魔域女巫

一位never say no的女巫，一位變形人獵人，俩因要完成客戶的要求，構成一個奇特驚險經歷，其奇妙處是看似相互矛盾的客户要求都能一一完成。更特別是两位相互仇敵的女巫和獵人都能有完滿ending，故事設計頗具深思。再者，電影的美術設計和攝影效果更具水準，那種冷色和奇異場景，特別配合當時專制暴政的故事背景和男女角的孤獨、無奈、冷酷無情。本片值得去欣賞。若本着觀能刺激，這片也有，但不是電影主體。

《魔域女巫》改編自佐治R.R.馬田早年的短篇小說，時空背景設定在一個沒有具體年份的未來。導演保羅安德遜利用晦暗色調，試圖營造出一種宛如夢幻般的超現實狀態。隨着女巫姬艾莉絲（米娜祖華域芝飾）與獵人波伊斯（戴夫巴蒂斯達飾）闖進「失落之地」，神秘魔域慢慢浮現眼前⋯⋯如果形容馬田最廣為人知的長篇巨構《冰與火之歌》（電視劇《權力遊戲》），是一幅大型的穹頂壁畫。那麼“ln The Lost Lands”，只不過是素描簿上一幅很隨意的草圖，就連起稿的平行線痕仍依稀可辨。牛仔帽當然不是 Indiana Jones的註冊商標，但波伊斯與姬艾莉絲在失落之地的幾幕化險為夷，看起來確實很像山寨版《奪寶奇兵》。這些誠意不足的場面，放在四十年前也不可能收貨，況乎廿一世紀的今天？戴夫巴蒂斯達雖然是肌肉賁張的大隻佬，卻無法複製尊榮、奇連伊士活、胡迪等牛仔代表人物的硬漢氣質。快將步入半百的米娜祖華域芝，成為全片的最大亮點。一雙依舊深邃靈動、顧盼生姿的眼眸，是讓觀眾堅持下去的僅有力量。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

未到鎅凳級別但亦唔算好睇，劇情除左最終女巫vs人狼，同埋結尾不甚驚喜嘅幾重因果關係外，其餘劇情堪稱九唔搭八。剪接失敗而且混亂；劇情整體走向感覺似AI寫出黎；大部分角色只係無人設用來死嘅工具人，甚至有幾個我一睇到已經知係送頭，劇情實在過於明顯。所有角色包括男女主角感情來得不明不白，無啦啦相愛又相殺，毫無可以說服到我佢地會相愛嘅點。另外戲中想講下革命呀、神權皇權、中世紀獵巫、嘍囉小卒好明顯影射十字軍、黑人奴隸、Madmax式末日幻想、惡魔、又有類似現代大城市嘅廢墟做背景。咁就大獲，炒埋一碟但又缺乏一個好嘅背景設定同有深度嘅描寫，結果所有設定都只係一個個冷冰冰嘅設定，一切都係鏡花水月，搞到四不像咁…….最搞笑係班宗教打手，揸火車飛落街個幕低能得制我竟然笑左出來。唯一係特技尚算好看（雖然都係Marvel式綠幕）女主祖華域芝唔知係咪用CG執過黎，靚+後生過《生化危機》時好多，近鏡隊埋去佢到有一定亮眼位。

人狼 + 女巫 + 大量CG + 動作場面 + 血腥暴力 竟然可以 = 奄悶😴本片雖然有以上商業片元素，但導演玩手法，令畫面表達、劇情發展、角色設計、演員演譯各方面都沉悶非常。導演講故事技巧不足，令好多劇情冇解釋/唔連貫，又或者流於表面，令人睇到 R 哂頭。最後扭橋解釋亦係唔湯唔水。不過最攞命都係沉悶畫面表達同男女主角好flat嘅角色設計/演譯。現場聽到鼻鼾聲，我自己都"鐘"咗幾次。PS本片世界觀同表達手法有點Mad Max 影子，但同Mad Max 差一大節。

首先男女主角出場都好有型，然後結伴前往lost land, 無論係對話定係場景都感受到末世嘅無奈同埋荒涼，打鬥戲反而不多。女主角多次提到“我沒有選擇”，在從不拒絕別人願望的情況下，如何完成各人互相矛盾的願望，也是看點之一。4.7/5 （93分）