陰目偵信

題材幾搞笑Error四子演得幾好笑CG都做得唔錯劇情都係嗰啲，但輕鬆笑下熱血下 幾好～

個人覺得套戲是可以，導演整體處理同執行也可以，雖然在講故事技巧上，導演處理的確有頗多沙石，但因他在裏面所帶出這種本土趣味，從而令我喜歡同可挽回一定的分數。他今次拿了很多本土電影中內的精髓同金句來加入套戲來點綴，加上富有意味的隱喻同四錯子的演繹，從而好令整套戲變得過癮，個人覺得這樣的確可以掩蓋到故事上的空洞。咁當然導演在故事中有很多應需交代的位過於少，這樣的確令角色塑造方面沒更深度的描寫，個人覺得這樣有點可惜。咁當然導演今次在角色設計上也是令人過癮同獨到，他這樣設計好切合到四錯子獨特的個性，從而令套戲添加了質感。其中個人最喜歡193，他今次這個低能的演繹的確有所眼前一亮，咁當然其餘三個也是演繹得不俗。痴·影·夢·藝 X 的專頁 https://www.facebook.com/ckwunmovie/

故事劇情同制作一般, 屬新導演及低成本制作, 不能要求太高, 幸有Error不停攪笑救返套戲, 可以咁講...成套戲就係睇Error。整體嚟講都夠熱鬧攪笑, 當爆谷片娛樂一下都OK嘅, 但沈振軒收皮之後劇情有點拖戲。導演及制作團隊仍需努力。陰目偵信戲種已成, 如果今作收得, 相信日後會加碼添食, 或會成為系列作品, 每集都接新case。

主題係鬧鬼，但係唔恐怖，仲好搞笑，好有勇士打大魔王果種感覺。後來睇介紹原來男主角係error四子，對白都好有香港特色，兩位女角都好靚女~想放鬆一下心情嘅睇呢套就無錯啦。4.5/5 (91分)

我俾$25睇老人早場如果俾分唔合格代表連$25都唔值利申：我對Mirror n Error 都冇偏見唔係fans但唔反感不過除咗華Dee識做戲之外其他三位有好大好大嘅進步空間肥仔同妹豬之間零感人193扮白痴但真白痴 連珍寶珠都啜得唔好睇保錡扮cool係因為唔識演戲 但連cool都只係箍住口面懵口懵面紙紥四人組勁多errors 當然英皇出品一貫低水準 只sale偶像 銷費年輕人編劇差導演差化妝差服裝差美指差特技最差話係鬼片搵隻鬼睇吓都冇 一堆紅色泡泡就敷衍了事話係笑片 除咗互相催尿以逃出結界之外 冇嘢好笑電影想有啲寓意 但眼高手低例如平安大廈=今日香港勸籲留低嘅港人唔好內鬥 齊心捉內鬼最後揶揄上一代係廢老歌頌年輕人係美好未來嘅開創者但以英皇娛樂嘅風格 這只是建基於票房收益嘅考量對青少年拍馬屁擦擦鞋都是口不對心嘅卑鄙營商手法又想賺大錢又唔認真我俾$25都覺得唔抵如果你俾更多睇哩套片 我更替你覺得不值啦

有之前英皇電影風格，一大班人去解決一個問題，然後內訌吵架，再快速解決收結。去到半路主角們知道有內鬼，無原著背景真的猜不到間諜何者。開頭就好快展開：演小太郎的宅男阿Dee日常工作如何濕滯，再淘寶到遇件不知何方神聖的「刀郎」，落街就識了救了偵探社的三位成員，並一同處理地產商作邪法，去逼走平安樓留守居民的問題。何啟華明顯有更多演出經驗。MVP是戲中的肥仔有陰陽眼，最大貢獻同戲份。作為妹控，當妹豬受害，戰鬥力大增；Poki就是有錢的打雜偽鬼仔，有伍氏力場；193就作為驚青馬後炮，各種9up尷尬擔當，最難搞無特別。對方實在太強，轉去找幫手戲中演紙扎鋪老闆的 #葛文輝 。氣氛即刻緊張起來！燒大哥大跟大樽裝［屈臣氏］蒸餾水之外，最盞鬼是大玩禁忌，將四子變成紙扎公仔，真的是Meme圖一絕位。幫拖的神婆 #黃正宜 阿正又一樣的出戲，一直自帶引笑的因子，還有客串賣肉的沈震軒。刀郎真魂大叔現身出現好型，選角真的好符合好有氣場！周家怡眼神好𠗕好型，完全看不出馬腳！配樂好特別。好似有種《我和殭屍有個約會》的復古味道每當刀郎在平安樓出場的時候。而困於結界時致敬《潛行兇間》，又有種現實圍城事件的參考。四人互磋引尿好尷尬又搞笑。臨急操練準備好似水果忍者，直情就是《深宵閃避球》。片尾NG位幾好可以坐到最後，加最後的有少少趣宣傳片尾。尷尬的感情線還好不多，但都貢獻一兩個笑位，雖則對劇情無多大幫助。可能片長限制如果跟肥仔的小女鬼妹豬多些背景，就更有想找出害其的兇手的逼切感。再如果四人合唱出首電影主題曲就更好。