藍甲蟲

很好看 令我喜歡上藍甲蟲 新英雄人物

個人覺得套戲是好睇，作為占士根反擊MCU的第一擊，整套片出來也是醒神，雖然故事設計有點俗套，但卻細緻描寫同掌握到拉丁美裔以家庭團結為重心的核心價值同文化，這方面我喜歡。的確套戲中很多設計也同MCU也類似，他有毒魔的共生設計、鐵甲奇俠的作業系統同反派的設計（熱能鞭）、蟻俠的故事脈絡（最明顯是彩蛋），咁當然以上一切，無論導演或占士根也是拿捏得不俗。咁當然他藍自己也是獨特特色，意念武器的設計同副裝甲這樣Cyber感也是他的特色。當然我也喜歡整套戲所用的色調，這種Cyber藍同粉紅色也是令我睇得投入。玩復古的設計也是同樣。而套戲中主角一家這樣鮮明性格我也喜歡。其實這套也很有多對拉丁美裔的譏諷同其文化的暗喻，這方面導演也玩得頗入神。PS：吹波膠的設計應該向 MI 1致敬，還有最後這個是惡攪初代藍甲蟲痴·影·夢·藝 X 的專頁 https://www.facebook.com/ckwunmovie/

當英雄片已拍到泛濫之時, 此片已無什麼突出值得稱讚之處, 感覺似睇緊IRONMAN + 蜘蛛俠。故事劇情典型英雄片第1集格局, CG特技動作場面設計屬行貨水平, 無什驚喜。整體一般, 屬一看無妨, 但冇睇亦唔係損失類別。我睇完冇感咁離場。老太婆成日都話遲啲先講點解佢咁好揪, 但去到完場都係冇講到, 主角麻lug揸車胡鬚佬親人又唔知點解成個科學家咁重要識揸甲蟲戰船...R 哂頭！🤔Total 有兩個彩蛋, 後尾果個都唔知做乜, 趕時間可唔睇。

半科幻成份嘅英雄片，入場前我十分期待，高科技機甲動作情節亦無令我失望。不過情節不太緊湊，充滿溫情嘅家庭戲有少少感人亦有少少悶。至於動作特效都係好睇嘅，只係打鬥場面偏少。最深刻印象都係個女主角，人靚又善良，而且好少見到拉丁裔女仔做主角。4.4/5 (88分)

外形似蜘蛛俠加Iron Man 遭遇似閃電俠+新版Spider-Man 外星人留下裝置上身 又似神奇隊長合成炒雜錦嘅組合式超英故事 超英嘉年華 超英自助餐故事公式 老土 平庸 發展完全係意料中事親情線想煽情但煽唔到 因為唔夠真誠 做戲咁做橋段堆砌 口水多過茶 唯有特技CG出色不過打鬥場面就相當熟口熟面 得少少🤏刺激漫畫設定係想俾備受壓迫剝削嘅美國拉美裔移民一個自high嘅機會可惜電影似乎係進一步侮辱拉美裔人士 實行二次傷害「你哋冇用㗎 讀埋大學都係一啲用都冇唔係外星科技揀中你 唔係有個有錢靚女睇中你你唔使旨意翻身 想做英雄 睇完漫畫發下夢就得」最唔明貴為堂堂奧斯卡影后嘅Susan Sarandon居然咁平庸嘅劇本都接 仲要做奸角丑角整體而言 好睇過中港電視劇啦

整體就像《沙贊》愉快的氣氛。如果早十年上，可能劇情就吸引很多。走向即情就是對家的《蜘蛛俠》，有新能力的細路，再與敵人戰鬥。日本的《寄生獸》中的米奇當隻聖甲蟲上身男主角一刻第一下想到。預期DC伏片，不過出到來還算可以 。拉丁一家人驚的時候屢次張大嘴，好似日劇的「好好味呀」般造作。雖然他們好吵好煩，但是好溫馨的鬥嘴冤家。而已為了救回男主角，全家武裝起來殺入敵方，最大反差萌的阿嫲嫲究竟有甚麼不為人知經歷？夜景反派所坐的紫燈直升機好型，十足《創戰記》的光影效果。在基地，揭穿邪姑的機器人柱的一幕，第一眼就想起當時用人發電《廿二世紀殺人網絡》的震撼畫面。但是尾段的甲蟲戰機實在太「膠」，更遑論那個不知如何評價的放屁攻擊。看畢亦對這個聖甲蟲來歷不清楚，原本以為會帶出「外星」的背景。也不知道路人男主角為何就選上，又沒有甚麼特別之處非他不可。整間公司得一個人寫到程式，可以處理下載原始碼，然後就叛變幫男主角。世界觀比起其他DC作品容易理解，就是一個研究外星科技的Kord集團。還好有錢女主角選角正常，符合現代「大眾」審美觀。中文字幕好像跟不上一些西班牙語對白，不過應該不大問題 。開頭一些大學生畢業、老家被收回、貧富懸殊、非法移民等等問題其實可以再省略。但是我要的是黑暗的世界觀，而不是黑歷史⋯⋯