機動戰士Gundam GQuuuuuuX -Beginning-

高達也穿越：平行時空重啟，爭取與地球聯軍獨立的⾃護公國一邊「勝利」。假設觀眾大致知道一年戰爭的背景，不過都用了一大半時間去舉出兩邊為何會打起來，及以紅慧星他的方面去看戰局。衝向月球的所羅門炸毀之後就是新的世界。比較不顯眼的紅色高達應該是全場最惹笑的地方，馬沙也邊揸邊切齒～前章明明非常正經卻無法止笑！閃令閃令後，畫風稍微不同之外，新世代對戰爭的記憶已經不太有印象。畫風現代化然後，終於有更多場面呈現其中一個所處的人工殖民地。如果殖民地跌入地球一段再宏偉慘烈一些就更好。假的太空環境裏，一樣有難民問題。警察就更無所顧忌直接刮掉居民的建築物蹂躪。軍方的武器民用，民用的就軍方用。女高中生捲入軍事衝突中。還好是高中生劫走，而不是被反對勢力。雖然人人都可跳入駕駛艙，只有天手她才可駕駛的機體，再搭配米津玄師插入曲真的不會輸，非常澎湃！有心理創傷的主角才是高達的核心。綠色木馬號也發揮真正攻城用途，頭部180度旋轉也不再局限「人型」設計！跟《水星的魔女》展開類似禁用的系統，唯觀賞門檻更高。違禁品通街私鬥，如果 2 vs 2 MAV軍團戰的直播再撐多五分鐘就更佳。而住水渠裏紅色機體的塗鴉神秘人又是甚麼來歷，為何他跟女主角一樣可以用精神操縱機體呢？電影預習完，有待4月份TV版再續前緣。後半其實有點像《膽大黨》風格，直入所見的MS之中。似乎28歲的綠色大叔受更多人熱愛比起女主角！木星歸來後，人地的心都在尋找下落未明的馬莎⋯⋯ 還有，戲裏戲外，究竟如何讀出這個代號 GQuuuuuuX ？總之TV版會再講吧。

開頭都悶悶地，反而最尾幾分鐘先係最緊張，不過跟手完啦⋯⋯

首先講機設, 我呢啲老餅當然覺得的機設都幾肉酸, 不過我個十幾歲既女反而話ok。到講第一part, 啲一part同0079有關, 如果有睇0079嘅會覺得都幾特別, 世事冇如果, 今次就係做畀你睇如果...不劇透了。但去到第二part 真正主角先出場, 但片長關係, 睇完有啲到喉唔到肺之感。

睇咗半場致敬嘅劇情！輪到細路仔出場啦，又係神一般嘅天才遲啲可能B B一出世已經同高達有感應兩歲就可以揸高達！仲要係一定要係女仔呀，而家興呀嘛！講返審美觀先好公平呀外國嗰啲年輕人睇返以前嘅高達都係鍾意以前嘅高達再望返新嗰啲佢哋都頂唔順！即係證明唔係話老唔老嘅問題其實啲人執住你老啦你老啦睇舊嘢其實嗰啲好多都係以為自己係新一代審美價值觀係要同你哋脫離嘅就為之我叻過你呀你老啦，真係好可悲囉！YouTube外國嗰啲評論你哋睇吓就知㗎啦！同埋劇情好唔好？有冇深度會唔會太過唔合情理？人哋都係睇得好清晰嘅唔會講呢句話好正啊你哋班老嘢接受唔到咋，即係嗰句唔持平呀！你睇返中國台灣泰國馬來西亞都係唔buy呢啲所謂叫做年輕新一代高達！

對於我呢啲正統派UC高達迷(0079, Z, 逆襲の馬沙, 0080, 0083，MS08小隊，MS Igloo)嚟講未入場已先要對本作減一星，因為完全接受唔到呢個EVA系嘅所謂"高達"同"渣古"，係笨大繼Turn A之後另一"你想點？"之舉。🙄明白創作嘅嘢係要勇於試新，但係試到過咗火就唔好啦！入場後再減多一星係平行時空新故事同人設唔吸引，同埋幾兒童向，唔係我認真正統派杯茶。三粒星係純比前半部以現今製作技術惡搞同篡改以前0079橋段/名場面同使用當年經典BGM，幾有玩味。身體最誠實，睇後半部分時我瞌著幾次😅。嚟緊GQuuuuuuX TV 及其玩具/模型慳番唔駛預我。😄PS. * 觀乎整體機設、人設、故事同表達手法都係偏向兒童向作品。* PB相關機體商品冇被秒殺任你訂購就知咩事。