奪命狂呼 7

新瓶舊酒就梗㗎啦！重可以點？！不過尚算有劇情，同埋舊人出返嚟有啲情懷，但文戲略嫌過多，有時會有少少沉悶感。另外結局謎底真兇動機就有啲無聊，有點揾戲嚟做。不過拍到第7集，大家都知其實就係揾戲嚟做。🤣🤣🤣 屬 kill time 片。PS.• 兇手個面具同黑外衣似乎係特殊戦鬥服，著咗100%防撞防毆打，比人打極都唔傷唔暈，冇咗面罩戰力即時下跌• 有咗 AI ，兇手隨時可以不死再現，拍第8、9、10、....• 久不久又出現copycat，都係長拍長有

玩到第七集，其實已經好叻，驚嚇度係值得加分嘅亮位！雖然鋪排上其實睇落都好明顯知道係隻鬼會出嚟殺人（或者嚇人），但喺演繹上都真係唔差，起碼對我嚟講唔悶，都嚇得幾好睇！扣婚位喺尾段Tatum 條仔同埋餐廳廚房門口嗰條仔身上，感覺上兩位都唔應該出現嘅時候出現，對白亦都幾無厘頭，真係大打折扣！整體都算係咁，已經係第七集，仲想點？收貨啦👍🏻

又係由第一集睇到而家嘅系列，其中水準係參差，不過今次第七部就平庸到些少驚喜都欠奉，只能靠主角「魅力」同一兩個新演員嘅戲去撐住。Scream VI無咗女主角Sidney (Neve Campbell) 由另一主角Gale （Courteney Cox) 擔曬加埋好多個新晉後生演員，至少比較緊湊，搏鬥上都badass一啲，今集只有開頭用個兇宅探險之旅叫做有啲gimmick ，之後劇情就係平舖直敘，真係冇驚嚇同刺激感。可能個IP同回憶剎情懷，歡眾都係會繼續睇，但係唔會買飛入戲院睇，而只係等串流先睇咯。同類電影，Final Destination 上年嘅 Bloodlines 反而唔錯，印象仍然深刻。

今集雖然讓Sidney回歸，但就忘記左呢個系列成功嘅要素。今次劇情可以話係混亂不堪，敘事手法可以話係冇，成套電影都好亂，ghostface嘅揭曉簡直係無言。一堆配角嘅存在就係出嚟俾人殺，上集嘅Mindy同Chad今集又係可有可無，Gale同Sydney嘅對手戲又係尷尷尬尬咁。強行加入關於AI劇情但漏洞百出，完全冇吸引力。有啲殺戮場面幾有趣但救唔到套戲，可以話係成個系列最弱嘅一套。

一路看一路估算今集有多少兇手的過程都有趣，有幾部分殺人方式及嚇人場面依然保持水準。