墮落花

破格的犯罪片，用一個女人的仇恨來包裹著整個故事，錯縱複雜的人物關係，倫理道德徹底崩壞，完全超出你的三觀所想，最值得一讚是鏡頭的處理運用，畫面十分有美感而又不覺做作，從導演的第一套電影《G殺》開始，已覺得導演是一個視覺感官為先的人，如果你用傳統的視點去看這電影，你絕對看不出她的美。

整套電影不知所謂，要劇情冇劇情！要演技冇演技！要緊張冇緊張！要開心冇開心！要懸疑冇懸疑！要垃圾就大把！

被香港影視及娛樂事務管理處評定為三級片的《墮落花/The Fallen》，內裡有製毒、吸毒、暴力、血腥、變態與性愛的場面，而溫碧霞、關智斌和新人陳漢娜都有不少大膽的情慾戲。戲中的溫碧霞和陳漢娜既是姐妹，亦是敵人，亞洲冰毒製造業一代傳奇人物「先生」（黃錦燊 飾） 的長女，離家失蹤…多年後，回歸集團的故事，各懷鬼胎的各路人馬，集團元老火叔（艾迪 飾），「先生」名義上的繼承人（關智斌 飾），還有在暗中作調查的毒品科探員，對家族生意運作虎視眈眈，電影充斥著懸疑氣氛，講的是一個毒品家族的故事，電影畫面不時時空交錯，顯得零碎、雜亂無章，臥底與毒販槍戰，亦令人覺得交待不周，有些地方令人摸不著頭腦，黃錦燊飾演的「先生」念起對白上來，總是怪裏怪氣的，而關智斌破格傾力演岀一個不易演，很難拿捏得準的變態角色，亦讓人覺得有點兒格格不入之感。電影在服飾上很有美感，而剪接上則零亂在混淆視聽，大特寫鏡頭過多，為了突出效果稍嫌造作，不過勝在風格夠獨特，睇得到幕後製作的用心，能做岀別樹一格的迷幻感，令電影得以提高層次，另一方面性愛場面稍嫌偏多，但都只屬蜻蜓點水式…沒有看頭，識得欣賞就係好，唔識欣賞就係垃圾，在港人眼裡的溫碧霞感覺早已被定了型，覺得她演戲時老是在作狀，但在外國人眼中，或許是旁觀者清，睇得會較為客觀…反而又可以畀佢係愛爾蘭封后，撈咗個最佳女主角獎返嚟，真係乜嘢千奇百怪嘅事都有可能，而電影中有久違了的金馬影帝艾迪的鼎力演出帶足全場，令到電影增色不少，電影選角上較為新穎，有新鮮感，純為溫碧霞度身訂做，有些重口味，口碑兩極，個人感覺上劇情就太雜亂，有啲情節睇得唔係好明，或許…真係情節上有啲草率，沒有清楚交待就帶過咗，而唔係我嘅問題。https://m.facebook.com/tigermoviesfever/https://m.facebook.com/groups/157839185643505/https://opentalk.hk01.com/@tigermoviesfever/all

幾好睇 入面主角們非常型格！

★1/6晚看了港產片《墮落花》（The Fallen) ，是一套犯罪劇情片。新晉導演李卓斌執導，風格和一般同類電影很不同，別樹一格！個人覺得套片整体不差，O.K.!👍🏼👍🏼👍🏼👍🏼★內容講亞洲冰毒製造業傳奇人物（黃錦燊飾）的長女（溫碧霞飾）離家失踪20年，卻在家族最動盪時期回到充滿權鬥&最惡的城市，集團元老（艾迪飾）名義上繼承（關智斌飾）及素未謀面的（陳漢娜飾）及暗中調查的毒品調查科及探員（陳煒&沈卓盈飾）各方人各懷鬼胎，不同陣營人馬衝突加劇…………………….★導了演很有個人風格，🎥🎞️電影感強，帶懸疑氣氛！！整套🎞️講一個毒品家庭，劇情本身是不錯的，但可惜中段情節越看越覺得有些雜亂及零碎，沒有好好說清楚，有些地方令觀衆不容易看得明白🙄🙄🤔🤔！！幸好結尾有交待番不少謎團（來朧去脈）。中段有些槍戰場面，而畫面好有藝術感&美感，🎥攝影技巧&映像出色！！💪🏼💪🏼💪🏼💪🏼👍🏼👍🏼👍🏼👍🏼★久違的温碧霞50多歲仍然keep得好好，今次演毒后性格陰沉，說話不多，情緒起伏恰到好處！聞說她憑此片奪 *「愛爾蘭影后」 **；陳漢娜演她的妹妹也不俗，有一些情慾戲；關智斌破格演出狂野，有三級性愛場面；艾迪演得老練；黃錦燊演心狠手辣，冷酷無情的大毒梟入型入格！💪🏼💪🏼💪🏼💪🏼💪🏼★套片可以一睇，值8️⃣3️⃣分！💪🏼💪🏼💪🏼💪🏼👍🏼👍🏼👍🏼👍🏼

李卓斌上一套<<G殺>>都算突出個人風格，影像凌厲見稱，對新作都有D期望，點知睇完打左個8折，非常失望，完全冇劇情冇結局，情節更不明所以。係，畫面係拍得有型，古怪，可惜敗在故事突顯唔到角色的關係及重要性。主角焦點一定係落係毒后溫碧霞身上，可惜佢繼續零演技，只賣弄身材及長腿，每一個情節都用同一個tune去演，完全代入唔到毒后有幾可憐及兩難局面，論角色絕對係好好發揮機會，大大浪費度身訂做的角色，此角色可以係一劇之本，角色透明度唔高，引致周邊D角色都唔知想點；艾迪演的火叔深謀遠慮，演出還可以，最大敗筆係Kenny，冇氣勢又女人型，冇玩世不恭豁出去既感覺，多場情慾戲更感覺怪怪咁，唔係唔可以突破，但都要係能力範圍內先得；仲有陳漢娜的角色其實係扭橋位，只係導演扭完不見得有咩驚喜及扭轉局面。只賣弄影像及唯美畫面係不足夠，畫面與故事有連繫及推進先幫到件事，搞唔好只令人覺得用影像堆砌湊時間就係，希望下一部會見到有水準的作品。