《寒戰 1994》

#寒戰1994 #ColdWar1994大家好，我是 Wild Wildy！今日同大家傾下呢部等咗好耐嘅神作前傳——《寒戰1994》(Cold War 1994)。呢部戲由梁樂民 (Longman Leung) 編導（代表作：《寒戰》系列、《梅艷芳》），係《寒戰》系列嘅前傳第一集。卡士簡直係「曬冷」級：由吳彥祖 (Daniel Wu) 飾演後生版蔡元祺、劉俊謙 (Terrance Lau) 飾演後生版李文彬；仲有金馬影帝吳慷仁 (Wu Kang-ren) 飾演豪門後人潘志昂、謝君豪 (Tse Kwan-ho) 飾演首富潘雋亨。甚至連元彪、葉童都出埋嚟，古天樂仲整咗個「二撇雞」曾俊華造型演特首，驚喜十足！數據參考：IMDb: - (基於首映口碑)Rotten Tomatoes: - (Critics)過去第一二集跑贏無間道，第二集票房跑贏周星馳功夫。這次我八分或以上。【讚】今集解譯了為何叫「寒」故事與視覺野心極大： 劇組復刻 1994 年嘅香港真係落咗重本，街上嘅舊車復刻做得中規中矩，最令我驚喜係舊啟德機場嘅 CG 復刻，飛機喺九龍城上空擦過嗰種壓迫感，真係拍得出嗰份時代情懷。前傳故事紮實，伏筆回收： 呢個前傳完全唔遜色於正傳。其實編導梁樂文喺拍第一、二集時已經有晒腹稿，今集 1994 雖然未解完所有謎團，但已經見到好多同第一集「失蹤衝鋒車」相關嘅伏筆。原來 1994 仲未係終點，後面仲有部《寒戰1995》先會全揭露當初所講1995年醜聞係嘜。第二集李sir死曬嘅政治部手足經歷左嘜野。動作同節奏平衡得好： 我覺得第二集因為要推政治佈局，文戲多咗少少；但今集喺動作同權力博弈之間拎到個好好嘅平衡，節奏明快，完全無冷場。演員交接順利： * 劉俊謙 (李文彬)： 佢演嗰種「柔中帶剛」嘅感覺好適合演嗰種喺黑白夾縫中被追殺嘅困局人物，成功接到梁家輝嗰種冷冽氣場。吳彥祖 (蔡元祺)： 演行動副處長嗰種心狠手辣、眼神入面嗰種壓迫感，真係型到裂。謝君豪與吳慷仁： 謝君豪真係「演乜似乜」，演首富嗰種貴氣同深不可測好到位；吳慷仁嘅影帝級演技我個人非常欣賞，兩父子嘅對戲火花四濺。【彈】政治解讀略嫌刻意： 雖然今集拉埋 MI6 嚟講，想解釋蔡元祺點樣獨攬通訊技術，但相比起十四年前《寒戰》上畫嗰陣，今日再睇呢種「天下烏鴉一樣黑」嘅政治解讀，感覺唔夠全面。只可講英國佬衰，英國好黑暗⋯畫公仔畫到出腸： 戲入面好驚觀眾睇唔明，透過年青版李文彬同飾演 MI6 主管嘅 Aidan Gillen（《權力遊戲》Littlefinger）嘅對白講到好白。例如問：「奉國家安全之名就可破壞法律？」對方答：”We don't break the laws. We write the laws.” 呢種對白雖然型，但就有種「九七前英國好髒、九七後仍想染指香港」嘅強烈暗示，感覺只係畫咗圖畫嘅一半。強烈對比可能只限台詞： 正傳兩大署長（郭富城 vs 梁家輝）嗰種信念對撞，無論台詞、信念、畫面構圖都係一絕。今集雖然多咗黑、白、富、政四方勢力，格局闊咗，但嗰種強烈嘅信念衝突，好多時只係靠台詞「講」出嚟，喺畫面處理上反而無正傳嗰種震撼。某些公路電單車追逐明顯日CG…【Wildy 補元：寒戰宇宙關係網】寒戰第一、二集重點： * 第一集講緊「衝鋒車同五名警員失蹤」，核心係「程序公義」之爭。郭富城（管理部）代表制度同法治，梁家輝（行動組）代表特事特辦同義氣。第二集升級到「政治角力」，揭露幕後有蔡元祺呢類前高層想操縱警隊。今集 1994 地位： 係要解釋蔡元祺點樣佈下呢個局。當年佢點樣將第三代通訊系統變做囊中物，其實就係為推自己馬房嘅人上警務署，甚至保安局長位。但呢啲位《黑社會》2更有力吧為何未有《寒戰3》？ 尤其係李文彬個仔李家俊（彭于晏 飾）雖然喺第二集看似重傷，但其實未死。有傳雙導理念不同而擱置了總結評分：8 / 10 如果你係《寒戰》迷，呢部前傳係必睇。雖然政治宣教味重咗少少，但作為港產工業大製作，佢嘅完成度係極高嘅。#寒戰1994 #ColdWar1994 #劉俊謙 #吳彥祖 #吳慷仁 #港產片 #影評 #WildWildy

只能夠形容係一套政治電影 劇情，如果唔嫌內容太誇張的話，其實都有一定吸引力，佢呢度集齊懸疑警匪政治黑幫所有內容炒埋一碟，所以睇得有啲辛苦。但係都睇得出電影入面特登做返九七前嗰啲感覺。如果唔將呢套電影同之前寒戰作比較，應該會冇咁失望。

演員cast嚟講，值回票價有凸，數唔到有幾多角色，無數咁多老+新派演員，好豐富！故事感覺上同本身寒戰睇落關係唔係好大…比較似獨立另外寫嘅前傳，基本上就算無睇過寒戰都無傷大雅…加分位喺cast，真係睇唔哂！

回顧以前的香港，吳彥祖、劉俊謙擔大旗的電影，78分

觀影時感覺被電影扯住走咁，加上人物/勢力衆多，觀眾難以 follow 同嗒戲，連思考/消化劇情嘅時間都冇，所以整體觀影感覺麻麻哋，睇得有點辛苦。明白寒戰其中一個成功之處就係節奏明快，但都應該要有個限度，當片長有限，但故事世界不斷擴大，人物不繼增加，快節奏只會令劇情變得單薄/兒戲，人物描寫同行事動機變得表面/膚淺。有啲大卡出場只得幾句對白，好似為出場而出場咁，咁樣嘅"星光熠熠"電影 so far 都冇乜幾多套係佳作。電影以郭富城同周潤發話舊屎嚟講番寒戰之前1994嘅故事。如前所述，電影世界觀擴展到好大，又警方，又黑社會，又政治部，又英國MI，又富豪，又特首，又乜乜乜，令電影劇情變得單薄欠深度，似流水式敍事 + 東拉西扯，冇咗故事劇情嘅張力同人物之間嘅深度角力，令電影流於表面欠深度。冇咗寒戰第一集嘅戲味同劇力。演員方面，卡士強勁，視覺享受係有嘅，但深層演技發揮係冇嘅，感覺都只屬一般表現。我唔會話係演員嘅問題，係導演/編劇嘅問題，編出一個流於表面又零碎嘅故事，演員自然冇乜得發揮。不過選角以劉俊謙去演梁家輝就真係代入唔到，外型同角色塑造同第一集梁家輝角色真係大纜都扯唔上，令投入度大減。至於動作同槍戰場面，只屬一般貨色，CG場面亦都幾假，槍聲、炒車聲唔夠出，焗住焗住咁。近期低成本製作嘅“衝鋒：火拼"絕對精彩、緊張同出色過佢。電影 budget 應該係去哂演員、導演/編劇果度。整體本人覺得此作都係逃唔過名作續篇嘅命運 - 一蟹不如一蟹，真係唔拍好過食老本為拍而拍。有咁大嘅資金同卡士點解唔拍套全新電影，反而不斷喺舊橋上鑽牛角尖，越鑽越爛呢?PS.• 雖然本人評價只係一般，但人家投資億萬，衆星雲集，比一百幾十入場睇仍然都係值嘅，睇戲嘅嘢冇話只有5⭐先值得入場• 有啲人話1995先係見真章，到時又睇下點，其待...• 呢套1994重難睇過 Juno 套風林火山😅• 整體嚟講以佢嘅資金同卡士，縱使有製作誠意，成手好牌都只係做到舖一、兩番雞糊牌，打牌果個要檢討一下。

《寒戰1994》，實情上是《寒戰1995》的大型預告片。來到《寒戰1994》，雖然導演刻意擴大整個電影格局，從警局、富商到黑幫再到英國政府，甚至以主權移交作為背景，但就算角色量大增，看似格局變大，但故事主題卻反而變得更加簡單。一宗富豪綁架案看似錯綜複雜，各方出手角力，但其實到頭來反而失去雙方壁壘分明的對立感，卻回歸大路港產片的強權壓到弱勢，再由弱勢力抗陰謀，排除萬難追求真相最後反擊的基本橋段。雖然電影透過配樂或者許多大型場面製造震撼感，但偶爾黑幫、偶爾富商、偶爾警隊內訌，所用的反而是港產片各種經典橋段。黑吃黑、用槍射偏救人、電單車公路追逐⋯⋯《寒戰1994》有一種既然獲得大量資金，不如盡情揮霍的氣勢。我確實佩服電影幾個大場面設計，例如復刻啟德機場的雨戰的確有震撼感，但整體卻並未有為劇情帶來推動。最令人深刻的寒戰第一集，精彩之處在於兩方勢力如下棋互相牽引，以及雙方的理念衝突，到最後真相反轉亦都相當精彩。但《寒戰1994》卻沒有這種精密計算的較量感，只有各方大勢力輪流show hand，誰大誰惡誰正確。又或者任由孤狼劉俊謙盡情搞局，透過打打鬧鬧去改變劇情取向，而非《寒戰》那種將巨大陰謀抽絲剝繭，在巨大壓力之下堅守真相的佈局。其他詳細影評，歡迎來到爆米花族的世界參觀： Ig：popcornmoviehk