變形金剛：狂獸崛起

其實睇transformer 係因為好鐘意optimus prime. 前段都比較失望，睇唔出optimus prime 有做領袖既特質，好彩後尾都型返。Ending 唔錯，期待下一集。

都唔知搞乜，雖然劇情好過Michael Bay，但都係普普通通嘅商業片。夾硬塞啲驚喜位，但好突兀。下集可以唔洗睇

個人覺得套戲是可以，導演執行同處理可以，沒太大驚喜，但不是太過差，如果以爽片角度他是合格，戰鬥場面貫徹傳統之餘，而因有密斯武的加入令其有新意，而幻影與主角融入這副裝甲也是一大亮眼點。我會形容這套是屬於黑人的一集，很多位也是講黑人文化同其彩蛋，由選角、配樂以至裏面的細緻位，也充斥這樣元素。但這套在劇本處理上依然如之前變形金剛系列般一樣薄弱，故事推進同角色之間的處理同衝突也是漏洞連連，雖然爽片一般未必對劇情處理有太大要求同期望，但以新三部曲的首套來講，我也是對他失望。咁當然女主角的樣也是一個失分點，過度政治正確有時真是很令人討厭。咁當然片尾這樣的注腳也是令人有所期待。痴·影·夢·藝 X 的專頁 https://www.facebook.com/ckwunmovie/

（本身是transformers迷）。場面富巨氣場，機器人打鬥精彩，人類男女角表演及美顏普通，至重要是機器人表演感覺暢快，值得去看。

呢個系列每集都係大同小異冇乜新意, 劇情簡單卻又不合邏輯同好多bug。但觀眾嘅著眼點都係放喺CGI戰鬥場面, 但求觀能刺激, 其他都唔會同導演編劇計較, 因為鬧嚟都多餘, 唔會變, 好似狂野時速系列咁。今集故事劇情依舊一般般, 冇特別驚喜, 但CGI特技戰鬥場面依然保持水準, 型格動作、鏡頭凌厲、仍然睇得賞心悅目。但整體嚟講動作場面相對較以往少, 文場戲較多。對於要睇爽片嘅觀眾嚟講未必夠喉。如果呢個系列想繼續走落去, 只賣CGI而沒有好劇本支持, 系列亦難以支持落去, 變成只係fan屎向電影。非fan屎可能留番Netflix先睇, 又或者唔睇, 票房自然下跌。

今次兩位人類戲份唔少，類似奪寶奇兵嘅情節，加上新出場嘅種族，好有新鮮感。劇情簡單易明，最後大戰精彩，屬於四平八穩嘅特效爆谷片。4.6/5 (91分)