Madame Web蜘蛛夫人

個人覺得套戲是可以，導演處理同執行尚可，雖然他並不是什麼出色同會令人深刻的 Sony MCU 系列片，但比較之前爛到透的魔比剎，這套在各方面也是比牠優勝。首先這套並不是一套用場面同能力掛帥的超英片，而是用 死神來了式故事述事處理手法來寫出蜘蛛夫人的掘起，個人覺得這方面導演的處理是到位，但在劇本處理上，卻有不少雕琢得不佳的地方。這樣的確是失分位。但在角色的描繪方面，這套卻是合格。咁當然在矚目的蜘蛛俠4尚未有之前，Sony 也繼續會藉拍支線來維持他擁有蜘蛛俠系列的版權。而我繼續會期待在蜘之後的 狂獸獵人：格力文 同 毒魔3。痴·影·夢·藝 X 的專頁 https://www.facebook.com/ckwunmovie/

看慣marvel肥膩的套路，反而覺得這電影有戲味，沒有太多的超能力，廣東人話“有早知，冇乞兒”，有早知可能更加痛苦。可能這套是最沒有marvel元素的marvel電影。

如題，女主角幾乎沒有戰鬥能力，佢係預知到危險然後利用場景物件向對手造成傷害，然而打鬥場面唔多亦唔算好精彩，佢招"大絕"講到好勁咁但係發揮出嚟效果一般，想睇視覺效果嘅話唔推薦睇啦。不過故事倒係唔錯，流暢而有感染力，只係我比較難代入"保姆"呢個角色咁解。4.3/5 (85分)

超級英雄片，如果由女團主演，通常都唔好睇。例如：驚奇隊長2+小丑女（猛禽小隊）都好鬼悶。但哩套算可以接受，不過亦都只係一個女團初登場嘅介紹。兩個鐘頭節奏明快，故事情節交代流暢，沒有口水多過茶，不過姐手姐腳，都唔好希望有好刺激嘅動作場面。女主角狄高達莊遜喺《格雷的二十五度色戒》乜都俾人睇晒，外形演技都冇乜特別，今集結尾好似變成變種特工嘅女版Doctor X，老翻人哋更冇驚喜。反而嗰三個蜘蛛妹妹幾青春可愛，可以期望下集有令人喜出望外嘅演出。希望Marvel喺哩個新系列有突破啦，靠Iron Man同Captain America累積落嚟嘅老本唔可以食過世㗎。

以講故事為主，講述蜘蛛夫人及其小隊由來。全片故事直白簡單，流暢完整，動作場面不多，boss亦廢，但女主角都幾吸引。全片不算十分精彩，但一看亦無妨。冇彩蛋，不用等。

網上評分比Marvel最低票房的The Marvels更低，但我又覺得無咁差。雖然Sony行頭，但跟Marvel一樣鋪緊女權同少年Avengers條路，這套蜘蛛夫人首登場已經講緊「兩代」英雄故事。.整個劇本故事都算完整，只是劇情發展沒有驚喜，激戰動作場面亦欠奉。但人物角色塑造還好，全片走死神來了模式，奸角受「未來」惡夢困擾，想解決後患反而促成集結；女主角靠預知未來而避過死亡，因她只有這種能力，而蜘蛛力量仍擁有大量未知，超級英雄起源算是不俗。.而戲中有不少2000年代文化，特別是音樂，選曲Toxic及片尾曲Dreams幾有意思。.觀影平台: MCL Cinema+ Hollywood Plaza.IG : AndyMyFilmography/ #AndyMovieReview