內幕

3.8⭐電影要帶出嘅訊息非常明顯，公義需要彰顯，壞人應該要繩之於法，所以呢個時候香港人會睇得好有共鳴。電影故事走懸疑路線，但懸疑度其實唔算高，劇情走向都幾直線，不過劇情都算豐富，冇乜廢話或冷場，亦加入張文傑同動作戲，令娛樂性提高。不過有部分劇情嚟得牽強，如郭富城竟然可以輕易跟隨該NGO 去海外出差。雖然如此，大至上電影都有不俗娛樂性。本片卡士亦係本作一大賣點。有郭富城、任達華、吳鎮宇、方中信、駱應鈞、周麗淇、張文傑...。最令我印象深刻係方中信同駱應鈞，入型入格，表現出色，其他表現就恰如其份，反而吳鎮宇角色同演出比較失色，睇完套戲冇乜記憶點。整體電影娛樂性不俗，不妨入場一看。PS.• 張文傑係一個有 potential 嘅演員• 姜大衛其實都係一個滿口正義嘅仆街• 方中信被逼砌手指果場做得好好，印象深刻👍• 郭富城同張文傑最後打鬥果場有個慢鏡見樣嘅旋轉反身鏡頭唔知係咪真係由郭富城親身上陣呢？如果係就真係配服城城，咁嘅年紀體能重咁得。

劇本都寫得幾好，演繹手法亦唔錯，時間穿插上都幾順眼亦算自然；演技更加無得輸，一堆老戲骨鬥戲！郭富城同吳鎮宇呢個組合好有火花，都幾好睇！故事上睇完絕對有所反思！好有意思嘅一部電影！

麥兆輝憑着經典卧底電影《無間道》，與劉偉強聯袂奪得香港金像獎最佳導演。二十年來，麥兆輝對犯罪懸疑片種似乎情有獨鍾。之後的無間道系列、竊聽風雲系列，乃至於2019年本地票房收入逾三千萬的《廉政風雲 煙幕》，全都按類似套路產出。然而，拍得多不代表拍得好。《廉政風雲 煙幕》與現正上映的《內幕》，都犯上差不多的毛病。驟眼看，兩片就像是一襲剪裁得體的大衣，遠望層次分明。就近輕摸布料，即發現質料略微粗糙，某些不顯眼位置的線頭更鬆開了。當年高錕被發現罹患阿茲海默症，是因為打麻雀常常食詐糊。老人癡呆患者不單止「冇記性」，他們處理複雜事務能力，以及思考能力均大幅下滑。如果缺乏基本認識，創作出來的人物自然徒具軀殼，欠缺靈魂。《內幕》劇本的小問題不少，幸而一眾演員沒有擺爛。海報上出現的四位主要角色，「港版李察基爾」方中信演技明顯進步。片中，方中信面對日本黑道威嚇時的擔驚受怕表情，演得真不賴。郭富城則依舊帥氣十足，不過安排他與張文傑對打，實在毫無必要。這跟兩年前的《斷網》一樣，硬要郭富城來一場「成龍式」追逐戲，只落得吃力不討好。任達華、吳鎮宇，還有客串的姜大衛，三位皆渾身是戲，只是角色要求內心戲不多，他們也樂得省點力氣。一齣電影成功與否，編導演環環相扣，任何差池，必定影響全局。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

成個cast 好平均，題材有意思。有點意外仲有打鬥場面

開頭以為《內幕》會如同《斷網》、《潛行》一樣係一個笑話。點知《內幕》劇本寫得幾好，NGO洗黑錢橋段我毫不懷疑現實世界係有發生，雖然搬左上大銀幕但成件事異常地真實，我自己就相信現實比起電影更黑暗啦！講返電影，郭富城任達華兩線操作拍得有水準，剪接都有返咁上下技巧，我會形容為呢種手法先應該係見證過港產片輝煌年代出黎嘅大導演應有水準，而唔係《斷網》、《潛行》個兩團屎。當然呢個剪接雖然係有水準，但玩得呢種交錯手法，仲要大大隻字寫住「五星期前」（隻字體仲要勁核突）好似當觀眾弱智一樣劃公仔劃哂出腸。劇情、查案、動作（動作片段加得算小架啦，城城都紮晒馬練跆拳道囉～點都要加啲啦）拍攝等手法都係呢種老一輩大導演手法啦，港產片元素見慣見熟，成個劇情無大驚喜但極度王道公式化，最後都係邪不能勝正嘻嘻哈哈BBQ咁啦。套用埋雖然花巧但又劃公仔劃出腸嘅拍攝手法，加上我睇個場7成係白髮老人。呢套戲目標觀眾其實好清楚，為左睇大卡士郭富城任達華同埋當爆谷片而入場。《斷網》、《潛行》就算鳩數，《內幕》其實本質上都係以上個兩套野嘅思維而拍攝。但只要佢拍得好睇，我個人其實無乜意見，有時睇下鏗鏘集之外都想睇吓呢種超大型商業片。因為我實在比《斷網》、《潛行》伏到怕左，本身係唔諗住睇《內幕》，最後因為有免費飛就入下場啦，點知《內幕》又出乎我預期喎，挽回返我對港產商業片印象。

#undercurrent #內幕imdb 5.4 imdb很誠實。HKmovie app有人給兩分不合格；有五分滿分。結果我以身試毒，明白兩個分數有其道理。簡單來說，這是一套合拍的電影，直達教育電視級數。把under current暗流拍到明渠，真的可笑可笑，亦可悲。我記得小學時就是期待不用上堂看教育電視，因為一定精彩過老師教書。同理，我留意身後有個師奶（應該思想單純），又哎吔「死左喎」哎吔「殺左佢喎」，又好開心笑啲笑位。我完全明白佢真心給滿分。而我，要我這個年紀看教育電視。你說我可以給多少分？未至於令我睡著，但太兒童向和低能了吧？當然我感激英皇仍投資，令一眾藝人有工開。但許多劇情已不是一向港產片可以有的癲喪狂，只能配合主旋律。彈中有丁點讚：又是白粉毒品。說真的，這題材out得很，不是k仔、太空油、芬太尼嗎？雖則有點現實背景，ngo涉貪涉洗黑錢，又有諷刺「正生」感覺，又是奸商。 但只能停在奸商，亦只能寫到奸商。更高層、更內幕不能寫的了。那在2025這年頭要我看回8090年代教育電視級數的查案「內幕」、「內情」、扭橋，真的叫我哭笑不得，也百般滋味在心頭。（就單以電影查一個人嘅死也如施落力，也有cctv，那>150條人命的源起、經過不需任何cctv看祝融之災的起點s、漫延疑點s？現實比電影更「好看」呢)相比電影怎夠看？尤其現實更多內幕更好睇過睇戲時，我都問自己何解還要入場看這類「犯罪」「電影」。笨實的劇情：郭富城只是沒異能的DareDevil，正義感上身。方中信由出場已一早告訴你他是奸的。（比金手指更兒童向啊）然後三個人一齊入架車密斟，你不怕冚包散嗎？粉塵爆炸，炸不死你，也炸不死新主席嗎？雖然用了許多倒敍和現在與過去重疊畫像（其實真心不錯），如任達華行過同一條樓梯，數月後郭也追著同一條線。再加些金句「x死了，所有線索都沒有了」現實也真的如是，但每每查案過程你只查出三腳貓/小學雞都知有問題的情節：同一間供應商、車隊、不斷用工程開大條數⋯ 最後慌死你唔明還加句教育電視對白：「正義感/做正確的事，人人都要有」 我看得毛管棟。故事只能2-3分，但念著大家都交足戲（方中信由心驚出來不錯，有什麼就著草），最後沒睡著可4-5。但我傾向4或更低。 不是演員不好，乃劇本太低能出事。而吳鎮宇63還要又追又撻未退休（雖然有替身）；郭富城還要和張文傑對打⋯ 那根不用打也知結果，毫無說服力吧。