填詞L

甚少見無商業元素極樸素的自編自導半自傳小品. 任何曾有過少許夢想過的不難找到共鳴和回心微笑的小品. 記得由頭看到尾. 包括謝幕的名單. 填詞人的夢想不但實現. 更獲影展提名. 意義非凡. 堅持不是白費. 歌曲句句入心.

週一下午參與了一個有關人工智能的燒腦會議，會後立刻上網查詢放映時刻，前往高先電影院欣賞期待已久的《填詞L》，果不其然跟之前看預告片時的感受一樣，是我近期最喜歡的港產片。由鍾雪瑩飾演的羅穎詩自高中開始就對粵語歌填詞充滿興趣，跟由阿冰飾演的何雞一起報名參加校內的填詞/歌唱大賽，躊躇滿志準備演出的二人最後卻因其他同學的演出超時而被取消上台資格。這樣的小挫敗沒有澆熄阿詩內心的那團火。從高中到大學；從未談過戀愛到第一次拍拖；從入世未深的小女孩到參加填詞班結識魯Sir，從在家埋首鑽研填詞技巧到贏得CASH填詞大賽獲得新人合約，從在香港失意落魄到出走台灣工作假期，羅穎詩總是屢戰屢敗，屢敗屢戰，內心渴望想成為職業填詞人的那團火依然炙熱地燃燒。導演黃綺琳和我一樣都是一位80後，而本片可以算是她個人的半自傳，電影內出現的教會學校、ICQ、大學迎新、CD、My Little Airport的樂曲都勾起我無數美好的回憶。而本片最讓人回味的是那10多首原創的廣東歌（黃綺琳這位填詞L包辦了所有樂曲的歌詞），而我注意到樂曲歌詞的水準隨著阿詩的成長而變得成熟，由謝雅兒主唱的《填詞魂》更是一絕。講多無謂，請各位好友入場支持填詞L，摘自主題曲《填詞魂》的歌詞：難得我耗光一世努力才放棄曾花過力氣不過未令人銘記誰保證熱血可兌換動人結尾白費幾多感情幾多志氣任你怎麼禁播夢裡當天我有快樂過填詞L原聲大碟https://open.spotify.com/album/04aM0nQO41DDx5Rj2ikiVB?si=LD-n2Y-URaWRlFlBgog0AQP.S. 感謝你讀到這裡，填詞L的L是撚，撚手小菜的撚。在這裡的意思是一位想成為填詞人卻總是無法成功的人。而我應該就是一位影評L吧。#填詞L

題材新鮮有趣，對以廣東話為母語嘅人嚟講，特別有共鳴。一直都覺得寫廣東話歌詞嘅填詞人非常犀利，要寫一份啱音嘅詞已經好唔簡單，仲要啲詞係講緊一個完整嘅故事，更加困難。電影入面除咗描述填詞時遇到嘅問題，亦有道出填詞人要搵機會出到「出街歌」、被人認識前會經歷嘅困難，睇完會更加佩服堅持填寫全首只有廣東詞嘅填詞人，因為呢種堅持真係好唔容易。電影中大部分時間都較輕鬆搞笑，但亦不乏令人眼濕濕嘅情節，同場都有觀眾睇到喊。另外，電影歌曲嘅詞填得好有趣，如果冇睇漏，應該全部都出自導演手筆，導演都算係自肥地一圓自己嘅填詞夢。

雖然話套戲嘅題材有啲窄，但係有不同夢想嘅人我相信係佔大多數，套用呢套戲係講夢想，真係可以啱大部分嘅人睇，尤其是喜歡音樂嘅人通常都會更加鍾意，鍾雪瑩嘅演繹好好完全冇違和感，用呢個budget能夠拍出一部咁出色嘅電影，香港人實在太勁💪🏻加油👏🏻。

我睇大部分喜劇都笑唔出，但呢套非喜劇好多位令我忍俊不禁，點中笑穴，係有笑有淚嘅電影。睇得出係導演嘔心瀝血嘅作品，好多細節好多心思，剪接過場，畫面代替對白，歌詞視覺化的動畫，歌曲由導演親自填詞。鍾意睇YouTube 嘅觀眾見到好多YouTuber出場應該會會心微笑。劇情合理順暢，近兩小時都沒有冷場。多謝導演同團隊拍出咁好嘅作品。仲有，故事背景大約2000年，還原咗當年MSN等電腦畫面同聲音，八九十後嘅回憶返晒黎。

呢套電影都算很勵志，女主角就算面對現實當中很多的失敗，亦都很努力不斷嘗試，以致達成自己做填詞人的夢想