自由之聲

販賣兒童唔係第一日嘅事，但係真係非常黑暗，呢D情況通常會發生係窮國家，而被販賣嘅兒童佢哋家人真係唔多有知識呢D不幸嘅事 唔知幾時先會完

個人覺得套戲是不俗，導演整體處理不俗，首先我欣賞整套戲無論幕前幕後的心態同動機，他們想藉這套片讓人了解到當下世界，販賣兒童、被人作為性奴隸同其背後整個戀童癖網絡的情況，從而令人去關注這樣。個人覺得他們這點是成功。我會形容這套是突顯出電影除了帶人娛樂之外，也同時還是傳遞正面訊息工具的功效。而導演在處理同執行上也很貫徹這點，他今次放棄用強烈快速場面同節奏來取悅觀眾，反而採用一個著重平實同細緻描寫的方式來拍，個人覺得這樣反而令套戲更為有力量同可令觀眾更為有所感受。技巧方面，我覺得套戲是不俗，無論故事處理角色描寫、鏡頭處理等也是不俗，導演在好多位的處理也是有力、富情感同自然。而這樣是一般商業電影所沒有的。痴·影·夢·藝 X 的專頁 https://www.facebook.com/ckwunmovie/

若以同理心觀看這真人真事的拯救被拐兒童，感覺不一般，也稱讚電影工作人員的崇高社會責任。以電影來看，沒有太多懸疑、火爆場面，而是當你是受害人親朋好友，以同理心代入電影場景中，心情如何？美國社會存在不少瘡疤，但敢於展示給公眾去指控，這方面令老百姓感覺他是個有承擔的政府，這個可能是差距。

真事改編，男主角喺經歷各方阻撓仍然堅持救援行動，過程亦無咩大場面，連呢套戲要上畫亦都困難重重，平淡而真實地記錄緊呢個世界而家仲發生緊嘅荒謬事情。片尾呼籲大家廣傳開去，美國票房大賣似乎而經成功引起關注，係唯一值得欣慰嘅。4.2/5 (83分)

以戲論戲, 本片不屬於大制作, 亦有不足之處, 但整體水準仍屬不俗水平, 故事完整, 如果電影本身感染力(煽情)再強啲會更好。不過本片喺deliver message 方面做得唔錯, 尤其片尾“彩蛋”正正講出我喺欣賞此電影時嘅想法同感覺。本片值得入場欣賞。

電影好有誠意 呼籲所有觀眾一齊為阻止人口販賣努力最後嘅彩蛋係頌揚電影幕後工作者嘅努力同勇氣喺諸多阻撓下 拍好之後經過五年爭取 才終於上畫並懇請觀眾憑片末QR code預購三張戲票送給其他人入場睇戲然後大家都做「說故事的人」發揮輿論嘅壓力 一齊拯救被拐賣嘅人口同兒童原來當今世上 淨係淪為孌童癖性奴隸嘅兒童都多達幾百萬其他被人口販子操縱嘅現代奴隸 包括黑工同妓女更多達千萬以上甚至看似繁榮進步嘅今日 其實腐爛到不堪 係人類有史以來最多奴隸嘅時代 甚至比9-19世紀可以合法買賣非洲黑奴嘅時代都仲要多電影改編自真人真事 講美國特工Tim Ballard有感只拉到孌童癖及人口販子 但救唔到被拐賣兒童 憤而辭職去哥倫比亞救小姊弟嘅故事聯同當地警察 悔改毒販 鍾意扮警察臥底嘅富豪 設陷阱拉人口販子甚至深入叛軍山區地盤救人 但由於電影重點唔係Rambo式英雄片 冇太多驚險刺激嘅場面打鬥唔多 茄汁唔多 緊張唔多 甚至主角單刀赴會 深入虎穴 獨闖龍潭 救到人都只係好彩過中六合彩雖然佢嘅運氣好到難以置信但目標為本 又真人真事 唯有信佢真係救到人 雖係殘軀 總算一家團聚 淚中有笑嘅結局片末甚至有Tim Ballard一家九口嘅生活照 原來經過多年營救兒童性奴之後 佢終於回到美國出席聽證會 讓美國通過立法和國際合作 擴大打擊販賣人口嘅力度廣度深度和態度照片中看見真正嘅「心善人美」兩公婆加七個仔女全部都郎才女貌 莫非真係相由心生？？？最後一向鍾意Jim Caviezel同Mira Sorvino 可惜後者出鏡好少 但仍然徐娘半老風韻猶存 前者一向眼神同聲音都好誠懇 所以最尾佢喺彩蛋入面嘅聲明同呼籲 格外動人同有說服力 所以我用$216認購咗三張飛請人入場睇哩齣戲 睇吓仲有冇後生仔話我「窮酸」