窺探者

個人覺得故事懸疑性未有足夠解說，故事的構圖本是有趣的人仙共處，但在推理上未有足夠事據去解說，令人覺得有些兒戲。導演在營造氣氛上有不俗技巧，以為這故事能帶給觀眾新鮮感，不竟這類天外生物題材已很久未觀看，但可惜的是尾段表演不倫不類，實是敗筆，若尾段能有足夠解說前段疑團，至少不會令觀眾迷惑地離場。小本作品，已經不錯了。這手法令人想起一港片“查無此人”，前段廣報疑惑，後面則未能足夠解說，留給觀眾去發揮或腦昏。

大致上就係一個完整嘅奇幻故事，裡面嘅世界觀可以圓滿解釋詭異森林發生嘅事情，而歷險過程相當精彩，劇情多次反轉，氣氛緊張容易投入，而驚嚇程度則較低，很適合喜歡奇幻歷險嘅觀眾。4.6/5 （92分）

奇幻類電影，驚嚇度唔算高，但整體故事流暢完整，四平八穩，冇嘢特別要讚，亦冇嘢特別要彈，屬一看無妨類別。

Dakota Fanning不再是童星，出落成一個成熟女人嘅模樣。今次出演沙瑪蘭父女合作嘅新戲，走上靈異嘅戲路，不過對曾客串《吸血新世紀》系列嘅佢當然駕輕就熟。不過沙瑪蘭嘅風格比較喜歡以詭異氣氛貫穿電影，所以jump scare唔多，哩齣驚嚇程度唔高，恐怖場面近乎冇，想驚餐飽嗌餐飽嘅觀眾會比較失望。熟悉沙瑪蘭拍片風格嘅觀眾，應該估到佢鍾意喺結尾嚟個大反轉，出人意表，語不驚人死不休⋯⋯但哩齣唔算成功，不過其實除咗成名作Six Sense之外，都未再成功過！電影有啲《格林童話故事》嘅味道，即是「反童話」或將傳統童話恐怖化，今次沙氏父女揀咗仙子fairy，電影唔算有乜新意，不外乎兩族日久相處，不免衝突，然後決裂，少數日久生情，生下嘅混種會被兩邊排斥，於是生出怨念，對兩族都成為威脅。不過沙瑪蘭身為印度裔美國人仍宣揚混血兒會更靚更優秀更叻嘅傳統印象，好似哩齣就將「人仙混種」說成兼有兩家之長，像人可以「日行」像仙可以飛，甚至更進化到有隨意變形嘅新異能，我唔知沙瑪蘭細個時有冇俾白人歧視，因而生出哩種幻想，希望不同人種融為一體，不分彼此，攜手合作，一齊進步，人人平等，世界和平⋯⋯但哩種諗法既老土，又唔符合現實，事實上混血兒有好多都樣貌體質智力都平平，宣揚混種可以優生，其實都係一種童話神話，如果唔係鬼話嘅話！

最後的反轉知道窺探者是何方神聖幾得意，雖然算是合理但就是有點自述直敍。至少不算爛尾，反而幾温馨知道其中一隻怪的特別之處。收尾立刻想起《魅笑》那種對方原來不是人的嚇破高潮。如果開頭再精簡快進就更好。還以為一個低成本房景做所有情節，還好不斷有新地方保持新鮮感。而鏡子無反射出攝影機這個技巧可能早廿年前就新奇，不過現在回看就不太驚訝。而一開頭的黃雀其實都幾明顯是救命工具，一看就聯想起煤冠雀，最後果然是預想的用途。無明顯的流血事件，卻不斷聞到死亡之氣息。恐怖但不靠jump-scare的高明手法。好強調見到這些窺探者就等於死路，又想知出面的怪物的矛盾。初到貴森遇見有人不知道對方可否信任，一面想法子去逃生，一面又要提防室友。雖然推進略慢，但每晚都有事發生。住這個堅不可摧的雞籠，資深的人摸索並訂立保命規定。當然跟預計一樣規則就是用來打破，女主角反而因為突破而找到逃生的方法，之但是這個博士留落的影片提示實在太突然。為何要像白老鼠般觀察女主角們，原來是為了模仿並取代。這個學人怪如果改動成AI，AI也是想學人類並取代我們之類，或許也能由奇幻變成科幻片？如果再加多點原因解釋為何女主角可以逃得出就可，感覺她跟其他人差不多

起始懸疑佈局，對營造驚嚇和暴力氣氛有唔錯效果。劇情推進一片一片咁剝落，原來是個遠古人仙共存的神話故事，完滿拆解一切懸疑。當面臨生死，有人選擇妥協馴服，任由命運擺佈，有人冒死反抗，自己命自己救，誓要拼出一條生路。不能說誰聰明點，識時務偷生，留番條命，都係一種個人選擇。人終需要一死；搏到就一條生路，搏唔到即時死亡，搏唔搏？自己諗！逃出恐怖殺人樹林不是電影的終局，卻是另一高潮開端。整體比想像中好睇，故事帶神話，juicy，緊張恐怖氣氛拿捏恰到好處，滿意。