掃毒2天地對決

以故事內容、劇情、飛車、槍戰都是傳統的港產警匪片，沒有很大的突破，由三大型男擔大旗，各環節都較細緻及落本，絕無冷場。很喜歡華哥的陰暗深沉表演，一轉臉令人心寒。支持華哥、古仔及三哥。支持香港電影。

呢集保持到水準，三大男主角演出都唔錯，尤其是劉德華~ 節奏快，絕無悶場，後面地鐵站果幕真係好正！完全無諗過竟然係廠景！好多墮樓爆頭場面，入場前要有心理準備。不過睇返comment, 劇情的確無乜講過兩兄弟既情份wo, 剩係講"廿幾年兄弟"....被觀眾見到既，只有仇恨！4.4/5 (88分)

地铁双车精彩剧情唔闷点

邱禮濤編與導呢套掃毒2，純港產片，同前集一樣咁好睇，邱導嘅招牌動作片鏡頭迫真，十分震撼，完場前在中環地鐵站內所拍片段，真係好高難度，照睇冇可能只係CG製作，但又點可以得到地鐵公司批准現場拍攝？令我摸不著頭腦。戲內兩個主線人物，當然係劉華飾演嘅余順天，同古仔演花名「地藏」嘅馮振國，兩個黑道人物多年恩怨，到最後如電影廣告話「相惜相殺」，其實佢哋何來相惜，只有相恨，世人往往能共苦但不能同甘，可以相噓相濡，但難以相忍相讓，所以莊子輕輕拋下一句：「不如相忘於江湖。」歲月摧人，劉華老矣，眼神已畧欠光采，冇咗以前嘅鋭利，反而古仔在片內做大反派，演出更為精彩，鋒芒畢露。好幾位配角嘅演出都係水準之上，但林家楝只演一小角色，不過，正如俄國戲劇大師史坦尼斯拉夫斯基所講：「沒有小角色，只有小演員。」家棟嘅演出都恰如其份，絕不欺場。香港人一定要捧有質素港產片，本片值得入場。

四平八穩，故事大路，官能場面充足，古天樂先生演出有突破。

《掃毒2：天地對決/The White Storm 2: Drug Lords》 劉德華古天樂兩人演繹角色浮誇，有欠真實，故事天馬行空，有錢人同作惡的人，同樣可以借錢行空，無視法紀，草菅人命，槍戰雖然精彩但令人側目，故事橋段犯駁，條理不通，只可以說劇情緊湊，地鐵槍戰場面浩大…但完全不合邏輯，四大毒梟更不知所謂，完全不似大佬所為，勉為其難若要讚嘅，只可以說劇情緊湊，場面浩大燒銀紙嘅大製作，但無法埋尾，唯有已死收場，相信觀衆都已經想到是意料中事！