲失望嘅，雖然套戲就冇外界講到咁差，但絕對有機會係今年最吾掂嘅電影，咁當然呢套戲有啲位係做好，有啲位做得差，但差嘅位實在影響觀感太多啦。 咁我首先就講下呢套戲要讚嘅位啦，呢套戲嘅場景佈置真係好靚，睇完啲製作花絮我就知道，嗰啲巨型嘅街道丶巨型嘅店舖都係實景搭出嚟，呢點我係都幾滿意嘅，因為拍攝出嚟嘅效果相當華麗，同埋啲巨型街道係實景搭出嚟，真實感都重好多。而鏡頭嘅擺位我都幾滿意嘅，喺套戲裡面，一時會用貓嘅角度嚟拍攝，一時就會轉用人類嘅角度嚟拍攝，我見有不少網民對呢個安排吾係幾滿意，但我就幾鍾意呢個安排，一時轉返用人類嘅角度嚟拍攝，先可以突顯貓嘅渺小。而歌舞嘅部分都好掂，歌又好聽，舞步又好睇，由於電影版有新角色，所以都有新歌，而且啲新歌都幾好聽。而francesca hayward所飾演嘅Victoria嘅戲份就多左好多，佢喺成套戲𥚃面都有出場，每一隻貓唱歌嗰陣，佢都有出場，咁就令到套戲嘅流暢度高啲(始終喺音樂劇度，每一隻貓唱歌嘅時候都吾會有啲咩特別過場)。而由於電影版新增左一個反派嘅角色，所以劇情都有少少改動，雖然「Cats」呢部音樂劇都冇乜劇情可然，但的確劇情進行左少少改變之後，故事情都強左。 講完讚嘅地方之後當然要講下彈嘅地方啦，相信大家都估倒我要鬧啲咩，冇錯啦，就係特技嘅部分，「Cats」呢部音樂劇咁多年嚟都係同啲演員化妝，以呈現各種嘅貓，咁多年嚟大家都好滿意化妝嘅效果，但當「Cats」電影版出第一條預告片嘅時候，相信大家都應該感受到非常駭人，睇呢套戲之前，我同自己講，睇耐左就會慣㗎啦，但睇完之後我只可以講，真係慣吾倒，由於全部「貓」嘅角色都係以演員嘅動態捕捉再用特技嚟呈現，搞到人樣太突出，違和感超重，呢啲咁不倫不類嘅「貓」真係幾噁心丶駭人丶不安，加上套戲片長接近2個鐘，要對住呢啲咁不倫不類嘅「貓」2個鐘真係幾難頂下，雖然套戲有吾少地方我都有讚，但到彌補吾到不倫不類嘅「貓」所導致嘅惡劣觀感。 總括嚟講，呢套戲嘅場景佈置丶拍攝丶歌舞嘅部分都處理得好好，但基於特技嘅部分太差，所以都吾推介。如果以一套普通音樂劇嚟講，呢套戲係合格，但如果以音樂劇「Cats」嘅電影版嚟講，就絕對吾收貨。

雖然Cats貴為三大musical，如果你一世人未睇過現場都應該入戲院睇，但勸你唔好太大期望。全球最受歡迎流行歌姬Taylor Swift，同猛男黑人Idris Elba唱Macavity，又好睇又好聽，靚仔靚女好吸引。Jennifer Hudson歌藝唔使多講，佢呢場係全套戲最有張力。呢套戲最成功，同時亦都係最失敗，係透過散修修的劇情，引領觀眾感受流浪貓的日常，流黎流去唔知做咩！浪費咁多大卡士！

套電影完全唔知做乜嘢，想做到人哋啲音樂劇，但又做唔到，科技又搞唔掂，講真可以唔使入場。啲貓真係假到冇人有。

無媽媽咪呀咁好聽，造型又人唔似人貓唔似貓，不討好，故事薄弱....近乎冇故事，後半部好少少，可以不看！50分