黑白魔后

好鍾意做Cruella呢個Emma Stone,壞得嚟有感情,癲得嚟又有計謀,呢套簡直係佢代表作。無論場景、服裝、攝影同配樂都好出色。鏡頭下嘅倫敦、古堡、時裝亦好靚。今次編劇有新意,故事唔係正邪對立咁老土,係你壞時我要比你更壞。正所謂: 邪人揼邪骨,先至走得甩!期待續集。

電影在故事內容、情節編排、角色造型、配樂、場景設計及演員表現都有不俗水平。電影背後主線雖是生母謀害罪行，而電影沒有貫通仇恨及憤怒氣氛和令人不安，皆因有愛及家人扶持，正面及理性行為，愛是治癒人們情緒及情感的萬靈丹。而電影充滿喜劇感，節奏明快及輕鬆，相當吸引。值得去看的電影，come together。

成套戲平淡冇起伏，亦冇乜笑位，娛樂性低，浪費咗Emma Stone. hup著咗幾次｡ 三粒星係比兩女主角。

配樂黑色氣場絕佳讓人呈現中故事中好似電視

電影角色雖然沒有魔法，但故事感覺幾魔幻，片長兩個幾鐘無悶場。劇情發展唔算驚喜但不失追看性，全片節奏明快，劇本紮實，娛樂性豐富。.電影最吸引我的是角色設定有少少黑化又不失人性，以及幾隻好有靈性的狗仔，為電影添加不少玩味性。Estella變身Cruella服裝華麗，多次踩場艷壓全場（我超愛條垃圾長裙！）即使中段她有少少被仇恨沖昏頭腦，但角色依然討人喜愛。Estella/Cruella角色甚有發揮空間，Emma Stone演活了角色。其他角色相對變化較少，但演員都是實力派，Emma Thompson演男爵夫人氣場攝人，Joel Fry與Paul Walter Hauser演騙徒小偷也是有情有義，John McCrea演Artie也有驚喜。.我本身對101斑點狗的故事沒甚印象，但離場後找回這故事劇情，原來Cruella結尾根本是101斑點狗的故事開端，所以Roger與Anita會是續集主角嗎？.響旺角百老滙10/F 4院睇戲，中段聽到應該係5院傳來既「唔該熄左你個電話啦....」OMG.觀影平台: 旺角百老滙.IG andymyf / #AndyMovieReview

又一部精釆廸士尼製作，超好睇。配樂好聽兼好夾場景，節奏輕快、對白幽默，情節緊張、場景富麗、故事鋪排更出人意表，係近排廸士尼出品最賞心悅目之一。戲內兩主線人物Estella 同男爵夫人分別由愛瑪史東及愛瑪湯遜飾演，兩位愛瑪，一老一嫩，都係金像影后級人馬，戲內大鬥演技，目不暇給，片長約兩小時十分，完場時只覺得仲未夠喉，Estella 蛻變成Cruella，一定還有後話，好期待。