潛行

「金手指」都算啦，呢套「潛行」真係潛到落谷底，搞到我而家心情同恆生指數一樣。一流演員，九流劇本：劇情乜都有(毒品、網絡、臥底、爆炸、槍戰、復仇)，但真係唔好睇，你估乜都溝埋就係瀨尿牛丸咩。每個角色描述都流於表面，完全都冇提及過佢哋嘅過去同經歷。唔明點解個個都係好戲之人，但係呢套來來去去都係得幾個表情，唔係奸笑，假笑，就係皮笑肉不笑，最多就係手指指鬧人。香港拍咗呢啲片咁多年，呢套都算係最流。兩個鐘一啲高潮都冇，最有共嗚嗰句對白就係「我想返屋企」。唔講咁多，費事嘥氣，三粒星係多謝老闆，等大家都有工開。

劇情緊湊 用心製作但配音可以再好啲有d朋友到最後都係值得原諒，因為大家都係真心對待過

有別於傳統港風警匪片，這次以智慧型的毒販警察追捕，更注重人物過程心歷路程，高學識毒犯不是天生走上毒販之路，而警察也不是每個因社會使命感而穿上警服，但當進入這角色后，便走上不歸路。電影情節很適合劉華的演釋技巧，深沉、忍耐、悲痛、報復，電影沒有大動作的兄弟情與義，取代之是家庭骨肉親情，及成魔之路，華哥表現甚正。犯罪行為隨着科技發展而進入網絡化，電影橋度也找到這觸覺，另可喜的是港產警匪動作爆炸表現不俗。電影一亮點是攝影效果協同故事情節，這可能是攝影師和導演同一人，而另一是多留意電影年輕演員，表現給觀眾留下印象。值得一看的電影。

故事/劇情並無新意，全部都在預計之內, 無什驚喜，唯故事完整，拍攝及製作都在合格之上, 故此亦一看無妨。全片最精彩係演員。劉華今次做大奸狗算有啲新意同突破， 冇金手指咁劉華。林家棟在本片造形不俗，有啲李安納度迪卡比奧feel, 而兩人之關係/對立/鬥戲係全片最精彩之處。林家棟年紀越大可塑性越強。👍任達華角色喺戲入面可有可無，連工具人都不如。😅

首先呢套陣容有劉德華基本已經係必睇，劇情講網上販毒，有類似<<斷網>>果種用CG模擬網絡行為嘅片段，相當吸引。動作方面中規中矩可以收貨，劇情方面，描寫兩位男角多年友情但正邪不兩立果種矛盾，而最後大家嘅做法亦係情理兼備，算係一個睇得相當舒服嘅結局 (相對於<<紮職2>><<爆裂點>>等悲慘結局而言)4.6/5 (91分)

#劉德華 在戲中是個有文化的體面律師，強烈對比成冷血落柯打的滅口老闆。前半段都會感到他那種深不可測的惡。無點講為何變成販毒，唯只有幾句對白就帶過。有人話好感動，但個人就覺得男主角趕去醫院見嬰兒一面亦有種詭異感。節奏其實可以，傾完計之後又再打過，不過經常地好突兀去閃回補充相關經過。死翻車入屋一段其實幾唯美，去到終局也要轉彎衝去唯一的家人身邊。睇劉華自身解釋其實該段是夢境，衝破圍欄一刻已喪命。儘管如此，主題曲好配合，也更突顯老闆夢中人。作為臥底的 #林家棟 其實背景不太清楚。去到最後一刻，與老闆相處了有段時間或有感情而變得抽離不能，猶如那個為老闆自爆的殺手。而任達華就有種像現實中有一些好廢卻但又法子做到大粒大職位的人。林雪就更加無端就行樓梯去送自己死⋯⋯最可惜礙於合拍片關係邪不能勝正，戲中華仔報仇失敗，正方個個都齊整。出場得兩個字左右，戲中談善言不知林家棟是臥底定壞人，不過無論如何都攬住先算。臺灣的彭于晏的配音實在好怪，不如好似《莫斯科行動》用原音沿用國語正常更多。而反派劉俊謙純粹就個靚仔駭客，跟鄭則士作為大排擋老闆，純粹只是背景角色略可惜。其實最尷尬還要數所謂的「暗網」，還停留在防火牆與DDOS的地步。登入暗網用自己面部特徵更加不明所以。一些特別概念，好似蜜罐（用來引駭客的模擬漏洞）等只是一個動畫帶過。作為科技題材愛好者，對預告提及有網絡犯罪又期待又害怕，還望未來有更好的作品。