汪汪隊立大功：恐龍大電影

消防男主汪〈毛毛〉雖然成日都好大意撞板連連，但是有一個優點萊德看在眼裏就是永不放棄的魄力。一個大功勝過N個缺點，做人做狗都一樣。壞人都是那位人兄跟喵仔咁多位。犬版摶盡無悔直情就是，第一首插曲後小朋友應該都會投入飛起，大朋友就大概最後都會感動。識講人話的動畫比起近期的明顯有趣得多，落本且真心設計給兒童享受之用。精緻跳彈的汪汪捉得住人心，再加上咩花款都集齊任B選擇！大頭蝦也可以企喺C位做英雄，有個態度比起能力更重要，嗷嗷～毛毛成長線雖然鑽石般標準但依然津津有味。泥石流救人一段一定不可錯過。雖然明顯主攻小朋友，但是汪汪隊員們的互動亦算是幽默，不用講出來都知有些角色（eg，老虎狗）明顯一言一行都是笑位啦。配合各種類似變形金剛的逆天載具，甚麼地形與困難都可切換，更遑論一開頭成架航空母艦駛來只為一架艇滅火。每個求救都要用到屠龍刀，果然消防形象正面到頂點。細想一下，支持毛毛的維修成本其實都幾高。一齊高呼，遇到島上小居民〈樂樂〉，身手靈活轉多幾個彎都無難度。科技知識一看就知道有潛力加入立大功，果不其然去到最後派上用場～新恐龍朋友們都幾有善，審美中上單獨出玩具也吸引。暴龍仔〈火龍果〉的吼叫果然是個有用鋪墊。恐龍加牠們的組合意外，更何況一路體現勇敢的口號。主題曲連片尾動畫都好豐富可以留多一陣。唯獨火山位爆破式收尾可能有點嚇人，家長或要留意。水化岩漿亦都稍為不合理。另外最奇怪要納入管理如斯隱世小島，專汪來保護這個世外桃源。其實橋段跟前兩集大致相同，祇是換個主汪來救援，衰人都是那位，其他汪汪都得客串。雖然樂樂後肢加轆，但是好自然裝備齊全。不用明言賣慘沒有額外補償。好巧妙地去包容，讚得越多就做得更好更啱。

不過不失，小朋友幾鐘意睇。

適合小朋友觀看對於成年人，抱着陪小朋友的心態去觀看比較合適

小朋友幾中意睇.不過不失.唔算太悶

如題，可能角色設定係救援隊嘅關係，狗仔全體角色一身正氣，好有教育電視feel。4.4/5 （87分）

3.2⭐普普通通小兒科, 冇乜好讚亦冇乜好彈，亦冇驚喜....中性。親子可以考慮。