海關戰線

感觀娛樂性豐富，飛機、大砲、潛艇、槍戰、埋身搏鬥、走私軍火、刼船、撞碼頭……霆鋒瞓身演出，其自虐式武打場面，看到都疼。電影觀感元素不少，但總覺得缺乏激情，對於角色塑造流於表面，邱導演可動用資源可不少，但感覺上還差些層次，希望邱導演夥拍些資源不足的導演去拍些給觀眾留下印象的作品。電影觀感元素可不少。另外，那撞壞碼頭正好在駐港軍隊碼頭旁，若亮相解放軍特擊連參與，政治層次又升高了。

本片故事宏大，飛車、動作連場，睇得出導演、編劇已去到一個超越常人境界，以一個非理性同放棄邏輯嘅思維去製作呢齣電影。首先，電影不合理位多到隨處可見，令觀眾邊睇邊笑....係恥笑，同時亦感覺受辱...係觀眾嘅智慧被侮辱。在此不列出笑位，因為太多，亦不想劇透。留待觀眾入戲院或串流時發掘。動作場面方面，亦配合劇情般不合邏輯，但尚算交到功課，不過冇太大驚喜。CG方面只屬一般。重頭戲大船撞天星碼頭果幕好似撞豆腐咁，好順滑咁車過去，車完船頭一啲損毀都冇，毫無震撼力，不過同時亦諷刺香港豆腐渣工程問題之嚴重。演員方面，張學友造型設計不討好，好唔順眼，角色設計亦冇發揮空間。謝霆鋒就一貫謝霆鋒，無什驚喜。劉亞瑟同林嘉欣亦只屬閑角。整體此作我會用浮誇同不合邏輯嚟形容，觀眾入唔到戲，冇睇唔係損失。

劇本係重要，剪接都好重要。對白、剪片既轉接位、人物選角失誤、劇情脈絡及篇幅安排古怪（不符合一般警匪商業片既標準）等，導致作品對我而言，充滿一股「膠」味；好似睇緊一部海關抑鬱症宣傳片。幸好同期仲有《談判專家》係邱導少有合符邏輯既作品。今集海關就......拍得很好，下次不要拍了！