陽光女子合唱團

故事道盡各式女孩子成年後遇上渣男面對嘅困局女人要自強！翁善玉嘅部分好好睇最年輕嗰位女孩子好值得同情戀上自己律師嘅女生做得好好連獄長其實都係好人其實真係警世片

我會形容套戲是感人。我會講，套戲是對淚線的大考驗，無疑套戲的故事走向是好傳統，大講母親對骨肉分離同以往所做的錯誤選擇而抱憾內疚的片。他不是如 鐵窗劇團 Sing Sing 般，描寫透過戲劇來描寫對自由的渴望，而是比較用母性的角度出發。但導演手法是好精準，好多位的處理鋪排好準，角色的調度推進好明確而細膩，加上恰當的幽默處理，好令各類觀眾共鳴，盡管好多伏筆位是好明顯，但導演卻處理得好。他好聰明，用一幕互相坦白的場口來勾畫出各主角的背景，這樣對套戲的情感昇華埋下好的基礎，不會有只有角色模糊的情況，這點是值得一讚，咁當然導演毫不遜色地，在戲中描寫男角是一群只懂欺負女性的渣男，這點個人覺得這是不太舒服的處理。無疑在這樣多條故事線中，楊倩玉這段，無疑是整套戲中是寫得最好同最細膩的一段，不論是她的演繹同這條線的故事處理，也是整套戲中最感動的一段。當然在戲中的歌曲同調光的處理，也是套戲的亮點。痴·影·夢·藝 X 的專頁 https://www.facebook.com/ckwunmovie/

雖然劇情公式，但極感人，各演員演出出色，劇情推進流暢，就算超過兩個鐘，也無悶場！

本來已知係催淚，但真係無諗過喊唔停！劇本寫得超好！超細緻，感動！另外，本身要入獄原因，係唔應該，但唔代表無理由地被欺凌

節奏算OK不過劇情冇乜特別反而監獄風雲好睇好多

2.8⭐電影台灣大收，滿有期望入場，點知原來只係一套典型又老套嘅C9電影， 不外如是，有失望嘅！。首先，電影係改编自韓國電影，所以一定會扣創意分。第二，整部電影嘅氛圍都唔似監獄，似女子寄宿學校成班女人柴娃娃鬥氣多啲：- 囚犯唔似囚犯，個個都重留長髮，有髮型，有染髮，有化粧，打扮得重靚過監獄外面啲女性。而女囚犯絕大部分時間都係無所事事喺度遊下遊下吹水- 獄警唔似獄警，同啲犯 friend 埋一堆，又係姊妹嚟既，一家親咁，似照顧啲犯多過監管啲犯- 監獄唔似監獄，監倉內生活用品/雜物多到似家居，應有盡有，啲犯隨時大把用具可以自S或械鬥都得。唔知台灣啲監獄係咪真係咁寬鬆、咁舒適？以上都比我一個感覺為製造一個虛假嘅温暖、温情戲劇環境，欠缺監獄嘅質感，啲囚犯喺入面似乎生活都幾豐足，幾愉快，不比外面差，有點兒戲。第三，攪笑部分真係不敢恭維，都帶點土味同Leung味，尤其今時今日仍然重玩肥婆跳唱作笑料 (trailer 作重點宣傳），真係過時啦，睇到都覺得尷尬！成套戲嘅笑位我都笑唔出。可能台灣觀眾仍然好受落。第四就係我最唔欣賞嘅洒狗血。臨尾持續十幾分鐘嘅大頭喪喊 + 播歌，以慘情畫面唧觀衆眼淚，低手！(令我唸起我好唔 like 嘅水狗皇后🤣)總結觀後感係一套典型比C9、姊妹或視覺系觀眾睇嘅老套、簡單又直白嘅温情/慘情片。睇得戲多對電影有要求(例如創新、表達技巧、手法等等)嘅觀眾入場與否自行決定。電影唯一嘅亮點係罕有嘅翁倩玉。PS.• 除咗原作韓版，其實2023年香港都有上映過一套類似題材嘅西片"鐵窗劇團" (Sing Sing), 果套好睇好多，係一套正劇，编、導、演、製作都更為出色，冇刻意賣慘賣笑唧人眼淚，但仍能令觀眾從內心裡感動。有興趣可參考小弟當時影評，或搵返呢套戲睇。• 電影宣傳叫人帶幾包紙巾，不過我睇果場又唔覺有人喊到九彩• 咁嘅水平電影都可以破票房紀錄，台灣觀眾品味原來僅此而矣...唉！🙄