鬼上你的牀

上映日期: 2015年6月25日 片長: | 99 分鐘 級別:
IIB
2.8
評分
264 讚好 66 影評
19歲女生Jay青春無敵,對愛情充滿浪漫憧憬,沒想到與新男友的甜蜜初夜竟惹來惡鬼纏身。做完愛做的事後,Jay發現惡靈一直緊隨著她,而旁人竟看不見。死亡威脅步步逼近,為了甩身自救,Jay必須盡快找人上牀,將惡靈以身相「傳」給下一位幸運兒。 Jay不想胡亂與陌生人發生關係,但一直暗戀她的好友竟舉手自薦,兩難的Jay如何取捨?《鬼上你的牀》顛覆青春鬼片傳統,少少鹹多多趣好玩又創新,難怪在多個國際影展贏盡笑聲、尖叫與好評,並成為2015年至今美國最賣座驚慄cult片王。
顯示更多 arrow-down
loading
影評
詳情
場次
李奧
Lv. 10
star 0.5
垃圾至極
驚嚇、血腥、暴力、色情等等全部都唔到位,劇情好一般,好易估,套路太簡單,有零分的話一定會俾!
顯示更多 arrow-down
0  負評
0  回應
K W
Lv. 10
star 2.0
只有景靚 劇情非常失敗
樓下都有人講電影無頭無尾,我十分同意,而且驚嚇過程不緊湊,靠聲畫搭救,張力不足,顯得虎頭蛇尾,是一部令人totally disappointed的鬼片。
顯示更多 arrow-down
1  負評
0  回應
howard
Lv. 10
star 4.0
意念有趣,有心寒位但不密集
首先, <鬼上你的床>呢個中文片名聽落充滿爛味但其實呢套戲係外國影評一致讚好嘅電影,所以理應值得入場近幾個月,香港上畫嘅美國恐怖片都係劣評如潮嘅作品eg<回魂實驗>,<黑衣凶靈2>,<七步成屍>難得有一套好評如潮嘅美國驚慄作品上畫,心入面都對套戲好期待內容講女主角有次搞完嘢,個男仔就警告女主角講將會有隻鬼追殺佢隻鬼識變做唔同人樣,不過隻鬼行得好慢,同埋隻鬼得個女仔先會見到而個女仔只要搵另一個人搞嘢咁就可以將個魔咒pass走隻鬼會改為追殺果個人不過如果果個人死左,咁隻鬼就會再再開始追殺返個女主角電影嘅意念我覺得好有趣開頭一路睇一路心諗:乜好恐怖咩?點知隻鬼出場果下,又真係會覺得好大壓迫感甚至響播定音樂等隻鬼出場果陣已經開始覺心寒加上女主角成日都響啲室內地方,搞到好似冇得走咁,真係會睇到好肉緊同埋套戲成日有啲路人響背景經過所以就會一邊睇一邊響度諗到底個路人甲係唔係鬼變出黎,自己嚇自己睇果陣都有啲同情女主角隻鬼咁神出鬼沒,都唔知以後夜晚點訓覺另外,套戲嘅藝術感居然出奇地高好多景,畫面睇落都好有feel好有攝影美(eg紅葉路,無人海灘,泳池等鬼)呢樣係睇之前估唔到嘅加上對白唔算多,成日用畫面表達故事令電影多左一份高雅格調同類恐怖片不太常見這種情況同埋配樂都要一讚有啲七八十年代恐怖片feel,聽落幾有味道不過套戲嘅悶場其實唔少因為隻鬼出場頻率其實唔算密集感覺好似驚一陣又要悶一陣咁而唔係keep住每隔幾分鐘就嚇一嚇,令你由頭驚到尾果種氣氛另外套戲都有犯駁位例如唔明點解開頭個男仔要專登搞咁大場龍鳳傳俾女主角明明直接去叫雞就得睇果陣又響心入面幫女主角諗解決方法如果飛去外國又會點?隻鬼係咪要花好長時間游過太平洋先搵到你,定其實隻鬼都識坐飛機搵你?去到外國又如果求奇叫雞,而隻雞嘅客源係世界各地旅客,咁隻鬼都應該要花好多時間先排隊排到你?又或者如果個女主角走去拍返套素人av反正班男女優日日都n場戲唔同對手咁應該都會成功救到自己?睇完又諗其實套戲真係超低成本,都係搵人化下halloween妝慢慢行路,然後一個二個扮驚就拍到既然咁易拍不如整個日本版效果可能仲驚?套戲嘅結局我認為寫得不錯直到最後一刻都令觀眾響度自己嚇自己話係完左又得,話係留下續集伏線又得總括而言,呢套戲有明顯悶場,對隻鬼嘅來歷都欠缺交代,多多少少我都有啲失望但驚果下,個心寒效果都有一定強度故事意念又有創意,配樂同美術都有不俗水準女主角又好靚女鍾意恐怖片嘅人都無理由唔入場P.S.又話咩鸁盡笑聲尖叫聲嘅?笑位在哪?
顯示更多 arrow-down
5  負評
0  回應
食洋鮑
Lv. 10
star 3.0
巒上你陰囊
都唔係咁驚嚇姐??????
顯示更多 arrow-down
0  負評
0  回應
苦男人
Lv. 9
star 2.0
到底拍緊乜(>﹏<)
入場前,見廣告,以為係鬼片。睇到三份一,見咁多除衫戲,覺得係三級片。再睇三份一,音樂迷幻神化,認為係音樂片。終於睇完,乜都唔使講,睇成場人都瞓到乜咁,就知係悶片,重要係悶到係藥醫果種。以鬼片做賣點既戲可以悶成咁,真係少有,節奏慢到難以想像,唔知重以為睇緊紅白藍。故事轉接奇怪,唔講隻鬼無啦啦點解一個傳一個,無問題,咁都可以講講鬼同人之間鬥下法啩?中段既時候,主角同班朋友友去渡假屋做乜先?尾段又無啦啦去游泳池殺鬼,邊個話比佢地知呢個方法先?你講用把左輪就可以打死鬼,可以,咁就咪係前面拍隻鬼係打唔死先得架!班朋友同個妹既角色,其實有乜意義?個女配角係咁睇小說,又想表達啲乜?太多太多解釋唔到既缺陷同問題,完全唔明呢套戲點可能會係外國影展拿獎,一係就係香港版剪接唔同左,一係就影評人有慧根,睇出普通觀眾睇唔出既野。要讚既係配樂同佈置,都好有懷舊味道,另外故事亦有創意,唔同鬼直接咁行埋受害者殺人的手法相當少見。
顯示更多 arrow-down
4  負評
0  回應
再見螢火蟲
Lv. 8
star 3.0
一般般
***此內容含有劇透,按此查看更多***
1  負評
0  回應
私隱政策
使用條款
免責條款
655239f