廚師發辦

3.8⭐透過一個廚師以交友 app 尋找昔日失去嘅princess，帶出自身嘅愛情/人生觀，同時帶出幾個現代香港女性嘅愛情觀嘅短篇。全片製作不俗，攝影、剪接、燈光、用色、配樂融合成富有休閒同溫暖感，睇得舒服投入。幾個短篇都能表達到現代女性嘅小故事及其心態。對白編寫同演員表達令電影整體具有暖意。要彈嘅地方係後期突然幾個主要角色餐廳內拗撬，呢場戲都算係幾重要嘅故事同角色關係轉折位, 但之前並冇任何舖陳, 嚟得突兀, 要扣分。整體電影製作都唔錯，可以一看。PS.• 車中泊看似浪漫, 但香港地應該唔太work, 隨時比差佬/食環逗或驅趕，乜 mood 都冇哂 😅 外國應該可行啲

導演黃浩然在『緣路山旮旯』，用地方和距離講幾段感情故事，在『廚師發辦』，就用味道和食物講幾段男女關係。先講劇情有點離地（不是電影重點😅），玩交友app，無論真交友或一夜情都好，女方都唔會第一次見面就畀個陌生男人上女方住家，尤其是單親媽咪有兩個女張嘉紋演的那段，即使林克(小野演)願意煮野畀一家人食都好，風險都好大。電影其實講廚師林克透過交友App尋找初戀和自我的故事。林克和ex分手，ex哥哥James(黃溢豪演，是林克老best和餐廳老細）在言談間透露他們分手原因是因為林克是個無目標，吊兒郎當的人(林克無家，住在車上，日本叫“車中泊”)，所以妹妹最後嫁人移民。林克心中其實有個年輕時玩chatroom認識的“Princess Zelda”，後來去了美國讀書，林克一路念念不忘，成為廚師都是因為她，所以很想在網上尋回Zelda。電影就是講林克在交友App找到不同Zelda的故事，最終找到了他的The One，但一切已不如他的想像，林克最後明白自己真正需要的是甚麼，踏上掌握自己的人生之旅。電影是齣愛情浪漫小品，很有日系愛情電影風格，注重鏡頭，氣氛，對白和細節，每個演員演得都好，每個故事有背景有餘韻，是近來最好睇的本土愛情電影，非常值得支持和入場！

《廚師發辦》很容易讓人想起《緣路山旮旯》，像是一個更成熟、更溫柔的「2.0版」：上一次沿着香港的山旮旯尋找愛情，這一次則穿梭於城市不同角落，在一頓又一頓為陌生人而煮的飯菜之間，尋找自己究竟還相信甚麼。最有趣的是，電影把「林克」與「Zelda」悄悄藏進現代香港。熟悉《薩爾達傳說》的人自然會會心一笑：煮食像補充心心，約會像接受任務，而尋找某個人，也像在尋找一段失落已久的自己。它寫香港，卻又不只寫香港。在一個戀愛可以左滑右滑、合則再見、不合便告別的年代，人到底還願不願意為另一個人慢慢煮一頓飯？盧鎮業的表演尤其舒服，偶爾讓人想起《年少日記》中的他，卻像來到了另一條比較明亮的人生支線。沒有怪獸，沒有真正的公主，只有幾個寂寞的人，在城市裏用食物試着靠近彼此。這種浪漫，不轟烈，卻很有餘味。#盧鎮業#楊偲泳#梁雍婷#張紋嘉#彭秀慧

劇情新穎有趣，流暢度有點問題，仍需繼續努力

哩套戲絕對係緣路山旮旯續集，無論故事結構，演員拍法都承接山旮旯，分別係今次更成熟更有層次，最難得係拍出一份尋找嘅孤獨同失落。黃浩然寫女角一直突出，個個都做到有攞金像獎水平，男主角就相反，往往成為襯托女角工具，之前珈其同今次小野都係。今次小野做得有深度，唔甘心淨係做過場工具，佢成功塑造出痴心波希米亞男。九十年代TVB男主角一直主導香港電影，而家終於有 APA接班，朱凌凌小野聰，個個都不停進步。全戲最喜歡係寫夢想成真後嘅現實，同柳暗花明之後重逢嘅浪漫。如果要挑剔嘅話，可能係男主角寫得太純情乾淨，冇咗交友 app嘅精萃！