完美配對謀殺案

故事發展中尾段，兇手漸已浮現，但未能想像出竟有如此變態心理，結果有點詑異。“知人口面不知心、色字頭上一把刀”，做左壞事，未能回報只是僥倖。電影在導演手法、演員表達尚算吸引，但幕後製作可能因資源不充足，攝影、美術、配樂、服裝這些方面投放更多資源，可觀性更高。

以懸疑片來講節奏ok, 而且一直以女主角身份敘事，更容易投入。而當大家認為事件已經完結嘅時候，再嚟n個反轉，好正！4.6/5 (91分)

推理度唔太高，笑騎騎九成九放毒蛇。堆砌得嚟算係有條理有解釋，唔難明。但終極兇手挑選目標同殺人動機不明，冇解釋。另外，最後其實係咪姊弟戀？🤔整體一看無妨。但日本片此終都係節奏較緩慢。

感覺上係1987年Fatal Attraction嘅境外延伸，故事由美國移植日本再開枝散葉，當然演員們冇Michael Douglas & Glenn Close影帝影后級嘅水準啦！都係老爸管唔住下半身，外遇咗變態女人攪到家無寧日，不過日本人靱力強啲禍延兩代，更加變態，阿媽斬人、禁錮，大佬幫阿媽報仇，細佬妒忌交友App完美配對建立美滿家庭嘅天生一對，然之後連環破壞，甚至乎痛恨將自己帶嚟哩個世界及同自己有關嘅所有人，隱瞞身份向親生父母同哥哥報復，仲打算同家姐亂倫，完場時你會擔心最無辜最不幸嘅輪花，但故事發展同人物關係太易估喇，冇乜懸疑更絕不引人入勝，我睇咗幾次錶，完場時燈都未開我已奪門而去，比所有觀眾更快衝入廁所🚽逃離現場，好悶呀！電影有兩大缺點，佐久間大介飾演Tom，樣子相當衰，導演做得最好係長期將佢包喺頭套入面或放喺陰影或燈光幽暗嘅地方，本來覺得輪花係戲入面最正常嘅一個，但最後居然主動拖手，於是乎明白精神病可能會傳染😱😱😱第二個缺點係編劇，黐線媽同復仇大佬都去過仇人屋企，阿媽仲記得對方電話☎️得閒仲會致電「問候」，仇人都冇搬過屋，日日等「離家出走」女戶主返嚟，點解要等25年至話終於搵到仇人喺邊呢？個細佬仲攪笑，一出世就喺孤兒院長大，點查得出生父母嘅資料呢？嗰種恨意、復仇決心同殘殺能力難道又係與生俱來㗎？唯一有警世作用嘅係大家唔好玩網上情緣，父輩唔好用電腦ICU，仔女唔好用手機📱玩交友App!仲有兇手變態，連環謀殺同是否「完美配對」冇直接關係，中英文片名都故弄玄虛呃觀眾入場，「謀殺」咗天生一對、佳偶天成、天造地設、matched⋯⋯嘅同義詞！

不俗的日本懸疑片，但略嫌太早巳很易估到兇手！

這套電影很開心找到Snowman的佐久間大介演出，劇情還好，不太難理解，整體不會悶場，但是太易估到劇情發展，沒什麼推理可言