#真的相識過 #BecauseOfYouKaKui【Introduction / 影片資訊】Movie Name / 電影名稱： 《真的相識過》 / Because of You, Ka KuiDirector / 導演： 香港新銳導演彭瑞祥（Rosa Pang）執導。本片由Beyond創隊成員葉世榮與樂隊前經理人陳健添共同監製。 Main Cast / 主要出鏡： 黃家駒 (Wong Ka Kui), Paul 黃貫中 (Paul Wong), 強哥黃家強 (Steve Wong), 世榮葉世榮 (Wing Yip) (但有講解之前成形前演變)My Rating / 個人評分： 8.5 / 10IMDb Rating： N/ARotten Tomatoes Rating： 【Speaking Script / 廣東話分享講稿】大家好，我係 Wild Wildy！今日想同大家傾一部令我非常之感觸嘅紀錄片——《真的相識過》(Because of You, Ka Kui)。有啲睇完嘅師兄講話睇到眼濕濕；但對我來講，未至於眼濕濕，但係有一種深沉感觸。同時，耳邊又好想跟住佢一齊大聲唱。家駒生於 1962 年，死於 1993 年，終年只有 31 歲。黃家駒，呢個名代表咗一個時代。睇完呢兩個鐘頭，我成個人好唏噓感慨。出得來受訪問已變老友記。後生時又靚又型⋯ 我87.5 分，絕對值得大家入場。呢部戲最正嘅地方，係佢冇用平時大台嗰種官方、造神式嘅視角，而係透過家駒生前班至友、同事，同埋一大堆極之珍貴、用手提攝錄機（Handycam）影低嘅私人影像，帶我哋更深、立體地認識呢位傳奇搖滾唱作人。原來以前班兄弟會笑佢「老餅」，私底下叫佢做「黃伯」。因為佢比同齡嘅人早熟得太多，思想行得太前。聽返佢早期嘅 Demo 同唱腔，你會發現佢把聲天生就帶有一種搖滾嘅滄桑同哀愁。佢個人明明好正面、好樂觀，但佢內心同聲線，卻比任何人都更清楚現實嘅無奈同悲痛。正正係因為呢種反差，佢先可以創作出咁多代基層大眾宣洩不滿、帶有強大社會人文關懷嘅音樂。亦無可能再有另一個家駒同Beyond樂隊...而且家駒嘅視野，真係超越（Beyond）咗嗰個年代。樂隊叫 Beyond，意思就係「超越」。喺八十年代、仲用緊錄音帶嘅時期，佢哋已經走去唱英文歌 (係未紅時，贏了第一次比賽出cassette係好大勇氣)。對比返依家，好多後生仔嘅英文水平被矮化得好可怕，家駒當年放眼世界，話比全世界聽香港有搖混樂隊，他的前瞻性真係無得頂。我喺呢兩個鐘頭入面，睇到一個最真實、最真誠嘅黃家駒。佢係一個徹頭徹尾嘅行動派，用搖滾態度做音樂做人。他對音樂嘅熱情由始至終都冇變過，甚至試過喺演唱會上面，叫歌迷靜一靜，等佢可以好好彈奏一首純音樂結他。佢對音樂真誠，對人亦真誠。佢希望所有音樂人都可以寫同唱屬於自己嘅歌，而唔係淨係做翻唱（Cover）。呢種貫徹始終嘅真誠，真係好感召到我。更難得嘅係，佢草根出身，但出名之後完全冇變到語無倫次，更加唔會去踩低其他人。戲入面另一驚喜嘅，係訪問咗佢嘅紅顏知己s。其中一個爆響口，話家駒以前其實對自己嘅身形非常有自信，無人嗰陣會頂搞笑咁對住塊鏡赤膊擺 Pose，覺得自己好似李小龍。不過諗深一層，呢樣嘢又好似一語成讖。李小龍喺佢最巔峰嘅時候離開（1973 年 7 月 20 號逝世），成為一代傳奇；家駒同樣喺最燦爛嘅 31 歲驟然隕落，同樣後無來者。雖然佢生前講過，唔想「香港只有娛樂圈，沒有樂壇」，但現實偏偏就係咁諷刺。紀錄片亦解答咗一個我以前比較少去深究嘅向度——點解當年會有人鬧 Beyond 係「搖滾的叛徒」？原來為咗將搖滾音樂帶入主流大眾，佢哋必須做出妥協，將風格由地下搖滾轉為 Pop Rock（流行搖滾）。而且其實家駒骨子裏好崇尚古典音樂（Classical Music），佢嘅古典結他造詣、理論，全部都係以古典音樂做基礎，再用搖滾樂釋放出來。睇住片入面重新解析佢同 Paul（黃貫中）嘅結他指法，真係精彩到毛管戙！佢甚至可以連續 5 個鐘頭一路睇電視一路揸住支結他唔放，嗰種機不離手嘅熱愛，大家一定要入場親眼睇班樂手講解。最令樂迷回味嘅，一定係片中記錄咗每首金曲背後嘅故事。 好似早期嘅《再見理想》，正面表達「夢想與麵包」嘅掙扎，歌詞寫道： 「心中一股沖勁勇闖，拋開那現實沒有顧慮……看似與別人築起隔膜。」 嗰時佢哋一早就真誠地將呢份孤獨寫進歌裏。而神曲《海闊天空》，喺佢紅顏知己眼中，原來副歌嗰句「原諒我這一生不羈放縱愛自由」，聽落去根本對佢地道歉。另外，又好似一早同大家道別咁。呢首歌係佢哋喺日本市場掙扎、痛苦緊嘅時候創作出嚟，結果成為了本地搖滾嘅終極經典。不過作呢首歌嘅時候，原來家駒心入面有一個好大嘅顧慮……至於係咩顧慮？喺度先賣個關子，等大家入場搵答案。仲有《真的愛你》，原來係參考咗 The Beatles 經典名作《Let It Be》嘅 C 大調和弦走勢，成功用最流行、最入屋嘅旋律打入大眾娛樂市場。我其他鍾意嘅作品如《長城》（劉卓輝填詞、黃家駒作曲），歌詞寫得極之有深度： 「遙遠的東方，遼闊的邊疆，還有遠古的破牆。前世的滄桑，後世的風光，萬里千山牢牢接壤。」 聽返劉卓輝嘅訪問先知，原來當年家駒畀咗填詞人 100% 嘅創作自由度，先可以寫出咁有歷史厚度嘅神作。另外，劉卓輝填嘅《灰色軌跡》同《大地》，片入面配上當年珍貴嘅畫面，嗰種衝擊力真係筆墨難以形容。前者:「我已背上一身苦困後悔與唏噓 你眼裡卻此刻充滿淚這個世界已不知不覺的空虛 喔不想你別去 」我已想跟著唱... ; 後者「在那些蒼翠的路上歷遍了多少創傷在那張蒼老的面上亦記載了風霜秋風秋雨的度日是青春少年時迫不得已的話別沒說再見回望昨日在異鄉那門前咘噓的感慨一年年但日落日出永沒變遷這刻在望著父親笑容時竟不知不覺的無言讓日落暮色滲滿淚眼」全片嘅聲畫表現充滿咗時代嘅眼淚。導演好有心思地保留咗以 1985 年 Beyond 自資演唱會嘅 4:3 畫面開始，嗰種帶有雪花、手震嘅 Handycam 畫質，反而呈現出一種八、九十年代香港最輝煌、最自由奔放嘅黃金質感。亦是他未爆紅之時。去到影片最後，訪問每位老友會用咩顏色去形容心目中嘅家駒，每個人嘅答案都好有哲理、好精彩。彈:不過，直接啲講，呢部紀錄片亦唔係完美。喺敘事結構上，後期嘅節奏有啲平鋪直敘 (訪問片段和舞台片段交錯，我覺Elvis變化更大會少點悶感)，基本上紀錄片無交代佢生於 1962 年 6 月 10 號，然後就講到 1993 年 6 月 30 號喺日本富士電視台錄影節目時，意外從高台墜下身亡。為後生觀眾這些是基本。最令我覺得遺憾，係 Beyond 咁多首劃時代嘅神作入面，代表和平與大愛、致敬曼德拉（Nelson Mandela）嘅《光輝歲月》，喺戲入面竟然完全無提過背後咁宏大嘅歷史背景！電影最後只係將焦點放喺「自信可改變未來，問誰又能做到？」呢兩句歌詞上面，純粹當成一首勵志歌去處理。點解將首歌縮到咁窄、單薄，唔洗我解釋了吧。《真的相識過》作尾應是未公開的demo(?) 以這作結有意思。總括而言，絕對係近年最值得香港人、甚至所有華語樂迷入場支持嘅音樂紀錄片。它帶畀我哋嘅，不單止係集體回憶，而係一種「真誠做人、用生命玩音樂」嘅滾燙態度。我們奉上帝之名，家駒是奉音樂之名吧。大家睇左未先？未睇嘅快啲入場支持，睇咗嘅師兄，歡迎喺下面留言話我知，邊一首歌最觸動到你？我哋下期再見，Bye Bye！
顯示更多
收起
19
3
0
