闇黑新娘！

#闇黑新婚 #TheBride電影名稱：《闇黑新婚》(The Bride!)導演/編劇：馬姬·佳蘭賀 (Maggie Gyllenhaal) —— 曾執導橫掃影評界、獲奧斯卡提名的《失去的女兒》(The Lost Daughter)，本身亦係實力派演員。The Dark Knight她演Rachel，不過這次編導認真麻麻地⋯ 主演：克里斯汀·貝爾 (Christian Bale) 飾演 Frankenstein、潔西·伯克利 (Jessie Buckley) 飾演 The Bride、彼得·沙士格 (Peter Sarsgaard) 飾演 Detective。感覺時興翻炒經典作如《咆哮山莊》，但感覺普通。根據trailer故事簡介：講述寂寞的「科學怪人」Frankenstein 搵咗個瘋狂博士幫手，利用一名死去的年輕女性屍體創造出一個新娘，她女權上腦覺醒雙雙引發混亂。先讚後彈，讚與彈位：演員演技係唯一救命草：Christian Bale 能屈能伸：被虐囚犯骨瘦如柴，到batman大大隻，雷神4失心瘋父親，到今回孤獨的心科學怪人總是稱職。佢演嗰種孤獨、醜陋但又有情感和性需要嘅 Frankenstein 。Jessie Buckley 演嗰種由死復生、狂野不羈嘅「新娘」亦都好放。但劇本平庸下浪費了他們的演出，亦令演員表現圖有外貌而沒有內涵。兩人火花我也是很牽強，很沉悶。美術與化妝視覺一流：令我沒有睡着就是電影嘅 1930 年代芝加哥、紐約復刻好有風味，Punk 搖滾結合復古風。一排排舊車實在有感覺。特別係新娘頭上嗰抹金髮同埋化妝，比起當年舊版更加有現代感。但問題是混合上disco裏面的基味，非常突兀的女權（處處說到女性被小看，被欺壓⋯ 但這個題目換得太多了吧，真的看得滿不是味兒毫無感覺。可能是拍給LGBT X Y Z看的。Maggie Gyllenhaal 的野心：可以睇得出導演想探討女性自主、生存權利同埋社會階級。由片搓旁白，電影是混合：恐怖、愛情、奇幻片。但是眼高手低吧。🥊 彈位 (5/10分) （引例子微劇透慎入）初時我最怕這個「新娘」，其實只是Harry Queen小丑女，最後看過後其實真的分別不大。但前者起碼有點笑了，現在這個平平無奇。甚至和Joker2一樣悶⋯ 甚至引起全城畫花面女權起義風，這和Joker1太相似了吧？除了沒有新意，劇本「肋住肋住」：雖然演員十成力，但個劇本寫得好奇怪。兩小時節奏可以，但故事重複。辛苦的什麼，就是Frankenstein女作家本人Shelley，好多時「口水多過茶」，亦只留於得把口。講就勁，現實就是事俾人恰俾人打。回到如中世紀的獵魔情節。那這樣舊酒新朋友沒什麼新意。對白乏味，大不出劇力令我覺得悶，反而Netflix到Frankenstein Guillermo del Toro 先夠功力帶出當中的唯美、詭異、角色之間的張力和矛盾氛圍感。現在只是流於嘴砲。致命死因，我個人認為是嚴重內部核心矛盾。主題是科學怪人找新娘；但邊度有相討好女權，換句話說應該殺了科學怪人才切合主題。但女主角卻「屈就」自己叫自己新娘，這不是自打嘴巴是什麼？最後變得好不了新觀眾，又可能好好不了那班女權粉絲。血腥感同衝突感嚴重不足：我係預咗睇「怪獸」片架嘛，但呢個科學怪人同新娘除咗長相古怪之外，完全冇特別技能，顯得好平庸。尤其新娘唔止一次被侵犯，竟然完全冇還手之力，仲成日「肉隨砧板上」。大佬，你係科學怪人新娘，唔係普通弱女子呀？咁樣處理個角色真係令我好出戲。公路電影殼，但冇靈魂：故事中段變咗亡命鴛鴦逃跑，搞到好似普通公路電影，被追捕過程完全唔刺激。這點極度扣分。「剎車」情節極度反智：最令我火滾係個「落埋牙龍門一腳踢卻停手」嘅情節。明明的士高可以大開殺戒，派對又可以殺，但點解重要關頭又停手呢？邏輯完全講唔通。最後只係一對長相怪胎嘅男女喺度逃亡，無視覺突破，亦無故事昇華。另外，復活的方法也是來來去去幾味，沒什麼說服力，甚至有點過於簡單和兒戲。我不是說要又爬上屋頂尖忍耐啲，但現在電影復活得太容易，太方便了吧？生與死鴻溝之有？是無限復活大平賣？可能都是要迎合荷里活口味，太女權的時候反而限制了劇本的發展。而故事有變得畏首畏尾，可以說比Netflix更Netflix。西班牙靚女Penélope Cruz 52了，但保養得不錯。但故事上只是一個花瓶。，有點浪費。小結：原本以為 Maggie Gyllenhaal 會帶俾我新鮮感加人性深度，點知出到嚟似係「得個樣」嘅實驗品。如果你係 Christian Bale 嘅死忠粉，可以入場睇佢化妝同演技（唔夠大隻；但如果你係想睇恐怖、科幻或者強而有力嘅女性復仇故事，你可能會好似我咁，睇到一半想問：「呢個到底係咩科學怪人新娘呢？」Wild Wildy 評分：5/10 (為咗演員同埋我未至於悶到瞓著勉強合格)

Maggie Gyllenhaul由演員進身導演，拍過兩三部，唔多產嘅，今次寫埋劇本，有才幹喎，故事都係完整嘅，由於描寫科學怪人嘅女作家附身喺女主角身上，所以對白係勁多而密嘅詞彙，唔容易討好，但係合乎角色設定。Jessie Buckley憑 Hamnet攞咗幾個影後獎，真係實至名歸，佢演得放而扮乜似乜，拍住 Christian Bale一啲唔輸蝕。全片拍出到暗黑、歌德(gothic)、美學嘅畫面，故仔都流𣈱，好有Tim Burton 影子，如果喜歡呢種片種，應該會收貨。

電影冗長，但欠起伏，對白量大，但東拉西扯，冇乜劇力，亦抓不著重點。"作者“間唔時出現影響電影流暢度。角色描寫亦唔夠細膩，雖有影帝、影后級演員助陣，亦難掩角色描寫不足/表面，打動唔到觀眾。整體電影有好多場口，好多對白，但睇完係唔知睇咗啲乜。要讚嘅係演員、攝影、同化妝同埋有大片格局。PS.•最好有精神果日先好入場

故事節奏偏慢，但我又好支持佢地，好希望佢地good end. （唔劇透）4.4/5 （88分）

卡士強勁，彭妮露古絲、積基蘭賀、安妮貝寜都係做串星咋，不過故事就好弱，唔恐怖唔血腥，近乎冇CG冇動作，化妝只係怪但變化唔多，最多係口水，劇情片？但又冇乜深度，唔覺有乜發人深省嘅地方！女科學怪人死而復生，但冇咗靈魂同前世記憶，等於重新做人？所以結尾阿博士同女幹探合作，令喪屍版羅密歐茱麗葉再復活，又從頭黎過，從新做人，happy ending 🤣🤣🤣瑪莉雪萊（科學怪人原作者）一開始就陰魂不散，預告新娘科學怪人嘅故事更恐怖，間中又穿插吓，又同女主角一體兩魂做交流，但對話無聊，危言聳聽但嚇唔到人，簡直係不知所云、故弄玄虛。兩個雌雄怪人冇乜特異功能，只係不停載歌載舞睇電影🍿無喇喇又好似《小丑🤡雙瘋》咁激起婦權運動同革命，好牽強又冇説服力，整體而言，唔刺激冇娛樂性，冇新意冇深度，錢多使唔晒，又有時間，就不妨一看，屬於睇又得唔睇冇損失嗰類。

Jessie Buckley 一演三角，原著作者鬼魂、碌樓梯的受害者跟重生後失憶的新娘。一邊跟科學怪人談情説愛，一邊找出生前的在黑幫的內線身份。而男主角亦因暴怒而誤殺，跟對方走上公路逃亡，順便見識偶像。死過再死，有電就可以無限復活！地方怪人也要愛！暴力美學，酒吧出來就爆頭，之後劇情亦都漸入佳境。　　《小丑2》般逃出這人類世界之荒謬。年代感同義詞堆砌，創作者與主角的自我對話，為自己爭真相只有自己才能出聲。黑化符號象徵，黑色口紅加上英國口音不難令人跟從！開頭劇情混亂不明，全場跳舞挨到就最精彩。　　女警探一路都被其他男同事忽略，就算查案精準仍得漠視。另一邊女人做科學家也是，要是丈夫不死她也不能獨自掛名做研究。女人不是附屬品，雖然周時大叫大喊卻無對象。建議前後參考一下《愛潑斯坦案》就明白女主角的前世處景。大量彩蛋在戲中電影，資深追從者必定如雷擊頂～　　30年代已經有3D技術，還有汽車影院暗中滲來。黑幫這邊成牆的玻璃樽，一言不合就即斃。對比女主角一身橙色服裝，正如逃獄的犯人。如何拼接新肉體及觸電復活技術，雖然是騙來的愛情若然不自救就真的成他人的花瓶！