爆裂點

呢套警匪片是我睇過咁多套以來，一條超越所有底線的電影，難怪是三級電影呢套警匪片無論在描述兄弟情，友情或親情，都非常細緻，另外警察及匪徒之間的鬥智鬥力的情節，睇到我非常緊張，所以呢套電影是非常精彩

電影主題由毒販和緝毒警務人員構成，涉及角色不少，有日本黑幫、泰國毒販、香港毒梟、泰國製毒師、南亞黑幫、緝毒警務人員、卧底、飛虎隊……，連場激爆動作，期間添加上手足情、親人情……，內容頗為豐富，而片中的“情”在林超賢手中成為殘暴場面的推動力，以暴易暴，片中殘忍場面頗多，有點暴狂，甚至是喪盡天良，可能林超賢想帶給觀眾“恐懼”。電影沒有冷場，殘暴場景不少，中間穿插些感情戲，個人覺得節奏太快，太着重殘暴，少了戲味。梁洛施若能自“蟲不知”后，連續投身在電影業上，個人相信她必大放異彩，另外陳偉霆幾型仔，演出奔放。喜歡港式警匪片，可以一看。

首先動作方面相當多而且全面，槍戰，手榴彈，近戰以至拳頭交都有，睇得夠晒過癮。劇情方面今次尺度幾大吓，綁架勒索係家常便飯，各種殘殺同埋XX都有，難怪係三級片。演員方面，張家輝擔正做主角熟口熟面，陳偉霆嘅角色亦發揮得唔錯，今次主要女角梁洛施飾演嘅唔係咩製毒師而是一個媽媽，演出相當出色。不過結局真係悲慘咗d, 比一般動作片更慘。。。4.5/5 (90分)

今次林超試圖將好多條線同內容放埋一齊, 再加上連場動作/槍戰, 打造一部長片大作, 各路人馬去到最後爆裂點嚟一次大爆發, 互相撕殺。可惜吃力不討好：1. 故事線太多, 結果冇一條突出, 以致劇情東拉西扯, 冇一條線深刻。2. 動作/槍戰剪接凌亂, 再加上搖鏡同zoom in/zoom out, 睇得好辛苦, 都唔知邊個打邊個。3. 梁洛施條線劇力弱, 可以刪除4. 角色經常作出on9決定或做出on9行為, 引致on9劇情5. 片中有唔少無謂角色只係工具人6. 周秀娜角色可以刪除整體而言, 本片不燒腦, 都算動作連場冇悶場, 娛樂兩小時係做到嘅, 但不要期望什麼出色大作。

英皇電影將不日成婚2及爆烈點連住兩個星期上，爆烈點可謂無乜宣傳下上映，其實兩套電影都幾好睇，呢套更可算是大製作，由張家輝及陳偉霆主演，卡士仲有譚俊彥，周秀娜，梁洛施等唔算弱。雖然香港人唔太知陳偉霆是誰，但他在內地的確好紅，近年想回歸香港市場，但又唔見佢做宣傳，真係唔知咩玩法。.講番套戲，兩個幾鐘去講呢個故事感覺有啲長，內容情節唔算好豐富，如果縮短啲篇幅，可能個觀感緊湊啲仲好！連場打鬥及爆破的動作場面多到有少少膩，但整體黎講都算係精彩。至於爆烈點除左講爆炸，我覺得電影大概想講每個人物角色的「爆烈點」，每個人都有不同底線，當觸及時這個點便會引發做出一些不理智行為。戲中人物角色塑造唔算好多，但每條人物線都有講到下。特別一讚陳偉霆做得幾好，同之前內地喊戲比絕對係眼前一亮。另一個久違於大銀幕上出現的梁洛施都做得唔錯，角色好多內心戲，比第二女角周秀娜複雜得多。.觀影平台: iSquare 英皇戲院.IG: AndyMyFilmography/ #AndyMovieReview

《爆裂點》真係好爆，由頭到尾爆到冇停，但似乎太多，須知Less is more. 好耐冇睇過陳偉𩃀演戱，今次在本片令我有眼前一亮感覺，成個人成熟晒，毋怪佢在国內有名氣有成績。另外又好耐冇見梁洛施，仍然咁艶麗好戱。至於張家輝演技就唔使講咁正，主要係因為佢而吸引我入場。林超賢嘅電影似乎都係大同小異，佢嘅動作片正斗係冇懸念，但今次個故事因為牽涉到太多人物，所以到後段有啲亂，加上好多肉搏動作重重複複，容易令人生悶，這只是小弟一點點小意見，林導聴咗就算。