談判專家

需要避開所有劇透有被華哥客串嚇到！兩位大男主，誰也搶不了誰的風頭！吳鎮宇令我離場時豁然開朗！

電影由多位港產資深出色演員演出，演技無可厚非，更添些親切感，但不足處是沒有如九龍城寨帶動些年青演員，鄭則士和盧惠光的外型體態已不大適合片中角色，個人頗喜歡吳鎮宇在片中表達方式，令緊張的談判圖上輕鬆。至於故事“寫實”，如另一在群組說，故事不發生在97前，那有如此豐富的情節：執法者知法犯法，讓公眾去知情執法機構的黑。當然，電影故事是基礎在電影“冇數講”，情節扎實。港產警匪片特色的火爆場面，只是普通。值得支持。

主角是談判專家，知道警隊的部署，同時他也是個好人，在不被抓捕或被擊倒的同時不能傷害無辜，讓這次行動更添難度，讓這次對決非常精彩。4.7/5 （93分）

點解香港今日拍警匪片，唔可以用2020年代做背景，要返去上世紀九十年代呢？故事發生喺1993-1996年間，即係回歸之前，所以啲阿Sir開口埋口「香港皇家警察」，電影特別提到那時黃家駒剛逝世，唔知係唔係暗示香港「海闊天空」嘅日子，同埋皇家警察一樣，只供懷念，但已讀不回呢？邱禮濤好聰明地聲稱改編自1998年荷里活電影The Negotiator，於是打正招牌返去90年代，拍一齣包裝成警匪片嘅偽歷史電影，點解唔可以用今日香港做背景呢？雖然「辱警罪」仲未立法，但特首、保安局局長、新聞總監都出身於差房，更何況警隊有國安部門，你拍一齣警察貪污受賄、詐騙公帑、殺人滅口、同流合污嘅電影幾咁容易惹禍上身呢？所以文化工作者特別懷念黃家駒生前有創作自由、海闊天空嘅時候！自然不能不向Beyond主音致敬，順便勾起集體回憶，懷緬一番！電影好好睇，我講係唔夠公道嘅，但喺散場時我旁邊不時討論劇情嘅長者，不約而同話「套戲好好睇」，口碑贏晒！話就話改編自The Negotiator，但實際加入咗唔少香港本土元素和借古諷今嘅枝節，雖然我對The Negotiator嘅內容已經唔係記得好清楚，但印象中電影只有中後段抄得比較足，前面加多咗兩段兩位談判專家失敗嘅個案可以說是神來之筆，尤其監製和女導演都粉墨登場，客串出色！提醒大家談判專家唔單止要拯救人質，仲要盡量救埋嫌犯，因為佢哋嘅目標係和平解決脅持事件，最好唔死人！電影卡士強勁，有四位影帝雙劉一鄭一吳，加埋四哥、顏卓靈、黑仔、韋羅莎、楊偉倫、黃德斌、周文健⋯⋯全部係好戲之人，真係冇得輸！不過劇情同選角仍有啲啲問題，警隊退休年齡係55歲，搵個73歲嘅鄭則士做警務處副處長講得通嗎？鄭則士演技絕冇問題，但要扮後生20年就完全冇說服力，電影中老態龍鍾，樣子和動作都輸晒！另外謝家俊被解除談判專家職務後，居然可以自出自入脅持人質地點，如入無人之境，尤其喺特警發動突襲但仲未捉到卓文偉嘅時候，佢居然可以喺阻差辦公之後大模大樣開座駕離開現場，順便接埋嫌犯走！不過瑕不掩瑜，哩套係我睇過邱禮濤導演最好嘅作品。另外，睇住一眾我年青時代風華正茂嘅男神都走唔郁、做表情時一close up就面孔龜裂、一企起身就車呔爆褲頭鈕（周文健）、其他又乾又柴⋯⋯倍覺要好好珍惜哩班good old days殘留下來嘅倖存者啊，電影好念舊，戲裡戲外都風格一致地追昔懷古呀！

改編自1998年美國電影“冇數講”。由於年代已久，對此舊作已冇乜印象，睇談判專家前亦冇翻睇此舊作，所以在此不作比較。導演及幕前演員均為香港班底，所以電影有強烈90年代港產片風格同味道，節奏明快，劇情緊湊。不過片中亦有一啲不合理、夾硬嚟嘅位，但唔算好嚴重令人出戲。本片另外吸引之處係演員陣容，除基本劉青雲、吳震宇同苗僑偉之外，重有久違了嘅周文健、顏卓靈、盧惠光，再加上現時常見嘅黃德斌、楊偉倫、韋羅莎同朱柏豪，組合幾新鮮，全部都係能演之人。噢！差啲唔記得咗重有開場果位特別演出嘅大卡。整體電影節奏明快，開場冇耐已進入緊張狀態至結尾冇悶場，當中亦有不少幽默笑位作調劑，絕對值得入場娛樂一下。全片最正我最印象深刻係談判專家朱柏豪同已好少亮相嘅周文健。😄